Casglu a dadansoddi data o bysgod marw

Mae’r safon hon yn ymwneud â chasglu a dadansoddi data o bysgod marw. Mae’n cwmpasu’r gallu i ddadansoddi pysgod marw er mwyn cynhyrchu data pysgodfeydd, sy’n cynorthwyo â rheoli pysgodfeydd.
 
Mae’r safon hon yn gofyn eich bod yn gwneud gwaith yn ddiogel, yn unol â gofynion cyfreithiol a gofynion iechyd a diogelwch perthnasol, a’ch bod yn gweithio i gynnal bioddiogelwch a lleihau tarfu amgylcheddol bob amser.
 
Bydd y ddeddfwriaeth berthnasol sy’n rheoli cymhwyso’r safon hon yn amrywio yn ôl lleoliad y bysgodfa – yng Nghymru, Lloegr, yr Alban neu Ogledd Iwerddon.

1. cyflawni’r holl weithgareddau sy’n ofynnol i gasglu a dadansoddi data o bysgod marw yn ddiogel, yn unol â gofynion iechyd a diogelwch perthnasol
2. paratoi, defnyddio a chynnal a chadw offer a chyfarpar priodol ar gyfer casglu a dadansoddi data o bysgod marw
3. dewis a defnyddio cyfarpar diogelu personol (PPE) priodol ar gyfer y gwaith sy’n ofynnol
4. cynnal y gallu i olrhain samplau o bysgod marw a chynnal rheolaeth ar y samplau
5. paratoi samplau o bysgod marw i’w dadansoddi, yn unol â gofynion eich sefydliad a phrotocolau safonol y diwydiant pysgota
6. dadansoddi samplau o bysgod marw yn unol â gofynion eich sefydliad a phrotocolau safonol y diwydiant pysgota
7. gwaredu gwastraff yn unol â gofynion cyfreithiol a sefydliadol perthnasol
8. diheintio a, lle bo hynny’n briodol, storio cyfarpar ar gyfer casglu a dadansoddi data o bysgod marw ar ôl eu defnyddio, yn unol â gofynion
9. cynnal lefelau hylendid a bioddiogelwch wrth gasglu a dadansoddi data o bysgod marw
10. cofnodi a chyflwyno data o bysgod marw yn gywir gan ddefnyddio systemau sefydliadol, gan amlygu unrhyw ganfyddiadau annisgwyl
11. cwblhau archwiliadau gwallau ar ddata a gasglwyd o bysgod marw

1. y gofynion iechyd a diogelwch sy’n gysylltiedig â chasglu a dadansoddi data o bysgod marw
2. pwysigrwydd defnyddio’r cyfarpar diogelu personol (PPE) cywir
3. sut i gasglu a pharatoi samplau o bysgod marw i’w dadansoddi
4. sut i ddefnyddio protocolau safonol y diwydiant pysgota i nodi oedran pysgod, ynghyd â dadansoddi ôl-gyfrifiadau o batrymau twf (cen a defnyddio esgyrn)
5. sut i dynnu deunyddiau o bysgod marw i nodi oedran pysgod
6. anatomi a ffisioleg pysgod
7. abnormaleddau cyffredin pysgod a’u hachosion
8. parasitiaid cyffredin (mewnol ac allanol) pysgod
9. sut i nodi a dosbarthu cynnwys stumog pysgod marw
10. sut i ddadansoddi data o bysgod marw
11. technegau cyflwyno data (histogramau hyd/amlder) wrth ddadansoddi data o bysgod marw
12. technegau ystadegol a defnyddir i ddadansoddi data o bysgod marw
13. technegau gwahanol ar gyfer cyflwyno data o bysgod marw
14. pwysigrwydd archwilio data am wallau, i ddileu camgymeriadau a chadarnhau cywirdeb y data sydd i’w ddadansoddi a/neu ei gyflwyno
15. sut i gael at gyngor a chymorth ychwanegol
16. pwysigrwydd hylendid a bioddiogelwch a’u rôl o ran lleihau risgiau i’r bysgodfa

Dulliau dadansoddi:

1. dadansoddi cynnwys stumog
2. llwyth parasitiaid mewnol
3. llwyth parasitiaid allanol
4. rhyw ac aeddfedrwydd
5. patholeg gros fewnol
6. patholeg gros allanol