Sefydlu gweithdrefnau i gynorthwyo â chasglu data pysgodfeydd

Mae’r safon hon yn ymwneud â sefydlu gweithdrefnau i gynorthwyo â chasglu data pysgodfeydd yn gysylltiedig â’r cynefin a’r pysgod o fewn y bysgodfa. Mae’n cynnwys gallu nodi’r dulliau priodol ar gyfer cofnodi data a thechnegau i gynorthwyo â dadansoddi’r data a gasglwyd.
 
Mae’r safon hon yn gofyn am ddealltwriaeth o ddiben casglu data poblogaeth pysgod e.e. i amlinellu maint y boblogaeth, ei strwythur oedran a’i chyflwr.
 
Mae’r safon hon yn gofyn eich bod yn gwneud gwaith yn ddiogel, yn unol â gofynion cyfreithiol a gofynion iechyd a diogelwch perthnasol, a’ch bod yn gweithio i gynnal bioddiogelwch a lleihau tarfu amgylcheddol bob amser.
 
Bydd y ddeddfwriaeth berthnasol sy’n rheoli cymhwyso’r safon hon yn amrywio yn ôl lleoliad y bysgodfa – yng Nghymru, Lloegr, yr Alban neu Ogledd Iwerddon.

1. coladu a dadansoddi gwybodaeth o ffynonellau perthnasol i sefydlu gweithdrefnau er mwyn cynorthwyo â chasglu data pysgodfeydd
2. sefydlu gweithdrefnau i fonitro cynefin pysgodfa, gan gyfrif am amodau amgylcheddol
3. sefydlu gweithdrefnau samplu i gynorthwyo â chasglu data cynrychioliadol ar gyfer poblogaeth pysgod
4. sefydlu gweithdrefnau ar gyfer casglu samplau a data o bysgod unigol
5. cadarnhau bod yr holl weithdrefnau yn bodloni gofynion iechyd a diogelwch, amgylcheddol a bioddiogelwch perthnasol a gofynion cyfreithiol perthnasol eraill
6. cyfleu gweithdrefnau i bawb sy’n ymwneud â’r gweithredu
7. nodi a sefydlu’r adnoddau sy’n ofynnol i gynorthwyo â chasglu data pysgodfeydd
8. nodi’r technegau a ddefnyddir gan y sefydliad i ddadansoddi data pysgodfeydd
9. sefydlu systemau ar gyfer adrodd ar a chofnodi data pysgodfeydd gyda sicrwydd ansawdd priodol

1. cyflwr pysgodfa o ran ei nodweddion ffisegol, ansawdd y dŵr ac agweddau biolegol
2. sut i sefydlu gweithdrefnau i gynorthwyo â chasglu data pysgodfeydd
3. pwysigrwydd cadarnhau bod gweithdrefnau i gynorthwyo â chasglu data pysgodfeydd yn cael eu cyfleu i bawb sy’n gysylltiedig
4. y technegau sydd ar gael i gasglu data cynefin a data pysgod
5. protocolau casglu data pysgod a sefydliadol safonol a’u rôl mewn casglu data pysgodfeydd
6. diben casglu data pysgodfeydd a sut mae hyn yn effeithio ar ddylunio casglu data
7. y dulliau ar gyfer dewis safle arolwg addas ar gyfer casglu data pysgodfeydd
8. sut i samplu poblogaethau pysgod
9. dulliau pysgota a’u cymhwyso wrth gasglu samplau
10. sut i gasglu samplau a data o bysgod byw a physgod marw
11. y mathau o sefyllfaoedd argyfwng, gan gynnwys llygredd a phroblemau iechyd pysgod, a all effeithio ar bysgod a sut gallant gael eu monitro
12. y mathau o dechnegau dadansoddi data a defnydd data pysgodfeydd yn y pen draw
13. sut i sefydlu systemau ar gyfer cofnodi data pysgodfeydd, yn unol â phrotocolau sefydliadol safonol
14. gofynion iechyd a diogelwch, amgylcheddol, bioddiogelwch a chyfreithiol perthnasol sy’n gysylltiedig â rheoli gweithgareddau mewn pysgodfa