Adnabod, paratoi a chynnal cyfweliadau

​Mae'r Safon hon yn ymwneud â pharatoi ar gyfer a chynnal cyfweliadau. Mae'n ymwneud â deall natur a diben amryw fathau o gyfweliadau y mae newyddiadurwyr yn eu cynnal a'r gwaith paratoi sydd ynghlwm cyn pob cyfweliad.

Mae'n ymdrin ag adnabod cyfweledigion priodol, gwirio'u manylion a ffeithiau cefndirol.

Mae'n ymwneud â chynllunio cwestiynau a chyfarwyddo cyfweledigion yn gywir.  

Mae'r Safon hon hefyd yn ymwneud â chynnal amryw fathau o gyfweliadau o dan wahanol amodau, gan ddefnyddio arddulliau cyfweld addas ac ymateb yn briodol i ymateb y rheiny caiff eu cyfweld.

Mae'r Safon hon yn berthnasol i bawb sy'n adnabod, paratoi a chyfweld ar gyfer cynnwys golygyddol.

​

1. defnyddio gwybodaeth ddibynadwy i adnabod diben a chanolbwynt pob eitem neu gynhyrchiad rydych yn gweithio arnyn nhw
2. adnabod a chysylltu gyda phobl briodol i'w cyfweld, gan ddwyn i ystyriaeth yr angen am gydbwysedd a chymysgedd o safbwyntiau lle'n briodol
3. gwirio ffeithiau cefndirol a manylion personol er mwyn cadarnhau perthnasedd ac awdurdod cyfweledigion cyn cychwyn y cyfweliadau  
4. cynnig gwybodaeth eglur a chywir i gyfweledigion ynghylch y cwestiynu dichonol a'r cyfraniad disgwyliedig ganddyn nhw
5. mabwysiadu arddull cyfweliad sy'n ymddangos yn ddigymell, sy'n addas i'ch amcanion ac yn annog yr ymatebion angenrheidiol gan bob person rydych yn eu cyfweld
6. gwrando ar ymatebion cyfweledigion a chynnig cwestiynau priodol wedi derbyn eu hatebion
7. cynnig eglurhad i gynulleidfaoedd ar adegau priodol ynghylch gwybodaeth dybiedig gan gyfweledigion ac ynghylch unrhyw dermau neu ymadroddion arbenigol gaiff eu defnyddio 
8. dod â chyfweliadau i ben pan fo angen gydag effaith golygyddol priodol
9. cyflwyno cyfweledigion i gynulleidfaoedd ar adegau priodol a gofalu caiff safbwyntiau cyfweledigion eu hadlewyrchu mewn ffordd deg a chywir  pan gaiff cyfweliadau eu golygu cyn eu darlledu
10. gofalu caiff unrhyw ffurflenni rhyddhau a chaniatâd eu llofnodi gan bobl berthnasol
11. cyfarwyddo aelodau perthnasol o dimau cynhyrchu a thechnegol gyda'r wybodaeth mae ei hangen arnyn nhw bob amser
12. gweithio gan gadw at y cyfyngiadau o ran adnoddau a'r gyllideb
13. derbyn caniatâd gan gyfweledigion ddefnyddio'r cynnwys ar draws aml-lwyfannau

1. ​diben y cyfweliad
2. y gwahanol ofynion ar gyfer y gwahanol fathau o gyfweliadau gan gynnwys cyfweliadau byw, wedi'u recordio, mewn stiwdio neu mewn lleoliad arall   
3. y cyfarwyddyd sydd wedi'i gytuno'n eglur ar gyfer pob cyfweliad, a'r cynulleidfaoedd targed
4. sut i baratoi ar gyfer cyfweliadau ac adnabod cyfweledigion
5. y terfyn amser ar gyfer cyfweliadau wedi'u recordio a'r hiciau ar yr awyr ar gyfer cyfweliadau wedi'u cwblhau a'u golygu
6. hunaniaethau a lleoliadau cyfweledigion unigol
7. y cyllidebau ac adnoddau sydd ar gael ar gyfer pob cyfweliad
8. pryd i ddefnyddio ffurflenni rhyddhau a chaniatâd priodol, pwy sydd eu hangen nhw a phryd a pham ddylid gwarchod hunaniaeth pobl rydych yn eu cyfweld
9. y gwahaniaethau rhwng cynnal cyfweliadau wedi'u cynllunio a rhai digymell
10. yr arddull cyfweld cywir ar gyfer y gwahanol fathau o gyfweliadau a gwahanol ofynion eitemau, gorsafoedd, rhaglenni a chynyrchiadau
11. sut i baratoi cwestiynau sy'n annog atebion rhesymegol, dadlennol, croyw neu ddifyr a defnydd cwestiynau agored a chaeedig 
12. sut i wirio bod cyfweledigion yn deall yr hynny rydych yn ei ddisgwyl ganddyn nhw
13. pwysigrwydd cynnal cyswllt llygaid a defnyddio iaith y corff priodol wrth gynnal cyfweliadau wyneb-yn-wyneb  
14. y codau gwisg perthnasol ar gyfer gwahanol achlysuron a lleoliadau
15. sut i ddod â chyfweliadau i ben yn naturiol a thaclus
16. gweithdrefnau ar gyfer derbyn caniatâd gan gyfweledigion i ddefnyddio'r cynnwys ar aml-lwyfannau
17. sut i ymdrin ag asiantaethau a chynrychiolwyr Cysylltiadau Cyhoeddus