Paratoi pysgod ar gyfer seigiau cymhleth

Mae’r safon hon yn ymdrin â pharatoi pysgod ffres, heb eu paratoi ar gyfer seigiau cymhleth. Mae’r dulliau paratoi’n cynnwys ffiledu’n gyfan yn ogystal â darnau gwahanol o bysgod. Mae’r safon yn ymdrin ag amrywiaeth o fathau o bysgod gan gynnwys rhai egsotig.

Mae’r safon hon yn canolbwyntio ar y wybodaeth a’r sgiliau technegol mae eu hangen i baratoi pysgod ar gyfer seigiau cymhleth. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a’r wybodaeth dechnegol ar gyfer y safon:

•Cynnal diogelwch bwyd yn y gegin

•Dilyn a monitro gweithdrefnau rheoli diogelwch bwyd ym maes lletygarwch

•Rheoli diogelwch bwyd mewn cegin broffesiynol

•Lleihau risg alergenau i gwsmeriaid i’r eithaf

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Paratoi pysgod ar gyfer seigiau cymhleth

1. Dewis y math a’r maint o bysgod mae eu hangen ar gyfer y gwaith paratoi

2. Gwirio bod y pysgod yn bodloni’r gofynion ansawdd a gofynion eraill

3. Dewis yr offer, y cyllyll a’r cyfarpar cywir mae eu hangen i baratoi’r pysgod

4. Defnyddio’r offer, y cyllyll a’r cyfarpar yn gywir wrth baratoi’r pysgod

5. Paratoi’r pysgod i gynnal ansawdd a bodloni gofynion y saig

6. Storio unrhyw bysgod sydd wedi’u paratoi na fyddant yn cael eu defnyddio ar unwaith yn unol â rheoliadau diogelwch bwyd

1.   Prif nodweddion gwahanol fathau o bysgod

2.   Pa bwyntiau ansawdd i chwilio amdanynt mewn pysgod ffres

3.   Beth ddylech chi ei wneud os oes problemau gyda’r pysgod neu gynhwysion eraill

4.   Gwerthoedd maethol pob math o bysgod

5.   Sut i ddewis y math, ansawdd a maint cywir o bysgod i fodloni gofynion y saig

6.   Darnau addas ar gyfer pob math o bysgod 

7.   Amcangyfrif o’r cynnyrch defnyddiol wrth baratoi pysgod

8.   Sut i reoli dognau er mwyn lleihau gwastraff i’r eithaf

9.   Dulliau paratoi ar gyfer gwahanol seigiau pysgod cymhleth

10. Y tueddiadau cyfredol mewn perthynas â pharatoi seigiau pysgod cymhleth

11. Beth yw’r technegau, yr offer, y cyllyll a’r cyfarpar cywir a’r rhesymau dros eu defnyddio wrth gyflawni’r dulliau paratoi gofynnol

12. Sut i storio pysgod sydd wedi’u paratoi

13. Opsiynau bwyta’n iach wrth baratoi pysgod ar gyfer seigiau cymhleth

1.    Pysgod

1.1  pysgod gwyn - crwn 

1.2  pysgod gwyn - fflat 

1.3  pysgod olewog

1.4  pysgod egsotig

2.    Dulliau paratoi

2.1  diberfeddu 

2.2  ffiledu

2.3  torri 

• darne 

• goujons 

• plait

• paupiette 

• suprême  

• tronçon 

2.4  trimio 

2.5  tynnu croen

2.6  marinadu 

2.7  caenu 

2.8  topin (er enghraifft, crwst perlysiau) 

2.9   gorchuddio (er enghraifft, ên croûte)

2.10 dogni