Coginio a gorffen seigiau pysgod cregyn sylfaenol

Mae’r safon hon yn ymwneud â choginio a gorffen seigiau pysgod cregyn sylfaenol, er enghraifft:
• cigwain (brochette) corgimychiaid
• moules mariniere
• cawl cregyn (clam chowder)

Mae’r safon hon yn ymwneud ag amrywiaeth o fathau o bysgod cregyn, gan gynnwys corgimychiaid, cregyn gleision a chregyn bylchog ymhlith eraill, ynghyd ag amrywiol ddulliau coginio a sut byddech chi’n gorffen saig pysgod cregyn.

Mae’r safon hon yn canolbwyntio ar y wybodaeth a’r sgiliau technegol y mae eu hangen i goginio a gorffen seigiau pysgod cregyn sylfaenol; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Goginio a gorffen seigiau pysgod cregyn sylfaenol

1. Gwirio bod y pysgod cregyn yn bodloni gofynion y saig
2. Dewis yr offer a’r cyfarpar cywir i goginio a gorffen y seigiau pysgod cregyn sylfaenol.
3. Defnyddio’r offer a’r cyfarpar yn gywir wrth goginio a gorffen y pysgod cregyn
4. Cyfuno’r pysgod cregyn â chynhwysion eraill
5. Coginio’r pysgod cregyn i fodloni gofynion y saig
6. Sicrhau bod gan y saig y blas, y lliw a’r tewychedd cywir, a bod ei maint yn gywir
7. Garneisio a chyflwyno’r saig i fodloni gofynion
8. Sicrhau bod y saig ar y tymheredd cywir i’w dal a’i gweini
9. Storio unrhyw bysgod cregyn wedi’u coginio na fyddant yn cael eu defnyddio ar unwaith yn unol â rheoliadau diogelwch bwyd

1. Sut i wirio bod y pysgod cregyn yn bodloni gofynion y saig
2. Pa bwyntiau ansawdd i chwilio amdanynt mewn amrywiaeth o bysgod cregyn
3. Pam dylech chi roi gwybod am unrhyw broblemau gyda’r pysgod cregyn neu gynhwysion eraill, ac i bwy
4. Yr offer a’r cyfarpar cywir ar gyfer cyflawni’r dulliau coginio
5. Pam mae’n bwysig defnyddio’r offer a’r cyfarpar cywir
6. Sut i gyflawni’r dulliau coginio yn unol â gofynion y saig
7. Pam mae’n bwysig defnyddio’r dulliau coginio a gorffen cywir ar gyfer pob math o bysgod cregyn
8. Y tymereddau cywir ar gyfer coginio pysgod cregyn a pham mae’r tymereddau hyn yn bwysig
9. Sut i gyflawni’r dulliau gorffen gofynnol
10. Sut i wirio ac addasu saig pysgod cregyn i sicrhau bod ganddi’r blas, y lliw a’r tewychedd cywir, a bod ei maint yn gywir
11. Y tymereddau cywir ar gyfer dal a gweini seigiau pysgod cregyn
12. Y tymereddau a’r gweithdrefnau cywir ar gyfer storio seigiau pysgod cregyn na fyddant yn cael eu defnyddio ar unwaith
13. Opsiynau bwyta’n iach wrth goginio a gorffen pysgod cregyn

1. Pysgod cregyn
1.1 cramenogion
1.2 molysgiaid

2. Dulliau coginio
2.1 berwi
2.2 ffrio (dwfn/bas)
2.3 grilio
2.4 stemio
2.5 potsio

3. Dulliau gorffen
3.1 garneisio
3.2 gyda saws
3.3 cyflwyno