Gweini diodydd alcoholig a diodydd ysgafn

Mae’r safon hon yn ymdrin â sut yr ydych yn darparu amrywiaeth o ddiodydd i’ch cwsmeriaid yn ystod y gwasanaeth. Mae’n cynnwys diodydd alcoholig a diodydd ysgafn sy’n cael eu gweini trwy amrywiaeth o ddulliau gan gynnwys o optigau, o’r gasgen ac arllwys â llaw. Mae hefyd yn cynnwys sut yr ydych yn rhyngweithio â chwsmeriaid er mwyn darparu amgylchedd proffesiynol a chroesawgar.

Mae’r safon hon yn canolbwyntio ar y wybodaeth a sgiliau technegol mae eu hangen i weini diodydd alcoholig a diodydd ysgafn. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a gwybodaeth technegol ar gyfer y safon:

•Cynnal diogelwch bwyd sylfaenol ym maes arlwyo

•Cynnal diogelwch bwyd mewn lleoliad lletygarwch

•Rhoi cyngor sylfaenol ar alergenau i gwsmeriaid

•Lleihau risg alergenau i gwsmeriaid i’r eithaf

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Gweini diodydd alcoholig a diodydd ysgafn

1.  Cydnabod eich cwsmeriaid wrth iddyn nhw gyrraedd y bar

2.  Delio â’r cwsmeriaid yn ôl y drefn maen nhw’n cyrraedd y bar lle bo’n bosibl

3.  Rhoi cymorth i gwsmeriaid yn ôl yr angen

4.  Sicrhau bod gan eich cwsmeriaid y rhestr diodydd gywir i ddewis ohoni

5.  Rhoi i’ch cwsmeriaid wybodaeth sy’n ychwanegu at eu profiad, gan ateb cwestiynau a hyrwyddo cynhyrchion a gwasanaethau eich cwmni

6.  Cynorthwyo’ch cwsmeriaid i wneud dewisiadau lle bo’n briodol ac achub ar gyfleoedd i sicrhau’r archeb fwyaf posibl trwy ddefnyddio technegau gwerthu

7.  Nodi archebion eich cwsmeriaid yn gywir a’u prosesu’n brydlon ac yn effeithlon

8.  Rhoi diodydd alcoholig i’r bobl a ganiateir yn unig

9.  Dewis y gwydr priodol, gan sicrhau ei fod yn lân a heb ei ddifrodi

10. Arllwys y ddiod yn ôl y cynnyrch yr ydych yn ei weini, a’i gweini ar y tymheredd cywir gyda’r addurn neu gyfwyd priodol

11. Delio â digwyddiadau sy’n ymwneud â chwsmeriaid yn effeithlon a rhoi gwybod i’r person priodol lle bo angen

12. Cadw’r mannau paratoi / gwasanaeth yn lân

 

1.  Y ddeddfwriaeth berthnasol gyfredol ynghylch trwyddedu, pwysau a mesurau a disgrifiadau masnach

2.  Pam mae’n rhaid i’r holl wybodaeth a roddir i gwsmeriaid fod yn gywir, yn enwedig mewn perthynas â chryfder diodydd, cynigion arbennig a hyrwyddiadau 

3.  Safon gwasanaeth cwsmeriaid eich gweithle

4.  Pam y dylech ddelio â chwsmeriaid yn ôl y drefn maen nhw’n cyrraedd lle bo’n bosibl

5.  Pam mae’n bwysig gwirio bod llestri gwydr yn lân a heb eu difrodi 

6.  Pam y dylid storio a gweini diodydd ar y tymheredd cywir

7.  Y technegau a chyfarpar cywir ar gyfer agor diodydd

8.  Y technegau cywir a safon gwasanaeth eich gweithle ar gyfer arllwys a gweini diodydd

9.  Y llestri gwydr cywir i’w defnyddio ar gyfer pob diod yn unol â safon gwasanaeth eich gweithle

10. Sut i ymateb i rywun a all fod o dan ddylanwad gormod o alcohol neu gyffuriau a pham y dylid rhoi gwybod i’r person priodol amdano 

11. Pam ac i bwy y dylid rhoi gwybod am yr holl ddigwyddiadau sy’n ymwneud â chwsmeriaid

12. Pam ac i bwy y dylid rhoi gwybod am bopeth sydd wedi’i dorri

13. Pam y dylid cadw mannau cwsmeriaid a gwasanaeth yn lân, yn daclus a heb sbwriel

14. Y mathau o sefyllfaoedd annisgwyl a all godi wrth weini diodydd a sut i ddelio â’r rhain

1.   Gwybodaeth i gwsmeriaid 

1.1 pris

1.2 cynnwys alcoholig / alcohol yn ôl cyfaint%

1.3 enw a math o ddiod

1.4 arddull a nodweddion

2.   Diodydd

2.1 mewn poteli

2.2 o’r gasgen

2.3 o optig

2.4 arllwys â llaw

2.5 mewn cartonau

2.6 mewn caniau

2.7 poeth

  Cyfwydydd

3.1 iâ 

3.2 addurniadau bwyd

3.3 eitemau addurnol / troyddion

3.4 cyfwydydd ar gyfer diodydd poeth

  Cwsmeriaid

4.1 ag anghenion rheolaidd

4.2 ag anghenion afreolaidd

  Arddull gwasanaeth

5.1 wrth y bar

5.2 wrth y bwrdd

  Cyfarpar

6.1 llestri gwydr

6.2 jygiau / piserau

6.3 llestri

6.4 cyllyll, ffyrc a llwyau

6.5 cynwysyddion ar gyfer diodydd poeth

6.6 hambyrddau