Rheoli gweithgareddau rheoli diogelwch gwybodaeth gweithredol

Mae rheoli diogelwch gweithredol yn gasgliad o weithgareddau diogelwch cysylltiedig sy'n helpu i gynnal ymdrechion diogelwch parhaus sefydliad. Mae'n cynnwys monitro, cynnal a rheoli agweddau diogelwch yr ystâd TG, ei phobl, a'i phrosesau.
Mae'r safon hon yn diffinio'r cymwyseddau sydd eu hangen i reoli pob agwedd ar weithrediadau diogel a chyflwyno gwasanaethau. Mae hyn yn cynnwys datblygu
a chynnal polisïau a safonau diogelwch gweithredol a chydlynu gweithgareddau diogelwch gwybodaeth ar draws y sefydliad.

---

1. arwain timau sy'n rheoli gweithrediadau diogel a gweithgareddau cyflwyno gwasanaethau yn unol â gofynion y sefydliad
2. datblygu a chynnal polisïau a gweithdrefnau rheoli diogelwch gwybodaeth gweithredol a ddefnyddir ar draws nifer o systemau gwybodaeth yn unol â gweithdrefnau sefydliadol
3. nodi'r angen am reolaethau rheoli diogelwch gweithredol newydd, a'u rhoi ar waith, yn ogystal ag arferion i fodloni gofynion sefydliadol sy'n newid
4. rheoli sut mae gweithrediadau TG a gweithgareddau cyflwyno gwasanaethau yn alinio â strategaethau, polisïau a safonau diogelwch gwybodaeth sefydliadol perthnasol
5. monitro darpariaeth o ran rheoli diogelwch gweithredol yn rheolaidd, gan gymryd camau i fynd i'r afael â gwendidau posibl
6. datblygu'r cynlluniau rheoli gweithrediadau diogelwch gwybodaeth angenrheidiol a'u rhoi ar waith i gynnal cadernid effeithiol yn ystod gweithrediadau parhaus ac wrth gau systemau gwybodaeth
7. rheoli’r cylch adolygu ar gyfer gweithrediadau diogelwch, gan ystyried gwybodaeth o ddigwyddiadau, asesiadau o wendidau, profion treiddio, asesiadau o fygythiad a newidiadau i ddeddfwriaeth a rheoliadau perthnasol
8. gwerthuso cydymffurfiaeth â gofynion cyfreithiol, rheoleiddiol, cytundebol a sefydliadol yn rheolaidd er mwyn diogelu asedau gwybodaeth
9. rhoi gwybod i noddwyr, rhanddeiliaid ac unigolion a chyrff mewnol/allanol eraill am y metrigau ar berfformiad gweithgareddau rheoli diogelwch gweithredol
10. rhoi cyngor i eraill ar weithgareddau rheoli diogelwch gwybodaeth gweithredol

---

1. sut i ysgrifennu a chynnal y gweithdrefnau angenrheidiol i sicrhau diogelwch seilwaith gwybodaeth y sefydliad
2. y gofynion penodol ar gyfer diogelu asedau gwybodaeth cwsmeriaid/busnes a'u diogelwch
3. sut i ddehongli canlyniadau unrhyw faterion diogelwch, asesiadau o wendidau, profion diogelwch ac asesiadau o fygythiadau
4. pa gamau i'w cymryd i liniaru materion diogelwch drwy reoli gweithrediadau systemau gwybodaeth, tocynnau sy'n amlygu problemau, a dadansoddiadau desg gymorth
5. cylch bywyd hunaniaeth defnyddiwr o fewn sefydliad
6. sut i sicrhau bod prosesau a gweithdrefnau gweithredu diogelwch systemau gwybodaeth yn alinio fel eu bod yn darparu darpariaeth diogelwch cost effeithiol
7. sut i ddylanwadu ar noddwyr a rhanddeiliaid i ddarparu adnoddau ar gyfer gweithgareddau rheoli gweithrediadau diogelwch er mwyn cydymffurfio â gofynion diogelwch yn barhaus
8. pwysigrwydd sicrhau bod amgylcheddau gweithredol yn cymhwyso ac yn cynnal lefelau priodol o ddiogelwch yn unol â safonau a gweithdrefnau
9. y ffaith y gall gofynion diogelwch gwybodaeth fod yn rhan o gytundebau lefel gwasanaeth a lefel gweithredol penodol ar gyfer systemau gwybodaeth
10. manylion a pherthnasedd polisïau a safonau sefydliadol ar gyfer rheoli gweithrediadau diogelwch
11. pwysigrwydd adolygu a diweddaru gweithdrefnau gweithredu er mwyn rheoli gweithrediadau diogelwch gwybodaeth
12. yr angen i gadw cofnodion a dogfennau diogelwch cyfredol
13. yr angen i reoli'r cylch adolygu ar gyfer y system wybodaeth

---

---

---

---

---

---

---

---

---

---

1

---

01 Ebr 2019

---

Ar hyn o bryd

---

Gwreiddiol

---

The Tech Partnership

---

TECIS60551

---

Swyddog Technoleg Gwybodaeth a Chyfathrebu, Technoleg Gwybodaeth a Chyfathrebu, Gweithwyr Proffesiynol Technoleg Gwybodaeth a Chyfathrebu

---

---

Diogelwch gwybodaeth, seiberddiogelwch, rheoli diogelwch gweithredol

---