Cyflwyno syniadau ar gyfer cynnwys golygyddol

​Mae'r Safon hon yn ymwneud â chyflwyno syniadau ar gyfer cynnwys golygyddol i gynhyrchwyr, golygwyr neu gomisiynwyr mewn ffordd sy'n broffesiynol a darbwyllol. Mae'n ymwneud â thrafod prif elfennau eich cyflwyniad yn eglur a'r hyn sy'n gofalu bod eich syniad yn wahanol ac yn arbennig.

Mae'n ymwneud â chyflwyno'r wybodaeth gefndirol angenrheidiol am ymarferoldeb llunio cynnwys, cynhyrchu ac amcan realistig o gostau.

Mae'n ymwneud â dwyn i ystyriaeth cyfyngiadau cyfreithiol a hawlfraint berthnasol ynghyd â chodau ymarfer cyfredol.

Mae'r Safon hon yn berthnasol i bawb sy'n cyflwyno syniadau ar gyfer cynnwys golygyddol.

​

1. llunio achosion neu gyflwyniadau ar gyfer cynnwys golygyddol sy'n gymhellol, cryno a rhesymegol
2. cynnig gwybodaeth gefndirol gywir a pherthnasol ynghyd ag amcanion realistig o gostau
3. i gefnogi cynigion, gofalu bod y syniadau'n cydymffurfio gyda chyfyngiadau cyfreithiol a hawlfraint berthnasol ynghyd â chodau ymarfer cyfredol
4. cyflwyno'ch cynigion ar ffurf briodol
5. gofalu bod y cyflwyniad o syniadau neu sgriptiau yn adnabod elfennau'r cynnwys i'w lunio mewn ffordd eglur a chywir
6. gofalu bod cynigion yn bodloni'r cyfyngiadau o ran amser a chyllideb
7. cynnig digon o amser i wneuthurwyr penderfyniadau i ofyn cwestiynau a gofyn am ragor o wybodaeth
8. addasu neu ddiwygio eich cynnig yn sgil derbyn adborth a derbyn beirniadaeth mewn ffordd gadarnhaol

​

1. gwybodaeth am y gynulleidfa a marchnad ddichonol, arddull golygyddol, dull a ffurf
2. sut i ddangos bod y syniad neu sgript yn wreiddiol ac yn bodloni gofynion cynnwys golygyddol
3. sut i gynnig cyflwyniadau cymhellol, cryno a rhesymegol i wahanol dderbynwyr
4. sut i adnabod a pharatoi gwybodaeth gefndirol berthnasol
5. sut i amcan costau llunio cynnwys a chynhyrchu
6. sut caiff syniadau eu gwireddu mewn gwahanol amgylcheddau
7. cost a goblygiadau technegol a logistaidd rhoi syniadau ar waith
8. y gofynion o ran hyd, arddull, cynulleidfa a braced cost cynnwys
9. y prif ystyriaethau cyfreithiol a moesegol sy'n effeithio ar y defnydd o wybodaeth
10. y cyfyngiadau hawlfraint perthnasol
11. agweddau perthnasol codau ymarfer newyddiadurol cyfredol
12. sut i baratoi ar gyfer cwestiynau gan wneuthurwyr penderfyniadau
13. sut i ddiwygio cynigion ar sail adborth