Creu taenlenni gyda data a'u diweddaru

Mae'r safon hon yn ymwneud â chreu a defnyddio taenlenni i fewnbynnu a phrosesu data. Mae hyn yn cynnwys creu a fformatio taflenni gwaith, mewnbynnu data a chadw ffeil y daenlen. Mae'n cynnwys defnyddio nodweddion ac offer taenlen i brosesu ac arddangos gwybodaeth yn ogystal â fformatio ac argraffu allbynnau taenlen. Mae'r safon hon ar gyfer y rhai sydd angen mewnbynnu a phrosesu data gan ddefnyddio meddalwedd taenlen i ddiwallu eu hanghenion eu hunain neu yn rhan o'u dyletswyddau.

1. Cytuno ar y gofynion o ran data ac ymarferoldeb ar gyfer taenlen newydd neu gyfredol gyda rhanddeiliaid

2. Creu taflenni gwaith newydd gyda phenawdau ar golofnau a rhesi i fewnbynnu data yn unol â gofynion

3. Fformatio taenlenni gwaith, rhesi, colofnau a chelloedd i fodloni gofynion

4. Mewnbynnu a golygu gwybodaeth yn gywir mewn taenlenni

5. Defnyddio offer a thechnegau taenlenni i grynhoi gwybodaeth ofynnol a'i harddangos

6. Defnyddio swyddogaethau a fformiwlâu safonol i fodloni gofynion cyfrifo

7. Profi a dadfygio taenlenni i gadarnhau eu bod yn gweithredu yn unol â'r gofynion

8. Dewis a defnyddio cynllun priodol ar gyfer tudalen i gyflwyno'r wybodaeth sydd ei hangen ar daenlen

9. Cadw ac adalw taenlenni mewn storfeydd priodol a rennir neu rai lleol yn unol â safonau sefydliadol

1. Nodi pa wybodaeth sydd ei hangen i'w threfnu a'i storio yn rhaglen y daenlen

2. Sut i greu taenlen newydd

3. Sut i fewnbynnu ac arddangos y wybodaeth ofynnol i ddiwallu anghenion

4. Sut i ddefnyddio fformiwlâu ac offer safonol i arddangos a threfnu gwybodaeth mewn taenlen

5. Sut i gynhyrchu taenlenni syml

6. Sut i fformatio celloedd, rhesi a cholofnau gan gynnwys alinio

7. Sut i osod a fformatio mathau o rifau a nifer y lleoedd degol

8. Sut i ddewis arddull ffont

9. Sut i ychwanegu borderi a graddliwio at daenlenni

10. Sut i ddefnyddio offer a thechnegau i gyflwyno gwybodaeth mewn taenlen

11. Sut i fewnbynnu, golygu a threfnu gwybodaeth rifiadol mewn taenlen

12. Y fformiwlâu a'r swyddogaethau safonol a ddefnyddir i reoli data mewn taenlenni

13. Nodweddion sylfaenol cydrannau taenlenni (gan gynnwys, celloedd, rhesi, colofnau, tabiau, a thudalennau neu ddalenni gwaith)

14. Sut i osod cynllun taenlen i ddiwallu anghenion

15. Sut i wneud yn siŵr bod gwybodaeth mewn taenlen yn gywir

16. Sut i storio ffeiliau taenlenni a'u hadalw