Goruchwylio digwyddiadau

Mae’r safon hon yn ymwneud â goruchwylio digwyddiad, fel gwledd, digwyddiad adloniant corfforaethol, derbyniad neu gynhadledd, ac mae’n debygol o gael ei defnyddio gan oruchwylydd sy’n gyfrifol am y gweithgareddau yn y maes gwaith yn ddyddiol, o dan gyfarwyddyd y rheolwr perthnasol.

Bydd llwyddiant neu fethiant digwyddiad allweddol yn dibynnu ar gael y wybodaeth gywir am ofynion eich gwesteion. Cyn y digwyddiad, mae’n ymwneud â blaenoriaethu beth sydd angen ei wneud a sicrhau bod aelodau’r tîm wedi’u brifio’n llawn a’u bod yn gallu cyflawni. Yn y digwyddiad ei hun, mae’n ymwneud â monitro pob agwedd ar y digwyddiad i sicrhau bod popeth yn mynd yn ôl y bwriad ac y gellir nodi unrhyw amhariadau posibl ymlaen llaw, a delio â nhw’n gyflym.

Ar ddiwedd y dydd, gallech fod yn gyfrifol am ddigwyddiad mawr ym mywyd personol neu fywyd gwaith rhywun. Her gyffrous!

Mae’r safon hon yn ymwneud â pharatoi, cynnal a dirwyn y digwyddiad i ben. Felly, mae’n cynnwys gweithgareddau fel briffio, monitro, clirio ac ôl-friffio staff ar ôl i’r digwyddiad ddod i ben.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Oruchwylio digwyddiadau

---

1. Casglu’r holl wybodaeth angenrheidiol am y digwyddiad, gofynion cwsmeriaid, cyllidebau, cyfyngiadau a’ch cyfrifoldebau
2. Blaenoriaethu amcanion a blaengynllunio i sicrhau bod y gweithdrefnau cywir ar waith a bod gofynion wedi’u bodloni
3. Nodi unrhyw risgiau a datblygu cynlluniau wrth gefn i ddelio ag unrhyw risgiau sy’n codi
4. Neilltuo cyfrifoldebau staff a’u briffio ar ddyletswyddau, gweithdrefnau perthnasol ac unrhyw wybodaeth y mae ei hangen arnynt i gyflwyno’r digwyddiad, gan annog awyrgylch o broffesiynoldeb a chefnogi ei gilydd
5. Sicrhau bod gan staff y sgiliau, y wybodaeth a’r adnoddau y mae eu hangen arnynt i gyflawni eu cyfrifoldebau ac annog staff i ofyn cwestiynau os bydd gwybodaeth nad ydynt yn ei deall
6. Archwilio lleoliad y digwyddiad i wneud yn siŵr ei fod wedi’i baratoi yn unol â gofynion ac i’r safon y cytunwyd arni; gwneud yn siŵr bod y cyfarpar a’r deunyddiau y mae eu hangen ar gyfer y digwyddiad ar y safle mewn da bryd a’u bod ar gael i’r staff y bydd arnynt angen eu defnyddio
7. Arwain staff i adnabod cwsmeriaid gwahanol a’u hanghenion go iawn ac anghenion canfyddedig a chyfathrebu â chwsmeriaid mewn ffordd sy’n annog ewyllys da a dealltwriaeth
8. Sicrhau bod y digwyddiad a phob gweithgaredd cysylltiedig yn cydymffurfio â gofynion cyfreithiol, rheoliadau’r diwydiant, codau proffesiynol a pholisïau sefydliadol perthnasol
9. Rhoi gwybod i’ch staff a’ch cwsmeriaid am unrhyw newidiadau i’r gwasanaeth a all effeithio arnynt
10. Monitro’r digwyddiad i wneud yn siŵr ei fod yn mynd yn ei flaen yn ôl y bwriad a chymryd camau effeithiol i reoli problemau pan fyddant yn digwydd, gan ddod o hyd i ffyrdd ymarferol o oresgyn rhwystrau a lleihau eu heffaith ar y cwsmeriaid
11. Cyfleu’r wybodaeth gyfreithiol angenrheidiol a gwybodaeth arall yn glir i gwsmeriaid, a chydweithio â’r bobl berthnasol drwy gydol y digwyddiad i wneud yn siŵr y bydd y trefniadau yn bodloni gofynion y cwsmer
12. Monitro ac adolygu gweithdrefnau i sicrhau bod y gwasanaeth yn bodloni anghenion cwsmeriaid
13. Casglu a throsglwyddo adborth a gwelliannau argymelledig i’r bobl berthnasol yn unol â gofynion eich sefydliad
14. Rhoi adborth i staff i’w helpu i wella’u perfformiad, lle bo’n briodol
15. Defnyddio dulliau effeithiol i gasglu, storio ac adalw gwybodaeth, cwblhau’r cofnodion gofynnol yn gywir ac adrodd ar berfformiad i gefnogi’r gwasanaeth, yn unol â’ch gweithdrefnau sefydliadol

---

1. Beth yw polisi gofal cwsmeriaid eich sefydliad
2. Sut a pham mae’n bwysig asesu’r effaith mae’r digwyddiad yn debygol o’i chael ar bobl eraill (cwsmeriaid, preswylwyr, busnesau lleol) a chamau gweithredu y gellir eu cymryd i leihau tarfu
3. Yr amrywiaeth o wybodaeth y mae ei hangen i gynllunio gwahanol fathau o ddigwyddiadau
4. Sut i ddelio â gofynion arbennig ar gyfer gwahanol grwpiau cleientiaid, gan gynnwys: plant, pobl hŷn a phobl ag anableddau
5. Y mathau o ofynion penodol sydd gan eich cwsmeriaid, gan gynnwys, bwydydd, diodydd, marchnata neu drefn gosod y lleoliad
6. Ffynonellau gwybodaeth ddibynadwy a sut i sicrhau bod cynnyrch a gwasanaethau priodol yn cael eu trefnu’n effeithiol, yn effeithlon ac yn ddiogel i gefnogi amrywiaeth o ddigwyddiadau
7. Camau diogelwch bwyd y mae angen eu defnyddio ar gyfer gwahanol fathau o ddigwyddiadau, trefniadau ac amgylcheddau
8. Ffactorau y gellir eu defnyddio i addasu’r awyrgylch ar gyfer digwyddiadau
9. Y gofynion iechyd a diogelwch a’r gofynion cyfreithiol eraill sy’n effeithio ar y digwyddiad, ac y mae angen eu cyfleu i gwsmeriaid
10. Pa ofynion cyfreithiol sy’n ymwneud â chlirio’r lleoliad
11. Sut i sicrhau bod y mathau o gontractwyr sy’n debygol o gael eu defnyddio yn y maes rydych chi’n gyfrifol amdano yn cael eu penodi a’u rheoli’n briodol
12. Sut i sicrhau bod gan staff a chontractwyr y sgiliau, y wybodaeth a’r adnoddau gofynnol i gyflawni eu cyfrifoldebau
13. Ffactorau y mae angen eu hystyried wrth drefnu bwyd a diodydd ar gyfer y digwyddiad
14. Sut i reoli’r adnoddau sydd ar gael ar gyfer digwyddiadau
15. Sut i sicrhau bod staff ar gyfer y digwyddiad yn cael eu rheoli’n effeithiol, gan gynnwys:
    14.1 dyrannu cyfrifoldebau
    14.2 briffio
    14.3 goruchwylio
16. Sut i archwilio’r lleoliad i sicrhau bod paratoadau yn gywir
17. Pam mae’n bwysig rhagweld problemau, y mathau o broblemau a all ddigwydd yn ystod digwyddiadau a sut y dylech ddelio â’r rhain
18. Sut i gyflawni asesiad risg o’r lleoliad a beth i’w wneud gyda’r wybodaeth
19. Y mathau o gofnodion y dylid eu cynnal ar gyfer digwyddiadau a gweithdrefnau eich sefydliad yn gysylltiedig â hyn
20. Sut dylai gwybodaeth am y digwyddiad gael ei chyfleu i gwsmeriaid, pam mae’n bwysig cyfathrebu â threfnydd y digwyddiad a sut dylech chi wneud hyn.
21. Pwy sy’n gyfrifol am storio cyfarpar a rhoi gwybod am golled neu ddifrod
22. Sut i fonitro’r digwyddiad a phwy dylech chi gysylltu â nhw yn ystod y digwyddiad i wneud yn siwr bod pethau’n mynd yn ôl y bwriad
23. Sut i archwilio cyfarpar a ddefnyddir yn ystod digwyddiadau
24. Y mathau o broblemau a all ddigwydd pan fydd digwyddiad wedi gorffen, sut i adnabod y rhain a rhoi gwybod amdanynt a sut i ymateb i geisiadau neu gwynion
25. Pam mae adborth gan gwsmeriaid a staff yn hanfodol i ddatblygu gwasanaethau digwyddiadau a sut gall adborth gyfrannu at reoli eich sefydliad a gwella gwasanaethau digwyddiadau ymhellach
26. Beth yw’r gweithdrefnau sefydliadol ar gyfer cofnodi a rhoi gwybod am adborth a sut dylech chi ddatblygu a chyflwyno argymhellion am welliannau
27. Sut i roi adborth i aelodau’r tîm

---

Mae dulliau effeithiol ar gyfer casglu, storio ac adalw gwybodaeth yn cynnwys dulliau cost effeithiol, amser effeithiol a moesegol
Mae gwybodaeth yn cynnwys gwybodaeth gan gwsmeriaid a staff.

---

---

---

---

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n blaenoriaethu amcanion ac yn cynllunio gwaith i wneud y defnydd gorau o amser ac adnoddau
2. Rydych chi’n cyfrifo risgiau yn gywir ac yn trefnu darpariaeth fel nad yw digwyddiadau annisgwyl yn rhwystro cyflawni amcanion
3. Rydych chi’n cymryd cyfrifoldeb personol am wneud i bethau ddigwydd, gan ragweld a datrys problemau yn gyflym i sicrhau boddhad rhanddeiliaid
4. Rydych chi’n arddangos dealltwriaeth dda o sut mae ffactorau gwahanol mewn cyd-destun gwaith yn perthyn i’w gilydd
5. Rydych chi’n nodi goblygiadau neu ganlyniadau sefyllfa
6. Rydych chi’n gweithio i ddatblygu awyrgylch o broffesiynoldeb a chymorth tuag at eich gilydd

---

---

---

Mae’r safon hon yn safon penodol i sector ac mae ganddi gysylltiadau penodol â’r safonau canlynol yng nghyfres safonau Goruchwyliaeth ac Arweinyddiaeth Lletygarwch:

1. HSL1-6
2. HSL11
3. HSL19
4. HSL27
5. HSL28

---

---

3

---

2027

---

Ar hyn o bryd

---

Gwreiddiol

---

People 1st

---

PPLHSL8

---

Goruchwyliwr bwyd a diod, Cydgysylltydd a Goruchwyliwr digwyddiadau, Goruchwylydd, Arweinwyr tîm

---

5436

---

Goruchwylio, digwyddiadau

---