Gweithio gyda chemegion, hylifau a chyfarpar gwahanol

Mae’r safon hon yn ymwneud â dewis y cemegion neu’r hylifau glanhau cywir, defnyddio’r cemegion yn gywir a’u gwaredu’n ddiogel. Mae’r safon hon hefyd yn ymwneud â defnyddio cyfarpar. Mae ar gyfer cynorthwywyr cadw tŷ a staff glanhau. Mae defnyddio cemegion, hylifau a chyfarpar yn gofyn am hyfforddiant a dealltwriaeth drylwyr i sicrhau eich diogelwch chi a, chyn bwysiced, diogelwch eich gwesteion a’ch cwsmeriaid. Yn ystod eich cyfnod sefydlu yn eich gweithle, efallai cawsoch hyfforddiant COSHH, a fydd yn eich helpu i ddeall a chyflawni’r safon hon.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Weithio gan ddefnyddio cemegion, hylifau a chyfarpar gwahanol

1. Dewis y cemegion neu’r hylifau cywir ar gyfer yr ardal byddwch chi’n ei glanhau
2. Gwisgo’r cyfarpar diogelu personol priodol yn ôl y gofyn
3. Paratoi a defnyddio’r cemegyn neu’r hylif yn unol â chyfarwyddiadau’r gwneuthurwr, gan ddefnyddio’r cyfarpar cywir
4. Storio’r cemegion neu’r hylifau yn ddiogel neu’n briodol, yn unol â gweithdrefnau sefydliadol
5. Cwblhau unrhyw ddogfennaeth berthnasol yn unol â gweithdrefnau sefydliadol
6. Dewis y darn cywir o gyfarpar trydanol neu gyfarpar â llaw, ac atodion a chemegion ,lle bo gofyn, ar gyfer yr ardal y byddwch chi’n ei glanhau
7. Gwirio bod y cyfarpar yn ddiogel i’w ddefnyddio
8. Paratoi’r ardal i’w glanhau
9. Defnyddio’r cyfarpar, a’r atodion lle bo’r angen, yn ddiogel ac yn gywir
10. Gadael yr ardal yn lân ac yn daclus ac yn rhydd rhag malurion
11. Storio cyfarpar ac atodiadau yn gywir, yn unol â gweithdrefnau eich sefydliad a chyfarwyddiadau’r gwneuthurwr
12. Delio ag unrhyw broblemau yn unol â’ch gweithdrefnau sefydliadol

1. Gofynion cyfreithiol sylfaenol yn gysylltiedig ag arferion gweithio diogel wrth ddefnyddio cemegion glanhau
2. Yr arwyddion rhybudd a ddefnyddir ar gynwysyddion cemegion glanhau a beth yw eu hystyr
3. Sut i ddewis y cemegion / hylifau priodol ar gyfer pob math o waith glanhau
4. Pam mae’n bwysig gwisgo cyfarpar diogelu personol wrth ddefnyddio cemegion / hylifau
5. Pam mae’n beryglus cymysgu mathau penodol o gemegion / hylifau gyda’i gilydd
6. Pam mae’n bwysig dilyn cyfarwyddiadau’r gwneuthurwr ar gemegion / hylifau glanhau
7. Beth allai ddigwydd os nad ydych chi’n dilyn y gofynion cyfreithiol perthnasol ar gyfer y math hwn o waith
8. Pam mae angen dilyn arferion a threfn gwaith
9. Pa baratoadau ddylai gael eu gwneud i’r ardal waith cyn defnyddio cemegion
10. Y dogfennau mae angen i chi eu llenwi wrth ddefnyddio cemegion
11. Y mathau o broblemau a all ddigwydd pan fyddwch chi’n paratoi ac yn defnyddio cemegion a sut i ddelio â’r rhain
12. Gofynion cyfreithiol sylfaenol yn gysylltiedig ag arferion gweithio diogel wrth ddefnyddio cemegion a chyfarpar glanhau â llaw a thrydanol
13. Sut i ddewis cyfarpar glanhau â llaw a thrydanol ar gyfer y mathau o lanhau rydych chi’n eu cyflawni
14. Pam mae’n bwysig dilyn cyfarwyddiadau’r gwneuthurwr ar gyfer cyfarpar â llaw a chyfarpar trydanol
15. Pa ffactorau y mae angen eu hystyried a’r prif beryglon wrth defnyddio cyfarpar trydanol, a sut i osgoi’r rhain
16. Y mathau o broblemau a all ddigwydd pan fyddwch chi’n paratoi ac yn defnyddio cyfarpar glanhau trydanol a sut i ddelio â’r rhain
17. Technegau trin a chodi diogel a pham ddylai’r rhain gael eu defnyddio
18. Pam dylai cyfarpar gael ei lanhau a’i storio’n gywir ar ôl ei ddefnyddio

1. Cemegion
18.1 defnydd glanhau arwynebau amrywiol
18.2 defnydd glanhau toiledau
18.3 defnydd glanhau gwydr
18.4 peraroglydd
18.5 llathrydd
18.6 diheintydd
18.7 cemegion i’w defnyddio ar garpedi / lloriau
18.8 gwaredwyr staeniau a gwaredwyr saim
18.9 eraill

2. Cyfarpar â llaw
2.1 systemau mopio at ddefnydd gwlyb
2.2 systemau mopio at ddefnydd sych
2.3 clytiau glanhau wedi’u dosbarthu yn ôl lliw
2.4 sychwr llwch
2.5 bwced
2.6 sbwng / pad nad yw’n sgraffinio
2.7 brwshys
2.8 padell lwch
2.9 pad sgraffinio

3. Cyfarpar Trydanol
3.1 sugnwyr llwch
3.2 sychwyr sugnedd
3.3 llathryddion / bwrneisyddion
3.4 sgwrwyr
3.5 echdynwyr chwistrell

4. Atodiadau
4.1 atodiadau llawr caled / meddal
4.2 atodiadau clustogwaith
4.3 brwshys / padiau
4.4 offer agennau
4.5 tyllau / echdynwyr chwistrell
4.6 pibellau

Dillad amddiffynnol
Er enghraifft, menig ac oferôls

Dogfennaeth berthnasol
Unrhyw gofnodion defnyddio cemegion sy’n ofynnol yn eich sefydliad