Paratoi, coginio a gorffennu cynhyrchion bara a thoes cymhleth

​Mae’r safon hon yn ymdrin â pharatoi, coginio / pobi a gorffennu cynhyrchion bara a thoes cymhleth, er enghraifft:

•mathau o fara melys

•brioche

•croissants / teisennau Denmarc

•bagelau

•bara rhyg

•peshwari naan

•focaccia / ciabatta

•surdoes

Mae’r safon yn ymdrin ag amrywiaeth o dechnegau paratoi, coginio a phobi sy’n gysylltiedig â chynhyrchion bara a thoes cymhleth.

Mae’r safon hon yn canolbwyntio ar y wybodaeth a’r sgiliau technegol mae eu hangen i baratoi, coginio a gorffennu cynhyrchion bara a thoes cymhleth. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a’r wybodaeth dechnegol ar gyfer y safon:

•Cynnal diogelwch bwyd yn y gegin

•Dilyn a monitro gweithdrefnau rheoli diogelwch bwyd ym maes lletygarwch

•Rheoli diogelwch bwyd mewn cegin broffesiynol

•Lleihau risg alergenau i gwsmeriaid i’r eithaf

​Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Paratoi, coginio a gorffennu cynhyrchion bara a thoes cymhleth

1. Dewis y math a’r maint o gynhwysion mae eu hangen ar gyfer y cynnyrch

2. Gwirio’r cynhwysion i sicrhau eu bod yn bodloni’r safonau ansawdd a gofynion eraill

3. Dewis yr offer a’r cyfarpar cywir i baratoi, coginio a gorffennu’r cynhyrchion

4. Defnyddio’r offer a’r cyfarpar yn gywir wrth baratoi, coginio a gorffennu’r cynhyrchion

5. Paratoi a choginio’r cynhwysion i fodloni’r gofynion

6. Sicrhau bod gan y cynnyrch bara a thoes y lliw, ansawdd a gorffeniad cywir

7. Cyflwyno’r cynnyrch bara a thoes i fodloni’r gofynion

8. Sicrhau bod y cynnyrch bara a thoes ar y tymheredd cywir i gael ei gadw a’i weini

9. Storio unrhyw gynhyrchion bara a thoes sydd wedi'u coginio na fyddant yn cael eu defnyddio ar unwaith yn unol â rheoliadau diogelwch bwyd

1.   Gwahanol fathau o gynhyrchion bara a thoes cymhleth a’u nodweddion

2.   Sut i ddewis y math, ansawdd a maint cywir o gynhwysion i fodloni gofynion y cynnyrch

3.   Beth ddylech chi ei wneud os oes problemau gyda’r cynhwysion

4.   Beth yw’r offer a’r cyfarpar cywir i gyflawni’r dulliau paratoi a choginio gofynnol

5.   Sut i gyflawni pob un o’r dulliau paratoi a choginio yn ôl gofynion y cynnyrch

6.   Y pwyntiau ansawdd sy’n gysylltiedig â chynhyrchion toes lefain parod

7.   Pam mae’n bwysig defnyddio’r offer, cyllyll, cyfarpar a thechnegau cywir wrth baratoi, coginio a gorffennu cynhyrchion

8.   Effeithiau gwahanol dymereddau a lleithder ar y cynhwysion a ddefnyddir

9.   Y gofynion storio / cadw ac amodau delfrydol ar gyfer cynhyrchion toes wedi’u prosesu a pha ragofalon y dylid eu cymryd wrth storio cynhyrchion toes

10. Diffygion cyffredin mewn cynhyrchion bara a thoes cymhleth a sut i’w lleihau i’r eithaf a’u cywiro

11. Y dulliau prosesu sy’n briodol i bob math o gynnyrch toes lefain

12. Tueddiadau cyfredol mewn perthynas â chynhyrchion bara a thoes cymhleth

13. Y pwyntiau ansawdd sy’n gysylltiedig â chynhyrchion toes cymhleth gorffenedig

14. Opsiynau bwyta’n iach wrth baratoi, coginio a gorffennu cynhyrchion bara a thoes cymhleth

1.   Cynhyrchion bara a thoes

1.1 toes wedi’i gyfoethogi

1.2 toes haenol

1.3 toes bara

2.   Dulliau paratoi a choginio

2.1 pwyso / mesur

2.2 gogru

2.3 cymysgu / tylino

2.4 codi

2.5 cnocio 

2.6 siapio

2.7 haenellu

2.8 plygu

2.9 pobi

2.10 ffrio