Paratoi a choginio pysgod

Mae’r safon hon yn ymwneud â pharatoi a choginio pysgod ar gyfer prydau syml, er enghraifft:
• cacen bysgod
• pysgod mewn cytew (wedi’i baratoi)
• pysgod mewn briwsion bara (wedi’i baratoi)
• sgampi (wedi’i baratoi)
• ffiled pysgodyn wedi’i rewi

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi a choginio pysgod; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi a choginio pysgod

1. Dadmer pysgod os bydd angen, yn gywir ac yn unol â chanllawiau diogelwch bwyd
2. Gwirio bod y pysgod yn addas i’w coginio
3. Dewis yr offer a’r cyfarpar cywir ar gyfer paratoi a choginio pysgod
4. Defnyddio’r offer a’r cyfarpar yn gywir wrth baratoi a choginio pysgod
5. Paratoi’r pysgod i fodloni gofynion
6. Coginio’r pysgod yn ôl y gofyn
7. Gorffen y pysgod yn ôl y gofyn
8. Sicrhau bod y pysgod ar y tymheredd cywir i’w dal a’u gweini
9. Storio unrhyw bysgod na fyddant yn cael eu defnyddio ar unwaith yn unol â rheoliadau diogelwch bwyd

1. Sut i storio pysgod yn gywir cyn eu coginio
2. Sut i wirio bod y pysgod yn addas i’w paratoi a’u coginio
3. Sut i benderfynu p’un a oes angen dadmer pysgod cyn eu coginio a pham mae hyn yn bwysig
4. Sut i ddadmer pysgod yn gywir a pham mae hyn yn bwysig
5. Pam dylech chi roi gwybod am unrhyw broblemau gyda’r pysgod neu unrhyw gynhwysion eraill, ac i bwy
6. Y tymereddau a’r amserau coginio cywir ar gyfer gwahanol fathau o bysgod
7. Yr offer a’r cyfarpar cywir ar gyfer y dulliau paratoi
8. Sut i baratoi pysgod yn gywir
9. Yr offer a’r cyfarpar cywir ar gyfer y dulliau coginio
10. Pam mae’n bwysig defnyddio’r offer a’r cyfarpar cywir
11. Sut i gyflawni’r dulliau coginio yn gywir
12. Sut i benderfynu pa ddulliau coginio sy’n briodol ar gyfer gwahanol fathau o bysgod a sut i sicrhau eu bod wedi coginio’n gywir
13. Sut i garnisio a chyflwyno pysgod wedi’u coginio yn ôl y gofyn
14. Y tymereddau cywir ar gyfer dal a gweini pysgod
15. Y gofynion storio cywir ar gyfer cynhyrchion pysgod na fyddant yn cael eu bwyta ar unwaith

1. Pysgod
1.1 wedi’u caenu
1.2 heb eu caenu
1.3 wedi’u rhewi
1.4 heb eu rhewi

2. Dulliau paratoi
2.1 dadmer
2.2 caenu

3. Dulliau coginio
3.1 ffrio (dwfn / bas)
3.2 grilio
3.3 pobi