Tansgrifennu addasiadau uniongyrchol i gontractau bywyd, pensiynau a buddsoddi
Trosolwg
Mae'r safon hon yn ymwneud â thansgrifennu addasiadau uniongyrchol i gontractau bywyd, pensiynau a buddsoddi. Rhaid i'ch gwaith ymwneud â delio gyda cheisiadau gan gleientiaid am addasiadau uniongyrchol i gontractau presennol. Pan fyddwch chi'n derbyn cais am addasiad, mae'n rhaid i chi sicrhau bod yr wybodaeth a ddarparwyd gan y cleient yn gyflawn ac yn gywir. Byddwch yn gofyn am unrhyw wybodaeth bellach y gallai fod arnoch ei hangen, ac yn penderfynu a yw'r addasiad yn dderbyniol. Gall fod angen hysbysu unrhyw bartïon â diddordeb am y cais i newid. Os yw'r addasiad a gynigiwyd yn dderbyniol, byddwch yn newid ffeil cofnodion y cleient. Bydd angen i chi ddefnyddio gwybodaeth yn effeithiol, yn effeithlon ac yn foesegol, gan roi sylw i fanylion sy'n hollbwysig i'ch gwaith.
Efallai bydd y safon hon yn addas i chi os ydych chi'n gweithio i yswiriwr neu ddarparwr cynnyrch arall, neu ar eu rhan.
Meini prawf perfformiad
Mae'n rhaid eich bod chi'n gallu:
- Delio gyda cheisiadau am addasiadau uniongyrchol, yn unol â gweithdrefnau eich sefydliad
- Gwirio bod gennych chi fanylion digonol am unrhyw addasiadau i'ch galluogi i symud ymlaen yn unol â gweithdrefnau eich sefydliad
- Ceisio eglurhad gan gleientiaid ynghylch gwybodaeth sy'n aneglur neu'n anghyflawn
- Penderfynu a ellir derbyn ceisiadau am addasiadau yn unol â gweithdrefnau eich sefydliad
- Cymhwyso meini prawf tansgrifennu, gan gynnwys estyniadau a chyfyngiadau safonol, yn unol â gweithdrefnau eich sefydliad
- Cyfeirio unrhyw gais sydd y tu allan i'ch awdurdod at y bobl berthnasol, yn unol â gweithdrefnau eich sefydliad
- Hysbysu cleientiaid ynghylch y telerau a'r amodau a fydd yn berthnasol os yw'r addasiad yn dderbyniol
- Cadw cofnodion cyflawn wedi'u diweddaru yn unol â gweithdrefnau eich sefydliad
- Cydymffurfio â gofynion cyfreithiol, rheoliadau'r diwydiant, safonau moesegol, polisïau sefydliadol a chodau ymarfer proffesiynol
Gwybodaeth a Dealltwriaeth
You need to know and understand:
- Yr egwyddorion a'r rheoliadau cyfreithiol perthnasol sy'n effeithio ar eich gweithgareddau
- Strwythur y farchnad yswiriant a sicrwydd a rolau a chyfrifoldebau'r amrywiol bartïon sy'n rhan ohoni sy'n effeithio ar eich gweithgareddau
- Safonau a gweithdrefnau gwasanaeth cwsmeriaid eich sefydliad, gan gynnwys delio gyda chwynion
- Ffynonellau cyngor a gwybodaeth yn y gwaith
- Systemau a gweithdrefnau eich sefydliad ar gyfer cyrchu, cofnodi ac addasu gwybodaeth
- Yr yswiriant sy'n cael ei ddarparu gan y polisïau rydych chi'n delio gyda nhw, gan gynnwys estyniadau a chyfyngiadau safonol
- Polisi a gweithdrefnau eich sefydliad ynghylch cyfathrebu â chleientiaid
- Yr wybodaeth neu'r ddogfennaeth sy'n ofynnol i dansgrifennu addasiadau i gontractau presennol
- Terfynau eich awdurdod a'r camau sy'n ofynnol i dansgrifennu risg y tu allan i'ch awdurdod
- Sut mae cymhwyso meini prawf tansgrifennu gan ddefnyddio systemau wedi'u hawtomeiddio
- Y camau sy'n ofynnol os nad yw addasiad yn bodloni'r meini prawf derbyn
- Systemau a gweithdrefnau ar gyfer cyrchu ac addasu gwybodaeth
- Gofynion eich sefydliad yng nghyswllt cymhwyso codau, cyfreithiau a gofynion rheoliadol, gan gynnwys safonau moesegol sy'n cael effaith ar eich gweithgareddau
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
- Rydych yn arddangos dealltwriaeth o bobl eraill ac yn delio gyda nhw mewn modd proffesiynol
- Rydych yn darparu gwybodaeth i'r rhai sydd ei hangen ac sydd â hawl i'w derbyn yn unig