Gwneud recordiadau sain

Mae’r Safon hon yn ymdrin â gwneud recordiadau sain mewn stiwdio neu ar leoliad gan ddefnyddio naill ai gamera, cymysgydd a/neu recordydd. Mae'n golygu recordio “line-up” i’r safonau technegol a ddisgwylir, gan gynnwys y codau a'r wybodaeth yn y “line-up” a recordiwyd sydd eu hangen i atgynhyrchu'r recordiad. Mae hefyd yn cynnwys profi’r recordiadau, monitro ansawdd y sain a recordiwyd, datrys unrhyw broblemau sy’n codi yn ystod recordio a rheoli’r recordiad er mwyn iddo gwrdd â gofynion cynhyrchu.

Mae’r Safon hon yn berthnasol i unrhyw un sy’n gwneud recordiadau sain. 

P1 cadarnhau fod y “line-up” a recordir ar lefel sy’n cwrdd â safonau a gytunwyd ac ymateb amledd a ddisgwylir

P2 cadarnhau fod gan recordiadau gymhareb signal-i-sŵn ddisgwyliedig, eu bod yn rhydd o namau y gellir eu clywed, a chynnal perthynas wedd signalau y “line-ups”

P3 sicrhau fod codau adnabod a gwybodaeth sydd ei angen ar gyfer atgynhyrchu mewn “line-ups” a recordiwyd yn cael eu cynnal

P4 darparu, monitro a gwirio tôn “line-up” naill ai yn y camera, y cymysgydd a/neu’r recordydd yn erbyn gofynion

P5 darparu, neu sicrhau argaeledd, offer addas ar gyfer unrhyw ofynion sain resymol sy’n debygol o godi oddi mewn i ffiniau disgwyliedig cynyrchiadau

P6 adrodd yn ôl i’r bobl addas am unrhyw broblemau a allai rwystro gwneud recordiadau derbyniol

P7 gwneud recordiadau prawf, gan ddefnyddio deunydd rhaglen nodweddiadol, sy’n rhydd o unrhyw namau y gellir eu clywed

P8 sicrhau fod gan gyfryngau recordio gapasiti digonol ar gyfer hyd ddisgwyliedig recordiadau

P9 sicrhau na chollir recordiadau blaenorol y bydd galw amdanynt efallai, na recordio drostynt

P10 cadarnhau’n rheolaidd fod unrhyw system syncroneiddio’n addas, yn ddigon cywir ac yn gweithredu fel y dylai

P11 cynnal cydnawsedd y mathau fformatio

P12 rheoli lefelau sain cefndirol anaddas nes bod yn gyson ac addas ar gyfer defnyddio’r recordiadau maes o law

P13 cadarnhau pan fo’n addas fod sain yn cael ei recordio ar y gyfradd ffrâm a gytunwyd ac yn ôl y fanyleb

P14 cynghori pobl addas am atebion posib yn achos methiant y system neu dorri ar offer

P15 cynhyrchu’r sain a ddymunir yn y fformat a ddymunir, ar y lefel sy’n ofynnol, gyda’r ystod deinameg sy’n addas ar gyfer y cyfrwng recordio neu’r dechnoleg

P16 recordio sain ddigonol ar ddechrau a diwedd pob ‘take’ i alluogi symud yn ddi-dor i ddeunydd cyfagos

P17 cwblhau cofnodion, a chynhyrchu labeli, ar gyfer recordiadau sy’n gywir, yn ddealladwy, yn gyfredol ac yn hygyrch, ac sy’n cwrdd ag anghenion cynhyrchu

P18 adnabod pob recordiad drwy logio meta ddata, mewn modd sy’n dderbyniol ac yn ddealladwy i ddefnyddwyr olynol yn y broses olygu ac ôl-gynhyrchu

K1 gofynion technegol ac esthetig y cynhyrchiad

K2 cyfyngiadau gweithredol a thechnegol y cyfrwng sy’n cael ei ddefnyddio

K3 pa dechnegau a gofynion sy’n berthnasol

K4 y defnydd o feicroffonau a thechnegau ar gyfer gosod meicroffonau

K5 effeithiau lleoli meicroffonau ar siots

K6 defnyddio offer recordio sain yn gywir a gofalu amdano

K7 sut i wneud recordiadau sain sy’n cwrdd â’r cyfyngiadau technegol ac artistig

K8 sut i asesu nodweddion acwstig

K9 technegau i helpu lleihau sŵn dianghenraid

K10 pwysigrwydd hyglywedd y ddeialog yn arbennig o ystyried namau clyw poblogaeth sy’n heneiddio

K11 strategaethau effeithiol er mwyn cynyddu eglurder clywed deialog

K12 technegau goleuo naturiol ac artiffisial sy’n cael eu defnyddio, a sut y gallai’r rhain effeithio ar y defnydd o fwmau, lleoliad meicroffonau a recordio

K13 sut y bydd recordio’n effeithio ar y prosesau golygu ac ôl-gynhyrchu

K14 arwyddocâd cymhareb signal-yn-erbyn-sŵn, cyfnod y signal a rheoli lefel sain ac uchder uwchlaw’r pen

K15 unedau desibel a defnyddio mathau gwahanol o systemau mesur

K16 aliniad a chyfluniad cywir yr offer recordio

K17 gofynion y cwsmer a sut i gydymffurfio â nhw

K18 technegau ar gyfer lleoli meicroffonau a recordio ar gyfer amnewid deialog yn awtomatig (ADR)

K19 safonau digidol, eu cyfluniad a sut i gydymffurfio â nhw

K20 sut i gynnal cyfluniad mathau gwahanol o fformatau

K21 y defnydd o god amser a safonau mewn cymhwysiannau perthnasol

K22 egwyddorion syncroneiddio a systemau cyfeirio a sut y maen nhw’n berthnasol i recordio

K23 dulliau o gadarnhau fod sain yn cael ei recordio’n gywir gan gynnwys monitro signal a recordiwyd a dulliau eraill

K24 y mathau o fformatau recordio a safonau ffeil

K25 beth i’w wneud yn achos methiannau system ac offer yn torri

K26 y bobl briodol i gysylltu nhw yn achos methiant system, offer yn torri a phroblemau eraill a allai rwystro gwneud recordiadau derbyniol

K27 hyd neu gapasiti cyfryngau recordio ar y cyflymder neu’r raddfa sampl a ddefnyddiwyd

K28 cadw cofnodion a gofynion labelu

K29 gofynion meta ddata

K30 sut i waredu deunydd gwastraff, gan gynnwys batris, yn ddiogel