Cefnogi cymunedau sydd am gyflawni newid cymdeithasol cadarnhaol
URN: JETSCD12
Sectorau Busnes (Suites): Datblygu Cymunedol
Datblygwyd gan: NYA
Cymeradwy ar:
28 Chwef 2015
Trosolwg
Diben datblygu cymunedol yw cefnogi cymunedau i drefnu ar y cyd er mwyn rhoi newid ar waith. Mae hyn yn golygu sicrhau bod grwpiau cymunedol a chymunedau yn derbyn gwybodaeth am gyfleoedd i fynegi eu barn, sut mae cael hyd i gefnogwyr, a sut mae cynllunio ar gyfer gweithredu ac ymgyrchu ar y cyd a rhoi hynny ar waith er mwyn mynd i'r afael â'r pryderon a nodwyd ganddynt.
Mae'r safon hon yn berthnasol i bob ymarferydd datblygu cymunedol.
Trefnir y safonau datblygu cymunedol yn chwe maes allweddol:
• Un - deall ac ymarfer datblygu cymunedol
• Dau - deall cymunedau ac ymgysylltu â nhw
• Tri - gwaith grŵp a gweithredu ar y cyd
• Pedwar - cydweithio a gweithio ar draws sectorau
• Pump - dysgu cymunedol er newid cymdeithasol
• Chwech - llywodraethu a datblygu sefydliadol
Mae'r safon hon yn rhan o Faes Allweddol Tri
Meini prawf perfformiad
Mae'n rhaid eich bod chi'n gallu:
1 cefnogi grwpiau i gytuno ar yr heriau y mae angen ymdrin â hwy mewn cymuned
2 hwyluso grwpiau i ymchwilio, cynllunio, a cheisio cefnogaeth, cynghreiriaid ac adnoddau i'w helpu i gyflawni newid cymdeithasol
3 cynghori ar y defnydd o ddulliau cyfranogol er mwyn dyrannu rolau a chyfrifoldebau ac adolygu cynlluniau
4 cynghori ar ffyrdd o ddatrys bylchau sgiliau wrth gynllunio ar gyfer gweithredu
5 cefnogi grwpiau i ddatrys ar y cyd unrhyw wrthdaro sy'n datblygu yn ystod ymgyrch
6 cefnogi grwpiau i ddefnyddio'r cyfryngau i roi cyhoeddusrwydd i'w hymgyrch
7 hwyluso ymwybyddiaeth o anghenion gwybodaeth a chyfathrebu y rhai sy'n ymwneud ag ymgyrch lwyddiannus
8 annog gwerthuso cyfranogol er mwyn adolygu cynlluniau ac effaith yr ymgyrch ar lunwyr penderfyniadau
Gwybodaeth a Dealltwriaeth
You need to know and understand:
Y cyd-destun
1 cyfraniad mudiadau cymdeithasol a gweithredu cymunedol wrth gyflawni newid
2 effaith perthnasoedd pŵer ar unigolion a chymunedau
3 ffyrdd cyfranogol o herio penderfyniadau polisi lleol a chenedlaethol
4 manteision cydnabod a gosod gwerth ar amrywiaeth; arfer cynhwysol a gwrthwahaniaethol
5 sut mae goresgyn rhwystrau i ymwneud â gweithgareddau ar y cyd
6 effeithiau cadarnhaol a negyddol gwrthdaro
7 sut mae datblygu strategaethau cymunedol sy'n meithrin hyder, sgiliau ac annibyniaeth grwpiau cymunedol
8 pwysigrwydd annibyniaeth wrth gyflawni newid cymdeithasol cadarnhaol
Pennu nodau cyffredin
9 dulliau ar y cyd a chyfranogol o gytuno ar faterion, nodau, cynlluniau, capasiti, adolygiadau a gwerthusiadau cyffredin
Deinameg a phrosesau grŵp
10 cydraddoldeb ac ymarfer gwrthwahaniaethol mewn grwpiau
11 ymarfer a strwythurau tryloyw ac atebol
12 sut mae cefnogi'r rolau mae pobl yn ymgymryd â hwy mewn grwpiau
Ymgyrchu
13 sut mae meithrin cefnogaeth trwy gynghreiriau strategol a gwahanol gyfryngau
14 strategaethau cyfryngau a chyhoeddusrwydd i sicrhau bod llais ymgyrch yn cael ei glywed
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Seiliwyd datblygu cymunedol ar gyfres o werthoedd sy'n ei osod ar wahân i weithgareddau eraill, a all fod yn gysylltiedig, yn y gymuned. Mae'r gwerthoedd hyn yn greiddiol i ddatblygu cymunedol, ac yn darparu sylfaen ar gyfer pob un o'r safonau. Y gwerthoedd yw;
1 Cyfiawnder cymdeithasol a chydraddoldeb
2 Gwrthweithio camwahaniaethu
3 Grymuso cymunedol
4 Gweithredu ar y cyd
5 Gweithio a dysgu gyda'n gilydd
Dengys yr enghreifftiau canlynol sut gallai pob un o'r gwerthoedd datblygu cymunedol lywio ymarfer yn y safon hon. Nid yw'r gosodiadau hyn yn rhan o'r gofynion asesu.
1 bod sgiliau, gwybodaeth a phrofiad amrywiol pobl yn cael eu cydnabod a'u defnyddio wrth gynllunio ymgyrch
2 bod strwythurau gwneud penderfyniadau cymunedol agored, cydsyniadol, yn cael eu gwerthfawrogi a'u mabwysiadu
3 bod mecanweithiau syml, clir yn cael eu rhoi ar waith i ddangos atebolrwydd i'r gymuned am bob penderfyniad a cham gweithredu
4 bod perthnasoedd gwaith cydweithredol gyda grwpiau, rhwydweithiau, sefydliadau sector gwirfoddol a chyrff cyhoeddus eraill yn cael eu datblygu
5 bod y dull gweithredu a ddefnyddir yn yr ymgyrch yn cael ei ddadansoddi ar gyfer gweithredu yn y dyfodol
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Fersiwn rhif
Dyddiad Adolygu Dangosol
28 Chwef 2018
Dilysrwydd
Ar hyn o bryd
Statws
Gwreiddiol
Sefydliad Cychwynnol
Learning Skills Improvement Service
URN gwreiddiol
LSICD12
Galwedigaethau Perthnasol
Gweithwyr Cymunedol Gwirfoddol, Grwpiau Cymorth Cymunedol
Cod SOC
3231
Geiriau Allweddol
datblygu cymunedol; ymarferydd datblygu cymunedol; ymarfer datblygu cymunedol; gwerthoedd datblygu cymunedol; ymchwil datblygu cymunedol; ymgynghori ar ddatblygu cymunedol; grwpiau datblygu cymunedol; dulliau datblygu cymunedol