Cyfrannu at weithgareddau archwilio fforensig digidol

Defnyddir gweithdrefnau archwilio fforensig digidol i ddadorchuddio a dehongli data electronig i gynorthwyo'r ymchwiliad i faterion diogelwch gwybodaeth. Nod y broses yw cadw unrhyw dystiolaeth yn ei ffurf fwyaf gwreiddiol wrth gynnal ymchwiliad trefnus drwy gasglu, nodi a dilysu'r wybodaeth ddigidol er mwyn ail-greu digwyddiadau o'r gorffennol. Defnyddio data mewn llys barn yw'r cyd-destun gan amlaf, er y gellir defnyddio fforensig digidol mewn achosion eraill.
Mae'r safon hon yn diffinio'r cymwyseddau sydd eu hangen i gynorthwyo i gynnal archwiliad fforensig digidol dan oruchwyliaeth. Mae'n cynnwys dilyn prosesau archwilio fforensig digidol i sicrhau bod materion diogelwch yn cael eu hymchwilio'n briodol.

---

1. cynorthwyo i gasglu gwybodaeth a thystiolaeth yn rhan o archwiliad fforensig digidol yn unol â gweithdrefnau sefydliadol
2. defnyddio offer a thechnegau perthnasol i archwilio systemau gwybodaeth am faterion, ymyriadau neu berygl
3. atafaelu offer a dyfeisiau digidol tra'n cynnal pwysau tystiolaethol yn unol â safonau sefydliadol
4. dadansoddi ac adennill neu gadw data o gyfryngau storio digidol gan ddefnyddio offer fforensig digidol yn unol â safonau sefydliadol
5. gweithredu gyda gonestrwydd a chyfrinachedd yn ystod arholiadau fforensig digidol
6. dadansoddi data o ffynonellau monitro amddiffynnol i weld a oes bwriad maleisus
7. dadansoddi logiau cyfrifeg ac archwilio a gynhyrchir gan systemau TG ar gyfer arwyddion o ymddygiad amheus neu faleisus
8. dadansoddi meddalwedd i weld a oes bwriad maleisus
9. sicrhau bod "lleoliad trosedd" mewn system wybodaeth sydd wedi'i pheryglu yn cael ei chadw fel ag y mae
10. dogfennu’r holl wybodaeth sy’n ymwneud ag archwiliad fforensig digidol yn unol â safonau sefydliadol

---

1. beth yw ystyr archwiliad fforensig digidol
2. beth yw pwrpas archwiliad fforensig digidol
3. sut i ddilyn y gweithdrefnau a'r safonau sy'n ymwneud â gweithgareddau archwilio fforensig digidol yn gywir
4. sut i asesu a blaenoriaethu sut y cesglir tystiolaeth fforensig ddigidol
5. beth yw galluoedd offer fforensig digidol
6. pa wybodaeth y gellir ei chasglu i ategu archwiliad fforensig digidol
7. y gofynion polisi rheoleiddiol a sefydliadol i gadw tystiolaeth fforensig ddigidol
8. sut i gymhwyso gweithdrefnau archwilio fforensig digidol i helpu i nodi cyfrifon ac unigolion sy'n gysylltiedig â materion diogelwch
9. y prosesau, gweithdrefnau, dulliau, offer a thechnegau a ddefnyddir i gynnal archwiliadau fforensig digidol a sut i'w defnyddio a'u cymhwyso
10. bodolaeth deddfwriaeth berthnasol; e.e. egwyddorion yn y Ddeddf Diogelu Data, y Ddeddf Rheoliadau Pwerau Ymchwilio
11. ble i geisio gwybodaeth i ategu archwiliadau fforensig
12. y gofynion cyfreithiol ar gyfer cadw tystiolaeth fforensig ddigidol
13. agweddau technegol storio data gan gynnwys cyfluniad disg caled a gofod llac yn u modd y cymhwysir y rhain ar gyfer gwaith fforensig digidol
14. yr angen i gynnal archwiliadau fforensig yn unol ag unrhyw godau ymddygiad a pholisïau a safonau sefydliadol
15. sut i gasglu tystiolaeth yn ymwneud â systemau gwybodaeth yr ymchwilir iddynt
16. yr angen i weithredu gyda gonestrwydd a chyfrinachedd yn ystod archwiliadau fforensig digidol
17. sut i gadw "lleoliad y drosedd ddigidol" heb ei newid
18. sut i gasglu a dadansoddi data yn rhan o archwiliad fforensig digidol
19. sut i ddogfennu canfyddiadau archwiliad fforensig digidol

---

---

---

---

---

---

---

---

---

---

1

---

01 Ebr 2019

---

Ar hyn o bryd

---

Gwreiddiol

---

The Tech Partnership

---

TECIS60633

---

Swyddog Technoleg Gwybodaeth a Chyfathrebu, Technoleg Gwybodaeth a Chyfathrebu, Gweithwyr Proffesiynol Technoleg Gwybodaeth a Chyfathrebu

---

---

Diogelwch gwybodaeth, seiberddiogelwch, dadansoddiad fforensig digidol

---