Trosolwg
Mae’r safon hon yn ymdrin â chynhyrchu sawsiau, llenwadau a chaenau, er enghraifft:
•suropau
•hufen menyn
•sgleiniau siwgr
•sgleiniau siocled
Mae’r safon yn ymdrin ag amrywiaeth o dechnegau paratoi, coginio a gorffennu sy’n gysylltiedig â chynhyrchu sawsiau, llenwadau a chaenau ar gyfer pwdinau cymhleth.
Mae’r safon hon yn canolbwyntio ar y wybodaeth a’r sgiliau technegol mae eu hangen i gynhyrchu sawsiau, llenwadau a chaenau ar gyfer pwdinau cymhleth. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a’r wybodaeth dechnegol ar gyfer y safon:
•Cynnal diogelwch bwyd yn y gegin
•Dilyn a monitro gweithdrefnau rheoli diogelwch bwyd ym maes lletygarwch
•Rheoli diogelwch bwyd mewn cegin broffesiynol
•Lleihau risg alergenau i gwsmeriaid i’r eithaf
Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:
• Cynhyrchu sawsiau, llenwadau a chaenau ar gyfer pwdinau cymhleth
Meini prawf perfformiad
Mae'n rhaid eich bod chi'n gallu:
1. Dewis y math a’r maint o gynhwysion mae eu hangen ar gyfer y sawsiau, llenwadau a chaenau
2. Gwirio’r cynhwysion i sicrhau eu bod yn bodloni’r safonau ansawdd
3. Dewis yr offer a’r cyfarpar cywir i gynhyrchu sawsiau, llenwadau a chaenau
4. Defnyddio’r offer a’r cyfarpar yn gywir wrth gynhyrchu sawsiau, llenwadau a chaenau
5. Paratoi a phrosesu’r cynhwysion i fodloni’r gofynion
6. Sicrhau bod gan y sawsiau, llenwadau a chaenau y lliw, ansawdd a gorffeniad cywir
7. Gorffennu a chyflwyno’r sawsiau, llenwadau a chaenau i fodloni’r gofynion
8. Sicrhau bod y sawsiau, llenwadau a chaenau ar y tymheredd cywir i gael eu cadw a’u gweini
9. Storio unrhyw sawsiau, llenwadau a chaenau na fyddant yn cael eu defnyddio ar unwaith yn unol â rheoliadau diogelwch bwyd
Gwybodaeth a Dealltwriaeth
You need to know and
understand:
1. Beth yw’r pwyntiau ansawdd sy’n gysylltiedig â sawsiau, llenwadau a chaenau gorffenedig
2. Beth yw’r offer a’r cyfarpar cywir a’r rhesymau dros eu defnyddio wrth gynhyrchu sawsiau, llenwadau a chaenau ar gyfer pwdinau cymhleth
3. Ansawdd gofynnol y sawsiau, llenwadau a chaenau gorffenedig
4. Sut i addasu blasau a lleihau diffygion cyffredin i’r eithaf
5. Effeithiau gwahanol dymereddau a lleithder ar y cynhwysion a ddefnyddir
6. Beth yw’r defnyddiau ar gyfer gwahanol sawsiau, llenwadau a chaenau
7. Y mathau o broblemau a all godi gyda sawsiau, llenwadau a chaenau a sut i ddelio â’r rhain yn gywir
8. Opsiynau bwyta’n iach wrth gynhyrchu sawsiau, llenwadau a chaenau
Cwmpas/ystod
1. Sawsiau, llenwadau a chaenau
1.1 crème anglaise
1.2 sabayon
1.3 coulis ffrwythau
1.4 ganache
1.5 crème chantilly
1.6 cyffeithiau
1.7 sgleiniau ffrwyth
1.8 crème pâtissière
1.9 suropau
1.10 hufen menyn
1.11 frangipane
1.12 jamiau
1.13 sgleiniau siwgr
1.14
sgleiniau siocled
Dulliau paratoi
2.1 cymysgu
2.2 chwisgio
2.3 berwi
2.4 gwahanu
2.5 hufennu
Dulliau prosesu
3.1 lleihau
3.2 hylifo
3.3 rhoi trwy gymysgydd
3.4 ychwanegu lliw
3.5 emwlsio
3.6 ychwanegu cyflasynnau
Galwedigaethau Perthnasol
Uwch Ben-cogydd/Uwch Gogydd, Dirprwy Ben-cogydd
Geiriau Allweddol
cynhyrchu, sawsiau, llenwadau, caenau, pwdinau cymhleth