Cyflawni pibellu mewnwythiennol

Mae’r safon hon yn ymwneud yn benodol â gosod pibell (canwla) mewnwythiennol i gael mynediad at system y gwaed at ddibenion triniaeth neu wneud diagnosis.  Gall fod angen cael mynediad ar gyfer samplo cyfresol, neu i roi hylif neu driniaethau cyffuriau.  Gellir cyflawni’r weithdrefn hon  gydag oedolion neu blant a bydd yn digwydd fel arfer mewn ysbyty, gydag unigolion sy’n derbyn gofal iechyd. Hefyd, gall ddigwydd mewn sefyllfa therapiwtig, ymchwil neu argyfwng.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei gydsyniad, ei breifatrwydd, ei gredoau a'i urddas
7. cymryd camau rhagofalus safonol ar gyfer atal a rheoli heintiau a chamau iechyd a diogelwch perthnasol eraill
8. pennu angen yr unigolyn neu gais clinigol am bibellu yn erbyn y protocol cytunedig
9. gwirio pwy yw'r unigolyn ac yna cadarnhau'r gweithgaredd arfaethedig
10. ennill cydsyniad gwybodus, dilys gan yr unigolyn yn unol â gweithdrefnau penodol
11. ceisio cyngor a chymorth clinigol gan aelod priodol o'r tîm pan fydd digwyddiadau neu risgiau y tu hwnt lefel eich cymhwysedd chi
12. dewis safle priodol ar gyfer pibellu, gan gyfrif am gysur a symudedd yr unigolyn
13. paratoi'r safle a ddewiswyd ar gyfer mewnosod aseptig y bibell fewnwythiennol gan ddilyn protocol cytunedig, gan roi'r anesthetig lleol priodol os caiff ei ragnodi
14. gosod rhwymyn tynhau yn ei safle cywir a'i ddefnyddio i ymlenwi'r wythïen a ddewiswyd â gwaed
15. dewis y canwla o'r maint a'r math cywir i'r unigolyn ac i'r diben, gan sicrhau ei fod yn addas i'w ddefnyddio
16. mewnosod y canwla i'r wythïen a ddewiswyd gan ddefnyddio'r dechneg a gymeradwywyd a chadarnhau safle a gosodiad cywir y canwla at y diben bwriadedig, a bod cyflwr y canwla yn gywir
17. gosod gorchudd cymeradwy i ddal y canwla yn ei le
18. lle y bo'n briodol, golchi'r canwla pan fydd yn ei le, yn unol â phrotocolau a chanllawiau'r sefydliad
19. clymu a sicrhau'r set roi gywir pan fydd angen trwytho, gan ddilyn gweithdrefnau cymeradwy
20. rhoi gwybod ar unwaith am unrhyw gyflwr neu ymddygiad a allai fod yn arwydd o adweithiau niweidiol i'r weithdrefn a chymryd y camau priodol
21. cynnal safle'r canwla yn rheolaidd i osgoi haint a chynnal mynediad
22. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. pwysigrwydd cymryd camau rhagofalus safonol wrth gyflawni pibellu mewnwythiennol a chanlyniadau posibl ymarfer gwael
13. ymarfer cyfredol seiliedig ar dystiolaeth sy'n ymwneud â rheoli'r risgiau sy'n gysylltiedig â mewnosod canwlâu mewnwythiennol
14. pwysigrwydd cynnal asepsis llym wrth baratoi, mewnosod a rheoli canwlâu mewnwythiennol
15. anatomeg a ffisioleg system cylchrediad y gwaed yn gysylltiedig â mewnosod a chynnal canwlâu mewnwythiennol
16. pwysigrwydd paratoi unigolion a'u gosod yn gywir ar gyfer mewnosod canwlâu mewnwythiennol
17. yr arwyddion ar gyfer pibellu mewnwythiennol a'r rhesymau drosto
18. safleoedd posibl i fewnosod canwlâu mewnwythiennol a sut i nodi'r safle mwyaf addas i'r unigolyn
19. y ffactorau sy'n dylanwadu ar y dewis o ganwlâu a'r safle ar gyfer pibellu mewnwythiennol
20. pwysigrwydd atal y breichiau a'r coesau rhag symud cyn mewnosod canwlâu mewnwythiennol
21. pwysigrwydd paratoi'r croen yn briodol, gan gynnwys defnyddio hufen tynnu blew os bydd angen
22. pwysigrwydd rheoli ac atal llif gwaed cyn pibellu mewnwythiennol, a dulliau cymeradwy o wneud hynny
23. adweithiau niweidiol posibl i fewnosod canwlâu mewnwythiennol
24. y camau y bydd angen i chi eu cymryd os bydd adweithiau niweidiol i fewnosod canwlâu mewnwythiennol
25. pwysigrwydd glanhau a chynnal safle'r canwla yn dilyn gosod canwlâu, a dulliau o wneud hynny
26. dangosyddion clinigol haint wrth y safle mewnosod a'r camau y byddech chi'n eu cymryd os bydd arwyddion o haint yn amlwg
27. goblygiadau cyflwyno hylifau i system cylchrediad y gwaed wrth olchi'r canwla
28. y dulliau cymeradwy o wirio cyflwr y canwla sydd wedi'i fewnosod
29. y gweithdrefnau ar gyfer paratoi hylifau i'w rhoi, gan gynnwys ychwanegu cyffuriau
30. y cymhlethdodau posibl sy'n gysylltiedig â rhoi hylif
31. y gwahanol fathau o setiau rhoi sydd ar gael a'r amgylchiadau y gall pob un ohonynt gael eu defnyddio ynddynt
32. y defnydd o bympiau trwytho a'r peryglon posibl sy'n gysylltiedig â'r defnydd ohonynt
33. y mathau o ganwla a'r amrywiaeth o feintiau sydd ar gael
34. y mathau o drwyth sydd ar gael a'u nodweddion, eu rhybuddion a'u gwrthrybuddion
35. y gwahanol fathau o bympiau trwytho sydd ar gael a'r amgylchiadau y gallant gael eu defnyddio ynddynt
36. pwysigrwydd cofnodi'ch gweithgareddau'n gywir, gan gynnwys y math o ganwla a fewnosodwyd a'r hylifau mewnwythiennol a roddwyd
37. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHCHS22

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol, Gwasanaethau Gofal Iechyd a Gwasanaethau Personol Cysylltiedig

---

2219

---

Pibellu, mewnwythiennol

---