Datblygu a chynnal perthnasoedd gwaith cynhyrchiol mewn cydweithrediad â chydweithwyr, asiantaethau a rhanddeiliaid ar gyfer gwaith ieuenctid

​Mae’r safon hon yn ymwneud â datblygu perthnasoedd gwaith cynhyrchiol ag eraill sydd â diddordeb mewn gweithgareddau sefydliadol sy’n gysylltiedig â gwaith ieuenctid, neu sy’n gysylltiedig â’r cyfryw weithgareddau. Mae’n ymwneud â chydweithredu ag eraill er mwyn rhannu adnoddau i wella’r ddarpariaeth gwaith ieuenctid a darparu’r cyfleoedd gorau posibl i bobl ifanc yn y gymuned.

Mae’n golygu bod yn ymwybodol o rolau, cyfrifoldebau, buddiannau a phryderon cydweithwyr, asiantaethau a rhanddeiliaid a gweithio â nhw a’u cynorthwyo mewn amrywiol ffyrdd. Mae’r angen i fonitro ac adolygu cynhyrchiant perthnasoedd gwaith â chydweithwyr, asiantaethau a rhanddeiliaid yn rhan allweddol o’r safon hon.

Yng nghyd-destun y safon hon, yn ogystal â chydweithwyr, asiantaethau a rhanddeiliaid, gall ‘eraill’ gynnwys partneriaid allweddol yn ogystal â chymunedau lleol, cenedlaethol neu fyd-eang o’r un diddordebau neu arferion.

Mae’r safon hon yn addas i bob ymarferydd gwaith ieuenctid.

---

1. sefydlu perthnasoedd gwaith â chydweithwyr, partneriaid a rhanddeiliaid
2. sefydlu a chytuno â sefydliadau eraill ar gyd-nodau er budd pobl ifanc, a gweithio'n gydlynol er mwyn gwella cyfleoedd pobl ifanc i gyrraedd y nodau hyn
3. cytuno â chydweithwyr, asiantaethau a rhanddeiliaid, y camau y mae'n rhaid i bawb eu cymryd i wella'r berthynas waith
4. cytuno â'r trefniadau gwaith, yr amserlen a'r cyfrifoldebau ar gyfer cyflawni'r camau gweithredu ar y cyd
5. darparu gwybodaeth i eraill yn unol â gweithdrefnau'r sefydliad
6. ymgynghori ag eraill wrth wneud penderfyniadau pwysig ac wrth gynnal gweithgareddau gwaith ieuenctid
7. cyflawni'r cytundebau a wnaed ag eraill a diwygio'r trefniadau hyn fel eu bod bob amser yn gyfredol
8. cytuno ar fesurau perfformiad allweddol a dulliau ar gyfer monitro a gwerthuso'r camau gweithredu y cytunwyd arnynt
9. monitro ac adolygu cynhyrchiant perthnasoedd gwaith ag eraill, gan geisio adborth a'i ddarparu, er mwyn canfod meysydd i'w gwella
10. bodloni'r gwerthoedd a'r egwyddorion sy'n sail i waith ieuenctid o safbwynt gofynion y safon hon

---

1. gwerth a manteision datblygu perthnasoedd gwaith cynhyrchiol ag eraill
2. egwyddorion ac offer cyfathrebu effeithiol a sut i'w defnyddio â sefydliadau, cymunedau ac unigolion eraill
3. pam ei bod yn bwysig cydnabod a pharchu rolau, cyfrifoldebau, a buddiannau cydweithwyr a rhanddeiliaid
4. yr asiantaethau, y partneriaid a'r rhanddeiliaid perthnasol a natur eu diddordeb ym mherfformiad neu weithgareddau eich sefydliad
5. pwy o blith yr asiantaethau, y partneriaid a'r rhanddeiliaid perthnasol sy'n gallu darparu gwybodaeth a chymryd camau tuag at wella cyfleoedd i bobl ifanc, eu strwythurau, a phwy yw'r cyswllt yno wrth ystyried materion strategol a gweithredol
6. datblygiadau, ystyriaethau a phryderon o bwys i randdeiliaid mewn gwaith ieuenctid a sut i'w hadnabod
7. pam bod rhaid ichi roi ystyriaeth i ddiwylliant a gwerthoedd sefydliadau eraill, yn enwedig o safbwynt eu blaenoriaethau wrth weithio â phobl ifanc
8. pryderon, anghenion a dyheadau pobl ifanc yn y gymuned sy'n berthnasol i ddatblygu cyfleoedd i bobl ifanc, gan gynnwys gwella'r ddarpariaeth gwaith ieuenctid
9. pwysigrwydd monitro datblygiadau ehangach o safbwynt rhanddeiliaid a sut i wneud hynny'n effeithiol
10. datblygiadau gwleidyddol, economaidd, cymdeithasol, technolegol, amgylcheddol a chyfreithiol cyfredol a datblygol ym maes gwaith ieuenctid
11. sut i adnabod a chytuno ar ba wybodaeth sy'n briodol ac yn gyfreithiol i'w darparu i eraill, a gofynion y sefydliad o safbwynt rhannu gwybodaeth
12. gweithdrefnau cyfreithiol eich sefydliad o safbwynt cyfrinachedd, diogelu data a datgeliadau adroddadwy
13. sut i adnabod achosion o wrthdrawiad buddiannau a thechnegau i'w mabwysiadu i ddelio â nhw neu eu dileu
14. pwysigrwydd rhwydweithiau effeithiol, a chynllunio hirdymor a thymor canolig er mwyn cynnal cysylltiadau effeithiol mewn sefydliadau eraill
15. sut i ddirprwyo cyfrifoldebau a dyrannu adnoddau wrth adeiladu rhwydweithiau
16. pam ei bod yn bwysig cyfathrebu ynglŷn â chyflawni cytundebau neu unrhyw broblemau sy'n atal neu'n effeithio ar eich gallu i gyflawni'r cytundebau hynny
17. peirianweithiau ar gyfer monitro ac adolygu effeithiolrwydd perthnasoedd gwaith ag eraill
18. sut i gael, rhannu a defnyddio adborth ar effeithiolrwydd perthnasoedd gwaith
19. y gofynion cyfreithiol, sefydliadol, moesegol a chodau ymarfer eraill sy'n berthnasol i weithio ag eraill a phobl ifanc gan gynnwys y cyd-destun lleol, cymdeithasol a gwleidyddol
20. y gwerthoedd a'r egwyddorion sy'n sail i waith ieuenctid o safbwynt gofynion y safon hon

---

---

---

---

---

---

---

---

---

---

---

28 Maw 2022

---

Ar hyn o bryd

---

Gwreiddiol

---

CLD Standards Council

---

LSI YW28

---

Gweithiwr Ieuenctid

---

---

Ieuenctid; pobl ifanc; hwyluso; partneriaid; asiantaethau; darparwyr; cymuned; cyfleoedd; gweithgareddau; datblygu; datblygiad; sefydliadau; mudiadau; gwybodaeth; monitro; mesur

---