Darparu gwasanaeth arian

Mae’r safon hon yn ymwneud â gwasanaeth arian (silver service) amrywiaeth o eitemau bwyd. Mae’n delio â’r cyfarpar y bydd ei angen arnoch i ddarparu gwasanaeth arian, y mathau o fwydydd y gellir eu gweini fel hyn, o gawl a sawsiau i gig, dofednod, llysiau a phwdinau. Hefyd, mae’r safon yn delio â sut rydych chi’n clirio’r bwrdd rhwng cyrsiau gorffenedig er mwyn cynnal amgylchedd deniadol i’ch cwsmeriaid.

Mae’r safon hon yn canolbwyntio ar y wybodaeth a’r sgiliau technegol y mae eu hangen i ddarparu gwasanaeth arian; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd lletygarwch
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Ddarparu gwasanaeth arian

1. Gwneud yn siŵr bod eich cyfarpar gweini glân, heb ddifrod ac a baratowyd yn barod ar gyfer gwasanaeth, yn unol â gweithdrefnau gwasanaeth eich gweithle
2. Gwneud yn siŵr bod y bwyd byddwch yn ei weini o’r math cywir ac o’r maint a’r ansawdd cywir sy’n ofynnol, a’i fod wedi’i drefnu mewn ffordd sy’n caniatáu am ei weini’n hawdd
3. Cyflwyno’r eitemau bwyd, eu rhannu’n ddognau a’u gweini yn ddeniadol, gan ddefnyddio’r cyfarpar gweini priodol
4. Trin a gwaredu cyfarpar ac eitemau bwyd diangen yn briodol er mwyn cynnal golwg ac awyrgylch ardal giniawa’r cwsmeriaid
5. Cyflawni eich gwaith gan darfu cyn lleied â phosibl ar gwsmeriaid, gan fod ar gael i gynorthwyo’ch cwsmeriaid, yn ôl yr angen
6. Clirio cyrsiau gorffenedig o’r bwrdd ar yr adeg briodol, yn systematig, gyda chymorth aelodau eraill o’r staff, ac yn unol â gweithdrefnau gwasanaeth eich gweithle
7. Gwirio llestri, cytleri ac eitemau eraill y bwrdd rhwng cyrsiau. Newid neu fynd ag eitemau oddi yno, yn ôl yr angen
8. Cynnal ymddangosiad y bwrdd, trwy glirio gwastraff a gweddillion bwyd yn unol â gweithdrefnau gwasanaeth eich gweithle

1. Arferion gweithio diogel a hylan wrth ddarparu gwasanaeth arian
2. Pam mae’n bwysig cael gwybodaeth gywir am y fwydlen, beth sydd ar gael, cyfansoddiad seigiau, cynhwysion a dulliau coginio
3. Beth yw gweithdrefnau eich gweithle ar gyfer gweini pob cwrs
4. Pwysigrwydd rhannu bwyd yn ddognau yn gywir
5. Pwysigrwydd cyflwyniad bwyd
6. Pam dylid rhoi gwybod am bob digwyddiad cwsmeriaid, ac i bwy
7. Y mathau o broblemau a all ddigwydd wrth ddarparu gwasanaeth arian a sut i ddelio â’r rhain
8. Arferion gweithio diogel a hylan wrth glirio cyrsiau gorffenedig
9. Gweithdrefn eich gweithle ar gyfer clirio cyrsiau gorffenedig
10. Pam mae’n rhaid cadw ardaloedd ciniawa a gwasanaeth cwsmeriaid yn rhydd rhag sbwriel a gweddillion bwyd
11. Pam mae’n rhaid trin a gwaredu gwastraff yn gywir
12. Y mathau o broblemau a all ddigwydd wrth glirio cyrsiau gorffenedig a sut i ddelio â’r rhain

1. Cyfarpar gwasanaeth
1.1 dysglau / dysglau arian / platiau arian
1.2 cytleri gwasanaeth
1.3 clytiau / llieiniau / menig gweini

2. Dull gweithredu’r gwasanaeth
2.1 digwyddiad
2.2 bwyty
2.3 bwffe / cerfdy

3. Eitemau bwyd
3.1 cawl
3.2 sawsiau / grefi
3.3 eitemau solet (cig / dofednod / tatws / rholiau bara)
3.4 eitemau bach wedi’u torri’n ddarnau (llysiau / reis)
3.5 cig / dofednod wedi’u sleisio
3.6 eitemau siâp lletem (pasteiod / tartenni / gateaux)
3.7 pwdinau wedi’u gweini â llwy
3.8 caws

4. Cyrsiau
4.1 cwrs cyntaf
4.2 prif gwrs
4.3 pwdin / caws

5. Eitemau bwrdd wedi’u clirio
5.1 llestri
5.2 cytleri
5.3 llestri gwydr
5.4 halen a phupur/sawsiau a chyfwydydd
5.5 eitemau bwrdd / napcynnau