Creu fformiwlâu a siartiau mewn taenlenni

Mae'r safon hon yn ymwneud â defnyddio meddalwedd taenlenni i greu fformiwlâu a siartiau i reoli ac arddangos data. Mae hyn yn golygu creu dolenni a chyfeiriadau ar draws taflenni gwaith, a defnyddio'r rhain i greu'r fformiwlâu gofynnol i brosesu a rheoli data. Mae'n cynnwys defnyddio nodweddion ac offer taenlenni i ddelweddu data drwy ddefnyddio siartiau a graffiau. Mae'r safon hon ar gyfer y rhai sydd angen creu fformiwlâu i brosesu data a chynhyrchu siartiau a graffiau drwy ddefnyddio meddalwedd taenlenni i ddiwallu eu hanghenion eu hunain neu yn rhan o'u dyletswyddau.

1. Nodi gofynion rhaglenni taenlenni i ddiwallu anghenion sefydliadol

2. Mewnbynnu, mewngludo a golygu data taenlenni yn gywir

3. Cyfuno a chysylltu data ar draws taflenni gwaith i fodloni gofynion

4. Storio ac adalw ffeiliau taenlenni yn effeithiol

5. Creu fformiwlâu manwl i brosesu data'n gywir mewn taenlenni

6. Dewis arddulliau siart a graff i arddangos taenlen yn unol â'r gofynion

7. Cynhyrchu a labelu siartiau a graffiau i ddarparu delweddiadau data gofynnol

8. Cadw ac allgludo siartiau taenlenni a graffiau i'w defnyddio mewn dogfennau a chyflwyniadau allanol yn unol â gofynion sefydliadol

9. Gweld a oes gwallau mewn graffiau a siartiau taenlenni gan wneud cywiriadau yn ôl yr angen

1. Sut i nodi pa graffiau a siartiau sydd eu hangen i arddangos gwybodaeth sydd wedi'i storio

2. Sut i strwythuro taenlenni

3. Sut i fewngludo data i daenlenni o ffynonellau allanol

4. Sut i nodi pa fath o siart neu graff i'w ddefnyddio i arddangos gwybodaeth mewn taenlenni

5. Sut i ddylunio fformiwlâu i fodloni gofynion cyfrifo

6. Sut i ddod o hyd i wallau mewn fformiwlâu taenlenni

7. Sut i gadw ac allgludo siartiau neu graffiau a roddwyd mewn taenlenni

8. Sut i sefydlu strwythur ac ymarferoldeb taenlenni integredig sy'n defnyddio taflenni gwaith cysylltiedig

9. Sut i nodi cyfeiriadau celloedd i'w defnyddio mewn fformiwlâu

10. Sut i greu templedi a'u rhoi mewn taenlenni

11. Sut i labelu siartiau a graffiau

12. Y fformatau ffeil safonol ar gyfer rhannu taenlenni gan gynnwys ffeiliau CSV

13. Y problemau safonol sy'n gallu codi gyda thaenlenni a sut i'w cywiro (gan gynnwys gwallau mewn fformiwlâu a chyfeiriadau cylchol)