Paratoi, coginio a gorffennu seigiau reis sylfaenol

​Mae’r safon hon yn ymdrin â choginio a gorffennu seigiau reis sylfaenol, er enghraifft:

•reis wedi’i ffrio ag wyau 

•risotto

•pilaff / pilau

•cejerî 

•saig tro-ffrio

•dolmades

•pwdin reis

•swshi

Mae’r safon yn ymdrin â nifer o fathau o reis, a ddefnyddir mewn seigiau melys a seigiau sawrus, a’r technegau paratoi a choginio cysylltiedig.

Mae’r safon hon yn canolbwyntio ar y wybodaeth a’r sgiliau technegol mae eu hangen i baratoi, coginio a gorffennu seigiau reis sylfaenol. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a’r wybodaeth dechnegol ar gyfer y safon:

•Cynnal diogelwch bwyd sylfaenol ym maes arlwyo

•Cynnal diogelwch bwyd yn y gegin

•Rhoi cyngor sylfaenol ar alergenau i gwsmeriaid

•Lleihau risg alergenau i gwsmeriaid i’r eithaf

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Paratoi, coginio a gorffennu seigiau reis sylfaenol

1.  Dewis y math a’r maint o reis a chynhwysion eraill mae eu hangen i baratoi’r saig

2.  Gwirio bod y reis a’r cynhwysion eraill yn bodloni’r gofynion ansawdd a gofynion eraill

3.  Dewis yr offer, y cyllyll a’r cyfarpar cywir mae eu hangen i baratoi, coginio a gorffennu’r saig reis

4.  Defnyddio’r offer, y cyllyll a’r cyfarpar yn gywir wrth baratoi, coginio a gorffennu’r saig reis

5.  Paratoi’r cynhwysion i fodloni gofynion y saig reis

6.  Coginio’r cynhwysion i fodloni gofynion y saig reis

7.  Hidlo a mowldio’r reis yn ôl y gofyn

8.  Sicrhau bod gan y saig reis y blas, lliw, ansawdd a maint cywir

9.  Addurno a chyflwyno’r saig reis i fodloni’r gofynion

10. Sicrhau bod y saig reis ar y tymheredd cywir i gael ei chadw a’i gweini

11. Gwaredu neu, os yw’r sefydliad yn caniatáu hynny, storio unrhyw reis sydd wedi'i goginio na fydd yn cael ei ddefnyddio ar unwaith yn unol â rheoliadau diogelwch bwyd

1.  Gwahanol fathau o seigiau reis a’u nodweddion

2.  Sut i sicrhau bod y reis a’r cynhwysion eraill yn bodloni gofynion y saig

3.  Pa bwyntiau ansawdd i chwilio amdanynt mewn reis

4.  Pam ac i bwy y dylech roi gwybod am unrhyw broblemau gyda’r reis neu gynhwysion eraill

5.  Yr offer a’r cyfarpar cywir i gyflawni’r dulliau paratoi a choginio gofynnol

6.  Sut i gyflawni pob un o’r dulliau paratoi, coginio a gorffennu yn ôl gofynion y saig

7.  Pam mae’n bwysig defnyddio’r technegau, yr offer a’r cyfarpar cywir wrth baratoi, coginio a gorffennu seigiau reis

8.  Y tymereddau cywir ar gyfer coginio reis a pham mae’r tymereddau hyn yn bwysig

9.  Sut i wirio ac addasu saig reis er mwyn sicrhau bod ganddi’r blas, lliw, ansawdd a maint cywir

10. Y tymereddau cywir i gadw a gweini seigiau reis

11. Y tymereddau a’r gweithdrefnau cywir i storio seigiau reis na fyddant yn cael eu defnyddio ar unwaith

12. Opsiynau bwyta’n iach wrth baratoi, coginio a gorffennu seigiau reis

1.   Reis

1.1 grawn hir

1.2 grawn byr

1.3 grawn crwn

1.4 brown

2.   Dulliau paratoi

2.1 mwydo

2.2 golchi

  Dulliau coginio

3.1 berwi

3.2 ffrio

3.3 brwysio

3.4 stemio

3.5 stiwio

3.6 pobi

3.7 coginio mewn ffwrn microdon

  Dulliau gorffennu

4.1 addurno

4.2 cyflwyno