Gosod a gwirio offer sain

Mae’r Safon hon yn ymdrin â gosod a gwirio offer sain ar gyfer ei ddefnyddio ar leoliad neu mewn stiwdio gan ddefnyddio naill ai gamera, cymysgydd a/neu recordydd. Bydd angen i chi weithio’n effeithiol gydag eraill a sicrhau fod offer sain ac ategolion wedi cael eu gosod yn ôl y cynllun, eu bod yn ddiogel, yn gweithio’n gywir, ac yn cwrdd ag anghenion penodol y cynhyrchiad. Bydd angen i chi ddyfeisio atebion i unrhyw rwystrau neu broblemau.

Bydd y Safon hon yn berthnasol i unrhyw un sy’n ymwneud â gosod a gwirio offer sain. 

P1 gwirio fod y math o offer a’i leoliad yn cyd-fynd â’r diffiniad ohonynt yn y fanyleb

P2 cadarnhau fod systemau wedi’u gosod a’u bod yn gweithio’n unol â’r fanyleb

P3 cynnal dadansoddiad electro-acwstig cywir i roi amcan o gydbwysedd sain ymhob ardal o’r lleoliad perfformio pan fo galw

P4 darparu cydbwysiad sain addas ar gyfer y cynhyrchiad

P5 gwerthuso canlyniadau profion i ddarparu arwydd clir o ran pa mor dda mae’r systemau’n cwrdd â’r gofynion

P6 addasu manylebau i ddarparu’r ansawdd sain ddelfrydol

P7 gwirio fod cyflwr unrhyw fatris yn ddigonol ar gyfer hyd bwriedig y defnydd 

P8 ymgynnull offer yn unol â’r fanlyeb neu ofynion eraill

P9 gwirio fod unrhyw offer a logwyd yn cydymffurfio â’r rhestr eiddo, gan adrodd ar unrhyw anghysonderau wrth y bobl addas

P10 lleoli erials i wneud yn fawr o ‘pick-up’ RF a lleihau’r tebygolrwydd o ollwng allan, a chydymffurfio â rheoli amleddau

P11 gosod trosglwyddyddion a derbynyddion yn eu lle â sensitifrwydd mewnbwn sy’n addas ar gyfer ei ddarpar ddefnydd

P12 adrodd ar offer diffygiol a’i labelu’n unol â gofynion cynhyrchu

P13 lleoli a chydgysylltu offer a cheblau yn unol â’r fanyleb

P14 adnabod a mynd i’r afael ag unrhyw namau, methiannau a diffygion offer

P15 gwirio fod ceblau’n cwrdd â’r perfformiad sy’n ymwneud â’u defnydd

P16 gwirio fod y cyflenwad ynni sydd ar gael yn cwrdd â gofynion

P17 cynnal gweithdrefnau pweru yn unol â gofynion cynhyrchu 

K1 pa brofion a dadansoddiadau gwahanol a gynhelir ar systemau sain yn gyffredinol ac ar eitemau unigol o offer

K2 pwysigrwydd gwirio offer i sicrhau ei fod yn cydymffurfio â gofynion diogelwch

K3 sut y gall rhwydweithiau TG effeithio ar syncroneiddio

K4 arwyddion cyffredin namau, methiannau a diffygion a sut i’w trin

K5 disgwyliadau cleientiaid neu gynhyrchwyr

K6 pa ategolion rhag y tywydd sydd eu hangen, a sut i’w defnyddio

K7 darpar ffynonellau sain a ble y’u lleolir

K8 pwysigrwydd hyglywedd deialog yn enwedig o gofio namau clywed poblogaeth sy’n heneiddio

K9 gofynion labelu a fformatau

K10 pwy sydd angen cael cadarnhad am systemau sain a phryd y mae’n addas darparu cadarnhad ysgrifenedig, a phryd y bydd cyngor ar lafar yn dderbyniol

K11 gofynion lleoliad a gosod lleoliadau sain

K12 â phwy i gysylltu i adnabod y gofynion y mae angen eu cyflawni

K13 gweithdrefnau gwirio diogelwch perthnasol ar gyfer offer sy’n rhedeg ar y prif gyflenwad trydan, gan gynnwys gwirio offer symudol

K14 pa reoliadau diogelwch trydanol sy’n berthnasol

K15 rheoliadau a gweithdrefnau diogelwch fel y gweithredir hwy yng nghyd-destun rigio, gosod, gweithredu, rhwng sioeau, dadrigio, storio ac, os yw’n berthnasol, trafnidiaeth; a gwneud amgylcheddau gwaith yn ddiogel ar ôl i’r gwaith ddod i ben

K16 gofynion statudol a gweithdrefnol ar gyfer diogelwch mewn lleoliad o wahanol fathau a meintiau 

K17 dulliau o rigio a dadrigio’n ddiogel, a sut a phryd i’w gweithredu

K18 agweddau diogelwch cyfeirio ceblau

K19 technegau hedfan ac unrhyw reoliadau perthnasol

K20 ymwybyddiaeth o ofidiau iechyd a diogelwch ynghylch trosglwyddiadau RF

K21 gofidiau iechyd a diogelwch o ran offer yn y glust

K22 egwyddorion acwstig, gan gynnwys y rheiny sy’n berthnasol yn y cyd-destun presennol, a sut i’w cymhwyso

K23 mathau o offer a’r hyn y mae’n gallu’i wneud

K24 mathau o feicroffonau a’u nodweddion

K25 mathau cyffredin o gysylltwyr a chyfluniad y piniau ynddynt

K26 protocolau safonau ffeiliau perthnasol

K27 pa ffactorau a ddylid eu dwyn i gof wrth leoli erials ar gyfer sioe fyw

K28 egwyddorion sylfaenol systemau trosglwyddiadau RF

K29 egwyddorion sylfaenol monitro yn y glust

K30 pam ei bod hi’n bwysig gadael offer mewn cyflwr da ar ôl ei ddefnyddio

K31 safonau perthnasol ar gyfer sain byw ar gyfer trosglwyddo, dosbarthu a ffrydio

K32 rhwydweithiau a systemau TG perthnasol