Gwerthuso prosiectau celfyddydau a digwyddiadau byw
Trosolwg
Mae'r Safon hon yn ymwneud â gwerthuso prosiectau celfyddydau neu ddigwyddiadau byw. Gallent fod yn y sector celfyddydau cymunedol neu'r sector masnachol a gallent gynnwys rhaglenni gweithgarwch, arddangosfeydd a gwyliau.
Mae hyn yn cynnwys defnyddio adborth a gwybodaeth o amrywiol ffynonellau a'u dadansoddi yn erbyn nodau ac amcanion. Mae hefyd yn cynnwys llunio canlyniadau a defnyddio'r canlyniadau hynny i lywio gwaith yn y dyfodol.
Mae'r Safon hon ar gyfer unrhyw un sy'n gysylltiedig â gwerthuso prosiectau celfyddydau a digwyddiadau byw.
Meini prawf perfformiad
Mae'n rhaid eich bod chi'n gallu:
1 cael gwybodaeth am nodau, amcanion, allbynnau a meini prawf gwerthuso o ffynonellau dibynadwy
2 dyfeisio dulliau gwerthuso sy'n bodloni meini prawf gwerthuso
3 casglu adborth gan gyfranogwyr a rhanddeiliaid eraill ar adegau priodol
4 defnyddio adborth a gwybodaeth arall o ffynonellau perthnasol mewn gwerthusiadau
5 gwerthuso effaith prosiectau a digwyddiadau yn erbyn eu nodau, eu hamcanion a'u deilliannau
6 coladu, cofnodi a dadansoddi adborth er mwyn cynhyrchu canlyniadau a chasgliadau cywir
7 llunio adroddiadau gwerthusol ar gyfer rhanddeiliaid yn unol â deddfwriaeth ac arfer gorau cyfredol
8 addasu eich gwaith yn y dyfodol yn unol â chasgliadau a gasglwyd drwy adborth
Gwybodaeth a Dealltwriaeth
You need to know and understand:
1 ffynonellau gwybodaeth am nodau, amcanion, allbynnau a meini prawf gwerthuso
2 gwahanol ymagweddau i'w defnyddio wrth ddadfriffio cyfranogwyr, gweithwyr llawrydd a rhanddeiliaid
3 sut i ddangos effaith prosiectau, digwyddiadau a phrofiad cyffredinol cwsmer ar gyfranogwyr
4 sut i gyflwyno gwaith gwerthuso sy'n berthnasol i nodau'r prosiectau a'r digwyddiadau a osodwyd gennych chi neu gan gyflogwyr/rhanddeiliaid
5 ystod o ddulliau priodol o gasglu data gan unigolion, grwpiau a rhanddeiliaid
6 gwybodaeth arall sy'n berthnasol i waith gwerthuso
7 pwysigrwydd myfyrio ac adborth i lywio'r hyn gallech ei wneud yn y sesiwn ac yng ngweddill y rhaglen