Derbyn, symud a storio eiddo cwsmeriaid a’r sefydliad

Mae’r safon hon yn ymwneud â chadw eiddo cwsmeriaid a’r sefydliad yn ddiogel. Mae ar gyfer pobl sy’n derbyn, yn symud neu’n storio eitemau a gallent fod yn dderbynnydd neu’n borthor. Mae’n ymwneud â storio bagiau, cotiau ac eitemau eraill. Hefyd, mae’n ymwneud â symud pethau fel dodrefn a chyfarpar trydanol, a’u cadw’n ddiogel.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Derbyn, symud a storio eiddo cwsmeriaid a’r sefydliad

1. Delio â’ch cwsmeriaid yn gyflym, yn gwrtais ac yn gymwynasgar
2. Cymryd eiddo cwsmeriaid a rhoi derbynneb iddynt pan fydd angen
3. Diogelu eiddo cwsmeriaid yn unol â safonau’r sefydliad
4. Rhoi gwybod i aelod priodol o staff am unrhyw eiddo amheus gan gwsmeriaid
5. Dewis y ffordd orau a mwyaf diogel o symud yr eiddo
6. Codi a symud eiddo’n ddiogel heb anafu eich hun neu bobl eraill nac achosi difrod
7. Amddiffyn eiddo yn erbyn colled neu ddifrod
8. Symud eiddo i’r man cywir ar yr adeg gywir
9. Amddiffyn yr eiddo rhag cael ei gymryd heb ganiatâd
10. Llenwi unrhyw gofnodion storio yn gywir
11. Cadw eich ardal storio yn ddiogel, yn lân, yn daclus ac yn hylan

1. Cyfrifoldebau eich sefydliad am storio eiddo cwsmeriaid
2. Pam mae’n bwysig delio â chwsmeriaid yn gyflym, yn gwrtais ac yn gymwynasgar
3. Y ffordd gywir o gyfarch a delio â chwsmeriaid
4. Y ffordd gywir o gymryf eiddo oddi wrth y cwsmer
5. Pam y gallai fod yn bwysig rhoi derbynneb gywir i’r cwsmer ar gyfer eu heiddo
6. Sut i adnabod eiddo amheus a beth ddylech chi wneud amdano
7. Sut i benderfynu p’un ai i symud eiddo trwy ei gario neu gan ddefnyddio troli
8. Y mathau o anafiadau y gallent ddigwydd wrth godi a symud gwahanol fathau o eiddo
9. Technegau codi a thrin y dylech eu defnyddio i’ch atal chi rhag anafu eich hun ac anafu pobl eraill a difrodi eiddo
10. Dillad ac esgidiau priodol i’w gwisgo wrth drin eiddo trwm neu fudr
11. Sut i osgoi colli eiddo pan fyddwch chi’n ei symud a’i storio
12. Sut i osgoi bod rhywun yn mynd ag eiddo heb ganiatâd
13. Ble dylech chi storio eiddo cwsmeriaid
14. Y mathau o broblemau a allai ddigwydd pan fyddwch chi’n symud eiddo a beth i’w wneud am y rhain
15. Pam y gallai fod yn bwysig cadw cofnodion storio a sut i’w llenwi
16. Pam dylech chi gadw ardaloedd storio yn ddiogel, yn lân, yn daclus ac yn hylan a sut dylech chi wneud hyn
17. Y mathau o broblemau y gallech ddod ar eu traws gydag ardaloedd storio a beth i’w wneud am y problemau hyn

1. Eiddo cwsmeriaid
1.1 bagiau
1.2 cotiau ac eitemau dillad eraill
1.3 pethau gwerthfawr

2. Eiddo’r sefydliad
2.1 dodrefn
2.2 cyfarpar trydanol
2.3 bagiau
2.4 eiddo arall

3. Ffyrdd o symud eiddo
3.1 ei gario
3.2 defnyddio troli

4. Mannau y mae eiddo’n cael ei symud iddynt
4.1 llety cwsmeriaid
4.2 ardaloedd cyhoeddus
4.3 ardaloedd storio

Aelod priodol o staff
Y person sy’n eich goruchwylio chi neu sy’n gyfrifol am ddelio â’r cwsmer

Cwsmeriaid
Gallai’r rhain fod yn bobl sy’n aros yn y man lle’r ydych chi’n gweithio neu bobl sy’n defnyddio’r man ar gyfer digwyddiadau fel cynadleddau, ciniawau, cyfarfodydd ac ati.

Eiddo cwsmeriaid
Er enghraifft, bagiau ac eiddo eraill y mae cwsmeriaid am iddynt gael eu storio’n ddiogel hyd nes byddant yn eu casglu

Hylan
Er enghraifft, dim gollyngiadau bwyd neu ddiod, dim tystiolaeth o blâu fel llygod, llygod mawr neu chwilod du (cocrotsis)

Ardaloedd storio
Mannau lle’r ydych chi’n storio eiddo

Eitemau amheus
Unrhyw beth a allai fod yn anghyfreithlon neu achosi niwed a difrod, yn eich barn chi