Cyfrannu at ddatblygu rhestr winoedd

Mae’r safon hon yn ymwneud â helpu i ddatblygu rhestri gwinoedd newydd. Mae’r safon hon ar gyfer arweinwyr tîm, rheolwyr llinell gyntaf, goruchwylwyr lletygarwch neu brif weinyddion.

Mae gwin yn rhan hanfodol o lawer o brofiadau ciniwau ac mae’n ffynhonnell werthfawr o elw i’r busnes. I lawer o sefydliadau, mae’n fuddiol ac yn broffidiol iddynt gynnig eu rhestr winoedd eu hunain, i gynhyrchu elw ac i’w gwahaniaethu rhag cystadleuwyr.

Rhan bwysig o lunio rhestr winoedd yw ymchwilio i dueddiadau presennol ynghyd â chasglu barn gan staff a chwsmeriaid ar gyflwyno gwinoedd newydd. Yna, gall y wybodaeth hon gael ei bwydo’n ôl i’r penderfynyddion perthnasol yn eich sefydliad.

Mae’r safon hon yn ymwneud â’r agweddau allweddol ar ddatblygu rhestr winoedd, gan gynnwys ymchwilio i winoedd, eu dadansoddi a’u cyflwyno.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Gyfrannu at ddatblygu rhestr winoedd

1. Casglu a gwerthuso gwybodaeth a fydd yn helpu i ddatblygu’r rhestr winoedd
2. Ategu eich awgrymiadau ar gyfer y rhestr winoedd gyda’r holl wybodaeth ac adborth y gwnaethoch eu casglu a’u gwerthuso
3. Cynorthwyo penderfynyddion i gytuno ar y rhestr winoedd derfynol
4. Cofnodi’r penderfyniadau a wnaed yn unol â gweithdrefnau eich sefydliad
5. Casglu’r wybodaeth y mae ei hangen i gyflwyno’r gwinoedd newydd
6. Gwneud yn siŵr bod gan staff y wybodaeth, y sgiliau a’r adnoddau y mae eu hangen i gefnogi cyflwyno’r gwinoedd newydd, yn unol â’u rolau unigol
7. Casglu a chyfrif am adborth gan staff a chwsmeriaid ar gyflwyno gwinoedd newydd
8. Dadansoddi adborth a rhoi gwybod amdano i’r bobl berthnasol, yn unol â’ch gofynion sefydliadol.

1. Y gofynion cyfreithiol perthnasol ar gyfer pwysau a mesurau, disgrifiadau masnach a deddfwriaeth trwyddedu, a sut i’w gweithredu
2. Gwahanol rolau a chyfrifoldebau pobl yn eich sefydliad o ran datblygu rhestr winoedd a pha weithdrefnau sefydliadol sy’n berthnasol
3. Beth yw’r tueddiadau mewn arddull gwin ac yfed gwin nawr ac yn y dyfodol, a sut gall y rhestr winoedd gael ei haddasu yn unol â’r canfyddiadau
4. Beth mae eich cystadleuwyr uniongyrchol yn ei gynnig a sut gall y wybodaeth hon lywio datblygiad y rhestr winoedd
5. Pa fathau o gwsmeriaid newydd neu gwsmeriaid presennol y mae’r rhestr winoedd wedi’i hanelu atynt
6. Pa gyllideb sydd ar gael a sut i brisio gwin er mwyn cyflawni maint elw priodol
7. Beth yw nodweddion gwinoedd o wahanol ranbarthau
8. Pa mor gydnaws y mae gwahanol winoedd â bwydlen eich sefydliad
9. Faint o alcohol sydd yn y gwinoedd a restrir
10. Pa winoedd sydd ar gael gan eich cyflenwyr a pha gyflenwyr eraill y gallech droi atynt
11. Sut i gyflwyno gwybodaeth i reolwyr mewn fformat a fydd yn helpu i wneud penderfyniadau
12. Sut i gasglu a gwerthuso gwybodaeth a fydd yn helpu i gynllunio a diweddaru’r rhestr winoedd
13. Sut i hyrwyddo ymwybyddiaeth cwsmeriaid o winoedd a rhestri gwinoedd newydd
14. Y mathau o bobl y dylid ymgynghori â nhw o ran cael adborth
15. Sut i gasglu adborth y gellir ei ddefnyddio i werthuso effaith gwinoedd newydd a sut i gyflwyno’r canlyniadau i reolwyr
16. Pa ddulliau cyfathrebu sy’n briodol ar gyfer aelodau tîm, cwsmeriaid, rheolwyr a chyflenwyr.

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n rhagweld senarios tebygol yn y dyfodol ar sail dadansoddiad realistig o dueddiadau a datblygiadau
2. Rydych chi’n defnyddio dulliau cost effeithiol, amser effeithiol a moesegol i gasglu, storio ac adalw gwybodaeth
3. Rydych chi’n nodi anghenion gwybodaeth pobl
4. Rydych chi’n nodi dewis gyfryngau ac arddulliau cyfathrebu pobl ac yn mabwysiadau cyfryngau ac arddulliau yn briodol i bobl a sefyllfaoedd gwahanol
5. Rydych chi’n cyflwyno syniadau a dadleuon yn argyhoeddiadol, mewn ffyrdd sy’n taro deuddeg gyda phobl
6. Rydych chi’n annog ac yn croesawu adborth gan bobl eraill ac yn defnyddio’r adborth hwn yn adeiladol
7. Rydych chi’n cydymffurfio â gofynion cyfreithiol, rheoliadau’r diwydiant, polisïau sefydliadol a chodau proffesiynol, ac yn sicrhau bod pobl eraill yn cydymffurfio â’r rhain

Mae’r safon hon yn safon penodol i’r sector ac mae ganddi gysylltiadau penodol â’r safonau canlynol yng nghyfres safonau Goruchwyliaeth ac Arweinyddiaeth Lletygarwch:
• HSL1-6
• HSL19
• HSL23
• HSL24