Lleoli a gweithredu meicroffonau

Mae’r Safon hon yn ymdrin â lleoli a gweithredu meicroffonau i ddal sain. Gall meicroffonau fod yn rhai gosodedig, rhai sy’n cael eu dal yn y llaw, ar fŵm neu ar bolyn. Mae hyn yn ymwneud â lleoli meicroffonau a’u hoffer cynnal er mwyn iddyn nhw fod yn anymyrrol ac yn achosi’r maint lleiaf posib o darfu ar berfformiad, tra ar yr un pryd yn dal y sain o’r ansawdd orau. Mae’n ymwneud â llwyddo i gael cydbwysedd addas rhwng ffynonellau sain a dal sain gyda’r persbectif, ystod ddeinamig a gwybodaeth aml-sianel addas. Mae hefyd yn ymwneud ag ymateb i giwiau mewn dull a gydlynwyd yn dda a delio â phroblemau yn ystod y gwaith.

Bydd y Safon hon yn berthnasol i unrhyw un sy’n ymwneud â lleoli a gweithredu meicroffonau.

P1 penderfynu ar safleoedd gweithio a symudiadau ar gyfer meicroffonau yn ystod gosod ac ymarfer, sy’n cwrdd â gofynion cynhyrchu

P2 cael cydbwysedd rhwng ymarferoldeb safleoedd  gweithio a disgwyliadau ansawdd sain sydd fwyaf effeithiol ar gyfer cynyrchiadau

P3 lleoli meicroffonau i leihau ar sŵn neu sain ddiangen

P4 lleoli meicroffonau a’r offer sy’n eu dal er mwy eu gwneud yn anymwthiol ac yn lleihau cysgodion ac adlewyrchiadau diangen

P5 lleoli meicroffonau ac offer arall er mwyn lleihau ymyrryd ar, ac er mwyn osgoi rhwystro neu beryglu, cyfranwyr a chydweithwyr

P6 lleoli meicroffonau i gael cydbwysedd rhwng ffynonellau sain yn unol â gofynion sain

P7 cadarnhau fod lleoliadau terfynol meicroffonau’n cyflawni’r ansawdd sain orau bosib, o fewn cyfyngiadau cynhyrchu ac amgylcheddol

P8 lleoli meicroffonau mewn lleoliadau gweithio disgwyliedig, ac mewn ffyrdd y gellir eu hailadrodd drwy gydol cynyrchiadau, gan nodi lleoliadau meicroffonau rhag ofn y bydd angen ail-wneud y siot

P9 cynnal delwedd a phersbectif sefydlog yn ystod symud meicroffonau, yn unol â gofynion cynhyrchu

P10 dal sain â phersbectif sydd naill ai’n cefnogi neu’n gwella lluniau, sy’n ddigon hyglyw ac sydd ag ystod ddeinamig ddigonol

P11 cofnodi safleoedd meicroffonau mewn fformatau sy’n addas ar gyfer eu defnyddio dro ar ôl tro

P12 ymateb i giwiau â chydlyniad corfforol llyfn, gan ragweld newidiadau siot a symudiadau ffynonellau sain a chamerâu

P13 symud meicroffonau mewn dull llyfn, llifeiriol ac anymyrrol, er mwyn osgoi cynhyrchu sŵn diangen, a pharhau i fod yn gydymdeimladol i naws a theimladau cyfranwyr

P14 cadw gwybodaeth am leoliad wrth symud meicroffonau

P15 cyfathrebu â chyfranwyr a chydweithwyr mewn ffyrdd sy’n ennill eu cefnogaeth ac sy’n lleihau ar ymyrraeth ar ganolbwyntio pobl eraill

P16 cysylltu ag aelodau eraill o’r criw i leihau unrhyw ddarpar gysgod gan y bŵm neu broblemau adlewyrchiad

P17 adnabod, cyfyngu ar a chywiro unrhyw ddiffygion a chamweithredu mewn systemau ac offer yn ystod perfformiad gan darfu cyn lleied â phosib ar y perfformiad

P18 diogelu offer dal sain mewn ffordd ddiogel yn unol â gofynion cynhyrchu, pan na fydd yn cael ei ddefnyddio

K1 ble i gael gwybodaeth am safleoedd gweithio a argymhellir ar gyfer offer neu weithredwyr

K2 meini prawf a dulliau gwerthuso safleoedd gweithio ar gyfer offer a gweithredwyr

K3 pryd y mae angen addasu disgwyliadau safon sain a ffiniau gwneud hynny

K4 pwysigrwydd hyglywedd deialog yn enwedig o ystyried namau clyw poblogaeth sy’n heneiddio

K5 sut i ymdrin â chysgodion ac adlewyrchiadau diangen a achosir gan leoliad y meicroffon a’r offer sy’n ei ddal

K6 pa onglau camera, lensys a chymarebau agwedd sy’n cael eu defnyddio, a’u hoblygiadau ar gyfer lleoli a gweithredu meicroffonau

K7 nodweddion y sain sydd ei angen, beth yw ffynonellau’r sain, a pha newidiadau neu symudiad yn y ffynhonnell y gellir eu disgwyl

K8 y ciwiau, a sut i symud meicroffonau’n llyfn mewn ymateb iddynt

K9 egwyddorion sylfaenol technegau goleuo ar waith a’u hoblygiadau ar gyfer lleoli meicroffonau

K10 nodweddion y meicroffonau sy’n cael eu defnyddio, ac unrhyw ategolion, a ffyrdd o’u gweithredu

K11 egwyddorion acwsteg perthnasol, a sut i’w gweithredu yn y cyd-destun presennol

K12 technegau i gynnal delwedd a phersbectif sefydlog yn ystod symud meicroffonau, yn enwedig ar gyfer sain stereo a 360 gradd

K13 materion cydnawsedd rhwng mono, stereo, aml-sianel ac aml-drac yn y cyd-destun presennol

K14 dangosyddion namau, methiannau a thoriadau, a sut i’w rheoli a’u lleihau

K15 mecanwaith crogi meicroffonau a bwmau

K16 egwyddorion sylfaenol cyfansoddi llun, a sut y maen nhw’n berthnasol i’r siot

K17 y potensial i wneud camgymeriadau paralacs a sut i’w hosgoi neu’u cywiro

K18 tracio bŵm, a sut i dracio i gwrdd ag anghenion y cynhyrchiad

K19 sut i gyfathrebu’n effeithiol â chleientiaid, cyfranwyr a chydweithwyr

K20 sut i werthuso ac ymateb yn gadarnhaol i geisiadau gan gyfranwyr a chydweithwyr

K21 pam ei bod hi’n bwysig cyfathrebu mewn modd clir, cwrtais a pherswadiol â chydweithwyr a chyfranwyr, a sut i wneud hynny

K22 sut i adnabod unrhyw newidiadau angenrheidiol, a chyflwyno cynigion yn syml a chryno

K23 sut i ddal a symud polyn mewn osgo diogel, o fewn i’ch cyfyngiadau corfforol eich hun ac mewn ffordd y mae’n bosib ei gynnal am gyfnodau cymharol hir o amser

K24 sut i weithredu offer fel bŵm neu bolion, a chynnal eich iechyd a’ch diogelwch chi ac eraill

K25 pryd y mae’n addas adrodd am ddiffygion a chamweithio wrth bobl eraill, a sut i wneud hynny

K26 gofynion cynhyrchu ar gyfer sicrhau offer dal sain yn ddiogel