Cymhwyso egwyddorion craidd peirianneg ar y tir – gwasanaethu a chynnal a chadw

Mae’r safon hon yn cynnwys cymhwyso egwyddorion craidd peirianneg ar y tir – gwasanaethu a chynnal a chadw. Mae’n cynnwys yr rheidrwydd i wasanaethu a chynnal a chadw, adeiladwaith a gweithrediad cydrannau gwasanaeth a’r sgiliau sy’n ofynnol i gyflawni’r gwasanaethu a’r cynnal a’r cadw yn cynnwys, glanhau cyn, yn ystod ac ar ôl, diogelu peiriannau ac eiddo rhag niwed, newid a glanhau eitemau gwasanaeth, gwaedu a llenwi systemau tanwydd, olew, oeri, hydrolig, niwmatig a gwresogi, selio cydrannau gwasanaeth, gwirio gweithrediad peiriannau yn erbyn meini prawf cynhyrchwyr a gwneud addasiadau.

Mae’n cynnwys archwilio a phrofi perfformiad ar gyfer diffyg cydymffurfio, cam-drin, defnyddioldeb, gwaith atgyweirio ychwanegol, gollyngiadau a thraul.

Wrth weithio gyda pheiriannau neu gyfarpar dylech fod wedi eich hyfforddi ac yn meddu ar ardystiad cyfredol lle bo angen, yn unol â deddfwriaeth berthnasol.

Wrth weithio ar gerbydau foltedd uchel (foltedd peryglus/HaV) mae’n rhaid i ddadrymuso cerbydau trydan gael ei wneud gan berson sydd wedi cael hyfforddiant yn unol â gweithdrefnau’r cynhyrchydd.

Mae’r safon hon ar gyfer y rheiny sy’n gweithio ym maes peirianneg ar y tir o dan oruchwyliaeth.

Noder – yn unol â’r rheoliadau cyfredol mae’n rhaid i waith trydan prif gyflenwad gael ei wneud gan berson cymwys, trydanwr fel arfer.

1. bod yn ymwybodol o’r peryglon a’r risgiau sydd yn gysylltiedig â’r gweithgaredd a’r lleoliad lle bydd yn cael ei wneud
2. bod yn ymwybodol o’r effaith amgylcheddol bosibl sydd yn gysylltiedig â’r gweithgaredd a’r ffyrdd y gellir rheoli hyn
3. dewis a gwisgo dillad addas a chyfarpar diogelu personol (PPE)
4. dewis, paratoi, defnyddio, cynnal a storio’r offer a’r cyfarpar sydd yn ofynnol i gyflawni’r gweithgaredd yn unol â gofynion cyfreithiol perthnasol, cyfarwyddiadau’r cynhyrchydd ac arferion y cwmni
5. sicrhau bod y cyfarpar ar y tir y mae angen ei wasanaethu a’i gynnal a’i gadw yn ddiogel ac wedi ei ynysu o ffynonellau pŵer lle bo angen, cyn bod y gwaith yn dechrau
6. cynnal archwiliad gweledol o’r cyfarpar ar y tir ac archwilio data perthnasol i asesu gofynion ar gyfer gwasanethu a chynnal a chadw 
7. nodi a sefydlu argaeledd eitemau defnyddiol sydd eu hangen ar gyfer y gwaith
8. paratoi’r cyfarpar ar y tir a’r ardal waith cyn cynnal y gwaith gwasanaethu a chynnal a chadw
9. cynnal y rhagofalon angenrheidiol i atal cemegau, nwyon a sylweddau rhag dianc a lleihau’r perygl o halogi a pheryglon lle bo angen
10. cymhwyso egwyddorion craidd peirianneg ar y tir i wasanaethu a chynnal a chadw cyfarpar ar y tir yn unol â gofynion ac amserlenni’r cynhyrchwyr
11. glanhau neu newid eitemau defnyddiol
12. gwirio lefel, integredd ac addasrwydd hylifau ar gyfer y cymhwysiad a draenio ac adnewyddu lle bo angen
13. newid ac ailosod hidlwyr a seliau
14. symud ac adnewyddu cydrannau sydd wedi methu
15. gwirio ac addasu cydrannau yn unol â’r goddefiannau gofynnol
16. adfer cyfarpar ar y tir i’w gyflwr gweithredol cywir ar ôl ei wasanaethu a’i gynnal a’i gadw
17. cadarnhau bod y cyfarpar wedi ei osod yn gywir neu wedi ei raddnodi yn dilyn gwasanaethu a chynnal a chadw
18. cynnal archwiliadau ac asesiadau o gyfarpar er mwyn cydymffurfio â manylebau’r cynhyrchydd a gofynion y cwsmer ar ôl gwasanaethu a chynnal a chadw 
19. sicrhau y bydd teclynnau llusgo fydd yn cael eu defnyddio ar briffyrdd cyhoeddus yn bodloni’r gofynion cyfreithiol
20. cyflawni profion perfformiad a gweithredol wrth wasanaethu a chynnal a chadw, yn ymwneud â’r gwaith sydd wedi cael ei gyflawni 
21. gadael y gweithle mewn cyflwr diogel ar ôl cwblhau’r gweithgaredd
22. ymdrin â’r mathau gwahanol o wastraff, yn cynnwys gwastraff peryglus a gwastraff nad yw’n beryglus, yn unol â’r cyfarwyddiadau a gofynion cyfreithiol ac amgylcheddol perthnasol
23. cwblhau cofnodion fel y bo angen yn unol â chyfarwyddiadau’r cwmni

1. y peryglon a’r risgiau sydd yn gysylltiedig â pheirianneg ar y tir
2. y math o ddillad a chyfarpar diogelu personol (PPE) sydd yn addas ar gyfer y gweithgaredd
3. yr offer a’r cyfarpar sydd eu hangen i gyflawni’r gweithgaredd a sut i’w dewis, eu paratoi, eu defnyddio, eu cynnal a’u cadw a’u storio’n ddiogel ac yn gywir, yn unol â chyfarwyddiadau’r cynhyrchydd ac arferion y cwmni
4. y rhesymau dros wasanaethu a chynnal a chadw a’r camau i’w cymryd ar adegau cynnal a chadw gwahanol
5. sut i asesu’r gofynion gwasanaethu a chynnal a chadw ar gyfer cyfarpar ar y tir, yn cynnwys arsylwi ac archwilio gweledol, cwestiynu codau namau a gwirio data perthnasol arall 
6. yr eitemau defnyddiol angenrheidiol i gyflawni’r gwasanaethu a’r cynnal a’r cadw a’r gweithdrefnau ar gyfer eu caffael
7. sut i baratoi cyfarpar ar y tir cyn gwasanaethu a chynnal a chadw 
8. y dulliau a ddefnyddir i lanhau a diogelu cyfarpar cyn ac yn ystod gwasanaethu a chynnal a chadw, gan osgoi, niwed i’r paent, y trim a’r corff, a chyflwyniad difwynwyr
9. cemegau, nwyon a sylweddau peryglus a allai fod yn bresennol a ffyrdd y dylid ymdrin â nhw
10. sut i ymdrin â gollyngiadau cemegau a deunyddiau peryglus
11. y gweithdrefnau ar gyfer draenio hylifau a chasglu samplau ar gyfer eu dadansoddi
12. y dulliau ar gyfer gwacáu aer o systemau tanwydd, oeri, gwresogi, brecio a thynnu dŵr o systemau tanwydd, cylchedau hydrolig a niwmatig wrth wasanaethu a chynnal a chadw 
13. y dulliau o ganfod a dileu gollyngiadau
14. y mathau o hidlwyr, eu hadeiladwaith, eu swyddogaeth a’u gofynion gwasanaethu
15. y mathau o seliau, eu hadeiladwaith, eu swyddogaeth a’u gosodiad
16. sut i symud ac adnewyddu cydrannau sydd wedi methu
17. sut i wirio a gwneud addasiadau
18. yr hyn a olygir wrth y term ‘rhedeg i mewn’/‘gosod’
19. sut i adfer cyfarpar ar y tir i gyflwr gweithredol cywir ar ôl gwasanaethu a chynnal a chadw, yn cynnwys ailosog logiau gwasanaeth
20. dulliau ar gyfer gosod neu raddnodi cyfarpar ar ôl ei wasanaethu a’i gynnal a’i gadw 
21. y dulliau a ddefnyddir i brofi perfformimad cyfarpar ar ôl gwasanaethu a chynnal a chadw 
22. goblygiadau cyfreithiol addasu systemau diogelu gwrthrychau sy’n syrthio (FOPS) neu systemau diogelu rholio drosodd (ROPS)  
23. pwysigrwydd gadael y gweithle mewn cyflwr diogel ar ôl cwblhau’r gweithgaredd
24. sut i ymdrin â’r mathau gwahanol o wastraff, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r cyfarwyddiadau a’r gofynion cyfreithiol ac amgylcheddol perthnasol 
25. yr effaith bosibl y gallai eich gweithgaredd ei gael ar yr amgylchedd a’r ffyrdd y gellir rheoli hyn
26. y cofnodion sydd angen eu cwblhau a gweithdrefn y cwmni ar gyfer hyn

addasiadau - e.e. tensiynau strapiau a chadwyni, cliriadau, gosodiadau ceblau a chysylltiadau, systemau olrhain

cydymffurfio â manylebau’r cynhyrchydd - e.e. addasu diawdurdod, llwytho gormodol, cynnal a chadw gwael, gosodiadau anghywir y gweithredwr, gweithrediad anghywir

hylifau - e.e. tanwydd, olew, hylif brecio, oerwyr 

gollyngiadau - e.e. tanwydd, olew, aer, dŵr, nwyon a chywasgiad

cyfnodau rhwng cynnal a chadw - e.e. dyddiol, wythnosol, misol, blynyddol ac yn ystod oriau gweithredu wedi eu hamserlennu

goblygiadau addasu - e.e. integreiddio cyfarpar a gwasanaethau allanol, drilio, weldio

paratoi - e.e. glanhau, diogelu, gwneud yn ddiogel, dilysu manyleb ac ati 

rhesymau dros weithrediadau gwasanaethau a chynnal a chadw – e.e. paratoi peiriannau newydd ac wedi eu defnyddio, gwasanaethu wedi ei amserlenni, cynnal a chadw brys, paratoi ar gyfer storio y tu allan i dymor neu ddefnydd ar ôl storio

profion - e.e. prawf ffordd / maes, arafiad, pŵer, pwysedd, llif

mathau o hidlwyr - e.e. sgrîn, hildwr sugnad, hidlwr pwysedd uchel, hidlwr allgyrchol, bath olew, trap dŵr, cyn-lanhäwr, hidlwyr carbon, hidlwyr awyru