Paratoi unedau cadw i dderbyn pysgod

​

Mae'r safon hon yn ymwneud â pharatoi unedau cadw i dderbyn pysgod. Mae'n cynnwys darparu amgylchedd diogel a glân, fydd yn cynnal iechyd a lles y pysgod i gael eu stocio. Mae'n cynnwys y wybodaeth a'r sgiliau sydd eu hangen i sefydlu amodau yn yr unedau cadw ac i ddeall mesurau sydd yn gwaith o reoli dylanwadau allanol, fel gweithredoedd rhywogaethau plâu ac ysglyfaethwyr. Mae'n gofyn bod gwaith yn cael ei gwblhau yn unol â gweithdrefnau rheoli safonol y safle.

Mae'r safon hon yn gofyn eich bod yn sicrhau bod yr uned gadw wedi'i sefydlu i dderbyn a chadw pysgod yn ddiogel a'u cadw'n ddiogel rhag gweithredoedd plâu ac ysglyfaethwyr, a'ch bod yn gwneud gwaith yn unol â chodau ymarfer y diwydiant.

Mae'r safon hon ar gyfer y rheiny sydd yn paratoi unedau cadw i dderbyn pysgod.

1. ​gwneud gwaith yn ddiogel yn unol â'r gofynion iechyd a diogelwch perthnasol
2. paratoi a glanhau unedau cadw fel eu bod mewn cyflwr addas i dderbyn pysgod
3. gwirio diogeledd a chyfanrwydd yr unedau cadw

4. cadarnhau bod amodau amgylcheddol yn yr unedau cadw yn addas ar gyfer derbyn pysgod

5. sicrhau bod y mesurau a'r dyfeisiadau atal plâu ac ysglyfaethwyr yn cael eu cymhwyso'n effeithiol i unedau cadw

6. sicrhau bod cyfleusterau bwydo priodol ar gael

1. y gofynion iechyd a diogewlch perthnasol sydd yn gysylltiedig â pharatoi unedau cadw
2. yr amodau amgylcheddol (tymheredd, ansawdd a chyfaint y dŵr) sydd yn ofynnol gan y rhywogaethau o bysgod sydd yn cael eu ffermio
3. y ffordd y gall amodau amgylcheddol niweidiol effeithio ar baratoi unedau cadw
4. pwysigrwydd sicrhau diogeledd a chyfanrwydd unedau cadw
5. plâu ac ysglyfaethwyr cyffredin ac effaith eu presenoldeb ar stoc fferm
6. y mesurau a'r dyfeisiadau atal plâu ac ysglyfaethwyr cyfreithiol perthnasol
7. pwysigrwydd hylendid a bioddiogelwch ar gyfer pysgod sydd yn cael eu ffermio
8. y mathau gwahanol o unedau cadw a ddefnyddir
9. pwysigrwydd mesur gallu cario unedau cadw er mwyn sicrhau bod gofynion lles y pysgod i gael eu stocio yn cael eu bodloni
10. y ffordd y mae gallu cario unedau cadw yn cael ei gyfrifo
11. y ffordd y mae cynlluniau cynhyrchu yn rheoli'r broses stocio
12. y mathau gwahanol o systemau bwydo a ddefnyddir mewn unedau cadw

unedau cadw – cyfleusterau a ddefnyddir i gadw pysgod neu gregynbysgod mewn amgylchedd cynhyrchu wedi'i reoli e.e. cewyll, llociau, pyllau, tanciau, leiniau hir, rhedfeydd, rhwydi llusern, sanau/tiwbiau, sachau ac ati

gallu cario – biomas y pysgod y gall corff o ddŵr eu cynnal