Paratoi, gweithredu a glanhau cyfarpar arbenigol

Mae’r safon hon yn ymdrin â sut yr ydych yn gweithredu a chynnal a chadw cyfarpar coginio sy’n benodol i’ch gweithle. Mae hyn yn cynnwys cyfarpar paratoi, coginio a storio.

Mae’r safon hon yn canolbwyntio ar y wybodaeth a sgiliau technegol mae eu hangen i baratoi, gweithredu a glanhau cyfarpar arbenigol. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a gwybodaeth technegol ar gyfer y safon:

•Cynnal diogelwch bwyd sylfaenol ym maes arlwyo

•Cynnal diogelwch bwyd yn y gegin

•Rhoi cyngor sylfaenol ar alergenau i gwsmeriaid

•Lleihau risg alergenau i gwsmeriaid i’r eithaf

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Paratoi, gweithredu a glanhau cyfarpar arbenigol

1. Dilyn gweithdrefnau gweithredu’r gwneuthurwr a’ch gweithle wrth ddefnyddio cyfarpar arbenigol

2. Gwirio’r holl gyfarpar i sicrhau eu bod yn lân, heb eu difrodi, yn barod ac yn ddiogel i’w gweithredu

3. Monitro’r cyfarpar i sicrhau eu bod yn perfformio’n gywir 

4. Dilyn y gweithdrefnau cywir i ddiffodd y cyfarpar, eu datod a’u glanhau’n effeithiol

5. Glanhau’r cyfarpar a’u cydrannau gan ddefnyddio’r dulliau, cyfryngau glanhau a chyfarpar diogelu personol cywir

6. Ailosod y cyfarpar yn unol â’r safonau gofynnol o ran iechyd a diogelwch a diogelwch bwyd yn barod i barhau i’w defnyddio 

7. Rhoi gwybod am unrhyw broblemau neu namau y dewch o hyd iddyn nhw i’r person perthnasol

1. Arferion gweithio diogel a hylan wrth baratoi, gweithredu a glanhau cyfarpar arbenigol

2. Y mathau o gyfarpar arbenigol sy’n cael eu defnyddio yn eich gweithle 

3. Ble i ddod o hyd i’r gweithdrefnau gweithredu perthnasol i’r cyfarpar yn eich gweithle

4. Pam y mae’n bwysig dilyn y gofynion diogelwch wrth baratoi, gweithredu a glanhau cyfarpar arbenigol

5. Pam ac i bwy y dylech roi gwybod am unrhyw broblemau

6. Y mathau o sefyllfaoedd annisgwyl a all godi wrth baratoi, gweithredu a glanhau cyfarpar arbenigol a sut i ddelio â’r rhain

1.   Mathau o gyfarpar 

1.1 ar gyfer paratoi

1.2 ar gyfer coginio 

1.3 ar gyfer glanhau

1.4 oeri

1.5 echdynnu

2.   Namau y rhoddir gwybod amdanyn nhw

2.1 namau trydanol

2.2 namau mecanyddol

2.3 camgymeriad dynol