Cyfrannu at ddatrys problemau busnes

Mae’r safon hon i aelodau o’r staff sy’n ymwneud â datrys problemau sy’n gysylltiedig â’r busnes. Rhai o’r swyddi a allai fod yn gysylltiedig â’r lefel hon yw dirprwy brif dderbynyddion, arweinwyr shifftiau neu swyddi ar lefel debyg. Mae’n cynnwys gwirio’ch dealltwriaeth o’r broblem, gofyn am gyngor ar sut i ddelio â hi a chytuno sut i adnabod pryd mae wedi cael ei datrys. Gallai hwn fod yn ddull rhagweithiol ac adweithiol o ddatrys problemau. Gyda mwyfwy o ddibyniaeth ar blatfformau cyfryngau cymdeithasol wrth ddewis sefydliad lletygarwch mae ymdrin â chwynion yn hanfodol i unrhyw fath o fusnes lletygarwch.

Pan fyddwch wedi cwblhau’r safon hon byddwch yn gallu dangos eich dealltwriaeth o’r canlynol, a’ch gallu i’w gyflawni:

•Cyfrannu at ddatrys problemau busnes

 

1. Gwirio’ch dealltwriaeth o’r broblem busnes

2. Dangos empathi i’r cwsmer wrth iddo esbonio’r broblem

3. Cymryd cyfrifoldeb am y broblem lle bo’n bosibl 

4. Trafod y broblem busnes gyda phobl eraill

5. Gofyn am gyngor ar sut i ddelio â’r broblem busnes 

6. Rhoi diweddariadau i gwsmeriaid ar y cynnydd sy’n cael ei wneud wrth ddatrys y broblem os nad yw’n cael ei datrys ar unwaith

7. Cytuno sut i adnabod pryd mae’r broblem busnes wedi cael ei datrys

8. Defnyddio cymorth ac adborth gan bobl eraill i helpu i ddatrys y broblem busnes

9. Cadarnhau gyda’r cwsmer bod y broblem wedi cael ei datrys cyn iddo adael y sefydliad lle bynnag y bo’n bosibl

1. Sut i adnabod problem busnes

2. Sut i fod yn empathig wrth gwsmer

3. Gwahanol ffyrdd i ddatrys problemau busnes

4. Gwahanol ffyrdd o adnabod pryd mae problem busnes wedi cael ei datrys

5. Sut i roi diweddariadau i gwsmer ar y cynnydd sy’n cael ei wneud wrth ddatrys y broblem

6. Y rhesymau dros ddefnyddio cymorth ac adborth gan bobl eraill

7. Sut i sicrhau nad yw cwsmeriaid yn gadael y sefydliad heb i’r broblem gael ei datrys