Dewis dulliau o fewnforio nwyddau
URN: SFLSCM112
Sectorau Busnes (Suites): Rheoli Cadwyn Gyflenwi
Datblygwyd gan: Lantra
Cymeradwy ar:
30 Maw 2022
Trosolwg
Mae’r safon hon yn ymwneud â dewis dulliau o fewnforio nwyddau. Mae’n cynnwys cael a gwerthuso gwybodaeth yn ymwneud â’r nwyddau sydd yn cael eu mewnforio a dulliau mewnforio. Mae hefyd yn cynnwys nodi dulliau mewnforio i fodloni manylebau, asesu buddion a risgiau, ymdrin â phroblemau a rhoi canlyniadau gwerthusiadau sydd yn cydymffurfio â gofynion.
Mae’r safon hon ar gyfer ymarferwyr cadwyn gyflenwi. Gallent fod, er enghraifft mewn rolau prynu, gweithrediadau logisteg cludiant neu reoli trafnidiaeth.
Meini prawf perfformiad
Mae'n rhaid eich bod chi'n gallu:
- cadarnhau gwybodaeth archebu a mewnforio am y nwyddau sydd yn cael eu mewnforio
- cael gwybodaeth am y dulliau mewnforio sydd ar gael
- gwerthuso addasrwydd y dulliau mewnforio
- nodi a dewis y dulliau mewnforio sy’n bodloni manyleb y nwyddau, rhanddeiliaid allweddol ac unrhyw ofynion eraill
- nodi ac asesu buddion a risgiau defnyddio’r dulliau mewnforio a ddewiswyd
- nodi unrhyw fesurau diogeledd a bioddiogelwch ar gyfer y nwyddau angenrheidiol sydd yn cael eu mewnforio
- nodi ac ymdrin â phroblemau gyda’r dulliau mewnforio
- rhoi canlyniadau’r detholiad i gydweithwyr
- cydymffurfio â’r gweithdrefnau cyfreithiol, rheoliadol, amgylcheddol, iechyd a diogelwch a sefydliadol perthnasol ar gyfer y dulliau mewnforio
- hyrwyddo cyfrifoldeb dros yr amgylchedd a chynaliadwyedd o fewn y sefydliad a chyfathrebu a gweithredu hyn wrth fewnforio nwyddau
Gwybodaeth a Dealltwriaeth
You need to know and understand:
- nodau strategol, amcanion a gweithgareddau eich sefydliad mewn perthynas â mewnforio nwyddau
- y mathau o ddamcaniaethau, modelau ac arferion cadwyn gyflenwi
- ffynonellau gwybodaeth eich sefydliad am brosesau cadwyn gyflenwi a sut i ddefnyddio ffynonellau gwybodaeth i ddewis dulliau mewnforio
- sut i ddewis dulliau mewnforio nwyddau
- y damcaniaethau, modelau ac arferion mesur a meincnodi perfformiad a ddefnyddir gan eich sefydliad i gynorthwyo gyda mewnforio nwyddau
- y mathau o ddulliau a gweithdrefnau dadansoddi risg sydd ar gael i gynorthwyo gyda mewnforio nwyddau
- sut i nodi ac ymdrin â phroblemau gyda’r dull mewnforio
- yr Incoterms amrywiol a’u goblygiadau
- sut i nodi unrhyw fesurau diogeledd a bioddiogelwch sydd yn angenrheidiol gan y nwyddau sydd yn cael eu mewnforio
- eich cyfrifoldeb chi a’ch sefydliad dros ddiogelu’r amgylchedd a gweithio’n gynaliadwy wrth fewnforio nwyddau
- y gweithdrefnau cyfreithiol, rheoliadol, amgylcheddol, iechyd a diogelwch a sefydliadol perthnasol ar gyfer mewnforio nwyddau
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Cydweithwyr: parhaol, dros dro, staff asiantaeth, allanol
Nwyddau: unrhyw gyfuniad o nwyddau neu wasanaethau sydd yn cael eu caffael, eu dosbarthu neu eu storio yn y gadwyn gyflenwi
Cadwyn gyflenwi: caffael, prynu a chyflenwi, logisteg, rheoli trafnidiaeth a gweithrediadau, o fewn a rhwng ffiniau rhyngwladol
Manylebau: set o ofynion i gael eu bodloni gan gynnyrch materol neu wasanaeth. Gallai manylebau fod ar gyfer y math o farchnad, y lleoliad, y math o nwyddau neu ofynion cwsmer.
Incoterms: diffinio’r parti fydd yn talu costau cludo nwyddau. Yn y rhan fwyaf o achosion, gall fod mwy nag un dull unigol o gludo yn gysylltiedig. Defnyddir Incoterms i ddiffinio pa barti sy’n talu am ba ddull o gludo. Mae’n cynnwys: Talu Cludiant ac yswiriant i, Cludwr Am Ddim, Wedi ei Ddosbarthu i’r Man Dadlwytho, Cost a Chludiant, Cost, Yswiriant a Chludiant ac ati.
Dolenni I NOS Eraill
Cysylltiadau Allanol
Fersiwn rhif
Dyddiad Adolygu Dangosol
30 Maw 2027
Dilysrwydd
Ar hyn o bryd
Statws
Gwreiddiol
Sefydliad Cychwynnol
Lantra
URN gwreiddiol
SFLSCM112
Galwedigaethau Perthnasol
Warws a Dosbarthu, Rheolwyr Dosbarthu, Storio a Manwerthu, Manwerthu a chyfanwerthu , Gweithwyr Cyswllt Proffesiynol Trafnidiaeth
Cod SOC
1243
Geiriau Allweddol
mewnforio; cyflenwadau; cadwyn gyflenwi