Cynnal safonau ardderchog o ymddygiad personol ym maes lletygarwch

Gall ein hymddygiad yn y gweithle gyfrannu’n gadarnhaol at greu amgylchedd cynhyrchiol a chytûn lle gall cyflogeion gael eu hysbrydoli a chyflawni eu potensial llawn. Fodd bynnag, pan mae ymddygiad yn amhriodol neu’n gamweithredol gall gael canlyniadau difrifol i gynhyrchiant, boddhad swydd a lles corfforol a seicolegol y staff. Mae ar holl aelodau’r tîm ddyletswydd gofal i’w gilydd a rhaid iddyn nhw gydymffurfio â safonau brand y sefydliad er mwyn atal a lleihau i’r eithaf ymddygiad a all gael effaith andwyol ar gytgord yn y gweithle a/neu achosi niwed neu anaf i eraill.

Pan fyddwch wedi cwblhau’r safon hon byddwch wedi dangos eich dealltwriaeth o’r canlynol, a’ch gallu i’w gyflawni:

•Cynnal safonau ardderchog o ymddygiad personol ym maes lletygarwch

 

1. Ymgyflwyno’n unol â gofynion y sefydliad

2. Trefnu’ch gwaith eich hun i sicrhau’r perfformiad gorau posibl a chyflawni nodau

3. Dilyn gweithdrefnau mewn modd cyson ac ymateb yn gadarnhaol i gyfarwyddyd 

4. Defnyddio technoleg mewn ffordd onest y gellir ymddiried ynddi

5. Cydymffurfio â safonau’r brand y tu mewn a’r tu allan i’r sefydliad / cynrychioli eich sefydliad mewn modd cadarnhaol

6. Gweithio gydag uniondeb mewn modd diogel, teg a phroffesiynol

1. Beth yw safonau’r sefydliad a pham maen nhw’n bodoli

2. Sut mae safonau’n amrywio rhwng gwahanol sefydliadau

3. Beth yw safonau brand y sefydliad a pham mae’n bwysig cydymffurfio â nhw

4. Pam mae’n bwysig cydymffurfio â safonau’r sefydliad ar gyfer dillad ac ymgyflwyniad personol

5. Sut i gynrychioli safonau brand eich sefydliad mewn modd cadarnhaol yn fewnol ac yn allanol

6. Sut i drefnu’ch gwaith eich hun a phryd i ofyn am arweiniad neu gymorth

7. Pa ymddygiad sy’n dderbyniol ar safle’r sefydliad ac oddi arno a pham mae’n bwysig ymddwyn fel hyn

8. Sut i hybu safonau’r brand

9. Sut y gall cyfryngau cymdeithasol effeithio ar safonau’r brand