Paratoi a choginio cig a dofednod

Mae’r safon hon yn ymdrin â pharatoi a choginio cig a dofednod ar gyfer seigiau syml, er enghraifft:

•stêc

•byrgers

•cytledi

•selsig

•bacwn

•darnau o gyw iâr

Mae’r safon hon yn canolbwyntio ar y wybodaeth a sgiliau technegol mae eu hangen i baratoi a choginio cig a dofednod. Fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at y Safonau Galwedigaethol Cenedlaethol canlynol, gan eu dewis fel sy’n briodol i’r swydd a’r sefydliad, ar y cyd â’r sgiliau a gwybodaeth technegol ar gyfer y safon:

•Cynnal diogelwch bwyd sylfaenol ym maes arlwyo

•Cynnal diogelwch bwyd yn y gegin

•Rhoi cyngor sylfaenol ar alergenau i gwsmeriaid

•Lleihau risg alergenau i gwsmeriaid i’r eithaf

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Paratoi a choginio cig a dofednod

1. Dadrewi cig a dofednod os oes angen, yn gywir a chan ddilyn canllawiau diogelwch bwyd

2. Gwirio bod y cig a dofednod yn addas i’w coginio

3. Dewis yr offer a chyfarpar cywir i baratoi a choginio cig a dofednod

4. Defnyddio’r offer a chyfarpar yn gywir wrth baratoi a choginio cig a dofednod

5. Paratoi’r cig a dofednod i fodloni’r gofynion

6. Coginio’r cig a dofednod yn ôl y gofyn

7. Gorffennu’r cig a dofednod yn ôl y gofyn

8. Sicrhau bod y cig a dofednod ar y tymheredd cywir i gael eu cadw a’u gweini

9. Storio’r cig a dofednod na fyddant yn cael eu defnyddio ar unwaith yn unol â rheoliadau diogelwch bwyd

1.   Sut i storio cig a dofednod ffres a rhewedig yn gywir cyn iddynt gael eu coginio

2.   Sut i wirio bod cig a dofednod yn addas i’w paratoi a’u coginio

3.   Sut i benderfynu a oes angen dadrewi cig a dofednod cyn eu coginio a pham mae hyn yn bwysig

4.   Sut i ddadrewi cig a dofednod yn gywir a pham mae hyn yn bwysig

5.   Pam ac i bwy y dylech roi gwybod am unrhyw broblemau gyda’r cig a dofednod neu gynhwysion eraill

6.   Y tymheredd ac amser coginio cywir ar gyfer gwahanol fathau o gig a dofednod

7.   Yr offer a chyfarpar cywir ar gyfer y dulliau paratoi

8.   Sut i baratoi cig a dofednod gan ddefnyddio’r dulliau paratoi cywir

9.   Yr offer a chyfarpar cywir ar gyfer y dulliau coginio

10. Pam mae’n bwysig defnyddio’r offer a chyfarpar cywir

11. Sut i gyflawni’r dulliau coginio yn gywir

12. Sut i benderfynu pa ddulliau coginio sy’n briodol i wahanol fathau o gig a dofednod a sut i sicrhau eu bod wedi cael eu coginio’n gywir

13. Sut i orffennu a sesno cig a dofednod yn unol â’r gofynion

14. Y gofynion storio cywir ar gyfer cig a dofednod na fyddant yn cael eu bwyta ar unwaith

15. Sut i storio cig a dofednod na fyddant yn cael eu bwyta ar unwaith

1.   Cig a dofednod

1.1 wedi’u paratoi ymlaen llaw

1.2 heb gaen

1.3 stêcs 

1.4 golwythion

1.5 darnau o ddofednod

2.   Dulliau paratoi

2.1 dadrewi

2.2 sesno

  Dulliau coginio

3.1 grilio

3.2 gradellu

3.3 ffrio (yn ddwfn / yn fas)