Tracio a swingio craeniau a breichiau jib
Trosolwg
Mae’r Safon hwn yn ymwneud â gweithredu craeniau a breichiau jib yn ddiogel a, phan fo angen, tracio’r holl adeiladwaith.
Mae’n ymwneud â deall cyfyngiadau rigiau o fewn eu hamgylchedd weithio, cydymffurfio â chanllawiau’r diwydiant a chynnal asesiadau risg.
Mae’r safon hwn ar gyfer unrhyw un sy’n tracio a swingio craeniau neu freichiau jib.
Meini prawf perfformiad
Mae'n rhaid eich bod chi'n gallu:
1 Gwirio’r gwaith cydosod a sicrhau fod tystysgrifau diogelwch perthnasol yn ddilys
2 Symud camerâu mewn symudiad llyfn yn unol â gofynion cyfarwyddwyr neu weithredwyr camerâu bob amser
3 Amseru symudiadau i gyd-fynd â gofynion y siot
4 Adnabod symudiadau sydd y tu hwnt i allu’r offer neu a gyfyngwyd gan y bobl sydd ar gael
5 Adrodd am gyfyngiadau wrth staff cynhyrchu perthnasol a cheisio a chyflwyno atebion dichonadwy
6 Rhoi hysbysiad clir o lwybrau bwriedig craeniau neu jibiau i bob person perthnasol
7 Gwirio fod llwybrau’n rhydd o bobl nad ydyn nhw’n hanfodol, ceblau a rhwystrau eraill
8 Cyfathrebu gyda phobl eraill mewn modd sy’n gwella ansawdd ac effeithiolrwydd y symudiadau
9 Sicrhau craeniau a jibiau yn unol â gweithdrefnau gweithredu cyn i unrhyw bersonél fynd ar y peiriant neu oddi arni, gan gytuno o’r ddeutu ar bob symudiad o’r fath gydag unrhyw weithredwyr eraill
10 Cymryd camau addas i sicrhau nad oes neb yn dod oddi ar y craeniau a jibiau cyn iddynt dderbyn cyfarwyddyd i wneud hynny gan weithredwyr y craen
11 Gwirio fod craeniau a jibiau bellter diogel i ffwrdd o unrhyw geblau foltedd uchel
12 Gwirio fod cyflymder y gwynt o fewn i gyfyngiadau gweithredol craeniau a jibiau
13 Sicrhau fod gwelededd da i ddau ben y craen neu’r breichiau jib bob amser ac nad oes dim rhwystrau, personél na rhwystrau eraill yn ystod y cyfnod defnyddio
14 Gwiriwch fod offer ac ategolion wedi'u gosod yn parhau'n ddiogel ac yn ddiogel yn unol â deddfwriaeth, canllawiau ac arfer gorau ar gyfer eu defnydd
15 Darparu asesiadau risg i’r tîm cynhyrchu yn unol â gofynion iechyd a diogelwch
16 Gweithredu craeniau neu freichiau jib yn unol `â deddfwriaeth a chanllawiau presennol
17 Sicrhau a gwarchod offer pan nad yw’n cael ei ddefnyddio yn unol â chyfarwyddiadau’r gwneuthurwyr
Gwybodaeth a Dealltwriaeth
You need to know and understand:
1 Deddfwriaeth berthnasol, canllawiau ac arfer orau’r diwydiant
2 Y ffordd gywir o gydosod craeniau a breichiau jibiau
3 Sut i gael tystysgrifau diogelwch
4 Sut i werthuso sadrwydd arwynebeddau ble bydd y craeniau a’r breichiau jib yn cael eu mowntio
5 Egwyddorion gweithredu craeniau, jibiau ac offer tracio
6 Ystyriaethau diogelwch unrhyw offer tracio
7 Cyfyngiadau lleoliadol yr offer sy’n cael ei ddefnyddio
8 Manteision gwaith tîm a sut i gyfathrebu ag eraill
9 Sut i gynnal asesiadau risg ac i bwy y dylid cyfathrebu’r canlyniadau
10 Sut y mae cyflymder y gwynt yn effeithio ar ddefnydd o graeniau a jibiau
11 Pellterau gweithio diogel oddi wrth geblau foltedd uchel
12 Sut i gynnal gwelededd dau ben y craen neu’r breichiau jib
13 Sut i wirio fod offer ac ategolion a osodwyd yn ddiogel a sicr
14 sut i sicrhau nad oes neb yn mynd ar y craeniau na’r jibiau, nac yn dod oddi arnynt, oni bai fod ganddynt awdurdod i wneud.
15 Sut i ddiogelu craeniau a jibiau pan nad ydynt ar waith
16 Pam ei bod hi’n bwysig cadw offer yn sych ac yn rhydd o lwch, tywod a malurion eraill