Galluogi unigolion i ddefnyddio dyfeisiau cynorthwyol a thechnoleg gynorthwyol

Mae’r safon hon yn gysylltiedig â gweithio gydag unigolion, eu gofalwyr ac aelodau eraill tîm amlddisgyblaethol, lle y bo’n briodol, i alluogi unigolion i ddefnyddio dyfeisiau a thechnoleg gynorthwyol. Dylai hyn ddigwydd o fewn athroniaeth galluogi a hybu hunanofal, gofal integredig, hunanreolaeth ac annibyniaeth. 

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. darparu cymorth i'r unigolyn a gofalwyr a sicrhau bod mesurau iechyd a diogelwch yn cael eu gweithredu bob amser
8. ennill cydsyniad gwybodus, dilys gan yr unigolyn yn unol â gweithdrefnau penodol
9. esbonio sut gall y ddyfais gynorthwyol gael ei defnyddio er budd yr unigolyn sy'n cael ei gefnogi
10. cadarnhau bod y ddyfais a'r dechnoleg gynorthwyol yn ddiogel ac yn addas i'w diben cyn ei defnyddio
11. cymryd y camau priodol os bydd y ddyfais neu'r dechnoleg yn ddiffygiol
12. cael gwared ar beryglon posibl yn yr amgylchedd uniongyrchol o ystyried cyfyngiadau'r lleoliad, a'u lleihau
13. esbonio wrth unigolion a gofalwyr am ddefnydd diogel, gofynion gweithredu a chynnal a chadw'r ddyfais a'r dechnoleg gynorthwyol
14. sicrhau bod yr unigolyn yn deall beth i'w wneud os bydd y ddyfais neu'r dechnoleg yn ysgogi unrhyw rybuddion a beth i'w wneud os bydd y ddyfais neu'r dechnoleg yn methu
15. cynnig adborth, anogaeth a chymorth priodol i unigolion yn gysylltiedig â defnyddio'r ddyfais neu'r dechnoleg
16. monitro a gwerthuso effeithiolrwydd y ddyfais a'r dechnoleg gynorthwyol i'r unigolyn ac addasu'ch dull, fel y bo'r angen
17. cytuno ar gyfnodau profi ac adolygu perthnasol i gydlynu'r cynllun triniaeth a datblygu galluoedd llawn ar gyfer defnyddio'r ddyfais a'r dechnoleg gynorthwyol
18. rhoi gwybod yn gywir am unrhyw ddigwyddiad anffafriol yn unol â gofynion y sefydliad
19. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion a gofalwyr, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. sut i weithio'n effeithiol fel aelod o dîm amlddisgyblaethol ac ar draws asiantaethau gwahanol
12. pwysigrwydd myfyrio ar eich ymarfer a'i berthynas â datblygiad proffesiynol parhaus
13. pwysigrwydd rhoi adborth ac anogaeth i'r unigolyn
14. pwysigrwydd rhoi gwybod i unigolion am eu cynnydd
15. yr effaith gaiff yr amgylchedd ar y defnydd o ddyfeisiau cynorthwyol a'u diogelwch, a pham mae'n bwysig esbonio hyn i'r unigolyn
16. yr ystod o ddyfeisiau cynorthwyol a'r systemau a'r gweithdrefnau cysylltiedig ar gyfer eu darparu
17. sut i sicrhau bod y dyfeisiau cynorthwyol yn ddiogel ac yn addas i'w defnyddio
18. y manylebau priodol a'r cyfyngiadau ar ddefnydd ar gyfer pob math o ddyfeisiau cynorthwyol
19. pwysigrwydd gwneud yr amgylchedd yn ddiogel ar gyfer defnyddio dyfeisiau cynorthwyol penodol a dulliau o wneud hynny
20. pwysigrwydd rhoi gwybod am gynnydd, diffygion mewn dyfeisiau cynorthwyol a digwyddiadau andwyol ar unwaith
21. ystod o dechnegau cyfathrebu sy'n briodol i'r unigolyn i helpu gyda chymhelliad wrth ddefnyddio dyfeisiau neu dechnoleg gynorthwyol
22. pwysigrwydd profi dyfeisiau cynorthwyol yn amgylchedd y defnyddiwr
23. sut i brofi ac addasu dyfeisiau cynorthwyol i fodloni anghenion unigol
24. yr ystod o ddyfeisiau cynorthwyol, eu systemau cysylltiedig a'u diben
25. yr egwyddorion allweddol sy'n gysylltiedig â gosod dyfeisiau neu dechnoleg benodol
26. ble i gael gafael ar wybodaeth yn gysylltiedig â'r ystod o ddyfeisiau cynorthwyol, systemau cysylltiedig a diben
27. y protocolau a'r systemau o fewn y sefydliad yn gysylltiedig ag ymateb i rybuddion sy'n cael eu hysgogi gan y dyfeisiau neu'r dechnoleg
28. pam mae'n bwysig bod dogfennaeth am ddefnyddio a chynnal a chadw dyfeisiau cynorthwyol yn cael ei rhoi i'r unigolyn neu ei deulu/gofalwr
29. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHCHS239

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol, Gwasanaethau Gofal Iechyd a Gwasanaethau Personol Cysylltiedig

---

2219

---

Galluogi, unigolion, defnyddio, dyfeisiau, technoleg, cynorthwyol

---