Creu asedau cyfryngau digidol gwell
Trosolwg
Mae'r safon hon yn ymwneud â ffurfweddu nodweddion meddalwedd dylunio a delweddu i greu asedau cyfryngau digidol gwell. Mae ffurfweddu meddalwedd dylunio a delweddu i gynhyrchu asedau cyfryngau digidol gwell yn golygu diffinio anghenion cyfryngau digidol a nodi nodweddion meddalwedd y gellir eu defnyddio i gyfrannu at gyflawni'r asedau cyfryngau digidol terfynol sy'n ofynnol. Mae'n cynnwys ffurfweddu'r gwahanol feddalwedd a ddefnyddir ar gyfer creu a golygu asedau a ffeiliau 2D, fideo, animeiddio a sain, drwy ddefnyddio offer curadu cyfryngau digidol. Mae hefyd yn cynnwys. Mae hefyd yn cynnwys defnyddio offer meddalwedd dylunio a delweddu i drefnu a thrin gwahanol fathau o gyfryngau digidol yn aml mewn cyfuniad gan ddefnyddio dilyniannau symud, effeithiau goleuo ac offer a thechnegau eraill i gynhyrchu dyluniadau a delweddau anarferol neu anghyfarwydd ar adegau i fodloni gofynion. Mae'r safon hon ar gyfer y rhai sydd angen ffurfweddu meddalwedd cyfryngau digidol i gynhyrchu asedau cyfryngau digidol gwell i ddiwallu eu hanghenion eu hunain neu yn rhan o'u dyletswyddau.
Meini prawf perfformiad
Mae'n rhaid eich bod chi'n gallu:
Nodi'r gofynion ar gyfer cynhyrchu'r asedau cyfryngau digidol yn gywir
Cynllunio datblygiad yr asedau cyfryngau digidol i fodloni'r amserlenni gofynnol
Defnyddio camerâu digidol a dyfeisiau cysylltiedig i gofnodi dilyniannau fideo yn gywir i'w storio fel ffeiliau cyfryngau
Cymryd delweddau digidol drwy ddefnyddio camerâu digidol, ffonau clyfar a gwe-gamerâu i'w storio fel ffeiliau delweddau ddigidol
Creu dilyniannau sain drwy ddefnyddio dyfeisiau gyda meicroffonau yn rhan ohonynt ac wedi'u cysylltu i greu ffeiliau sain
Dewis offer priodol ar gyfer adolygu a golygu delweddau a ffeiliau cyfryngau digidol eraill yn unol â gweithdrefnau sefydliadol
Cyfuno gwybodaeth fideo a sain o wahanol ffynonellau ffeiliau i gynhyrchu ffeil asedau cyfryngau digidol integredig
Cynnal rhagolwg o asedau cyfryngau digidol i brofi eu bod yn cwrdd â gofynion
Nodi problemau gydag asedau digidol o ran eu hansawdd er mwyn eu datrys yn gywir
Storio ffeiliau asedau cyfryngau digidol drwy ddefnyddio'r fformatau ffeil penodedig
Cyfathrebu a dosbarthu ffeiliau asedau cyfryngau digidol i'r defnyddwyr terfynol yn unol â gweithdrefnau sefydliadol
Cynhyrchu a dosbarthu dogfennaeth i roi disgrifiadau cywir o gynnwys asedau cyfryngau digidol
Gwybodaeth a Dealltwriaeth
You need to know and understand:
Sut i nodi anghenion asedau cyfryngau digidol
Y gwahanol fathau o asedau cyfryngau digidol sy'n ofynnol
Sut i ddefnyddio meddalwedd cyfryngau digidol i greu, addasu a threfnu delweddau a ffeiliau cyfryngau eraill
Yr hawlfraint a chyfyngiadau eraill sy'n berthnasol wrth ddefnyddio deunyddiau ffynhonnell mewn asedau cyfryngau digidol
Ym mha gyd-destun y bydd yr asedau cyfryngau digidol yn cael eu defnyddio
Sut i gyfuno gwybodaeth cyfryngau digidol mewn gwahanol fformatau ffeiliau
Y gosodiadau y gellir eu haddasu gan ddefnyddio ar gyfer cymryd lluniau gwell
Sut i osod a ffurfweddu meicroffonau mewnol ac allanol gyda dyfeisiau digidol
Sut i weithredu dyfeisiau cyfryngau digidol gan gynnwys camerâu llonydd a fideo, ffonau clyfar, dyfeisiau tabled a meicroffonau i gymryd lluniau, dilyniannau fideo a sain
Sut i olygu dilyniannau fideo drwy ddefnyddio meddalwedd cyfryngau digidol
Sut i olygu dilyniannau sain drwy ddefnyddio meddalwedd sain
Sut i ddefnyddio offer meddalwedd recordio a golygu fideo
Sut i ddefnyddio offer meddalwedd recordio a golygu sain
Sut i adolygu a golygu asedau cyfryngau digidol integredig sy'n cyfuno cynnwys fideo a sain
Fformatau ffeiliau safonol y diwydiant a ddefnyddir ar gyfer delweddau, dilyniannau fideo a sain
Y cyfyngiadau hawlfraint sy'n berthnasol i'ch ffeiliau asedau eich hun a chyfryngau digidol o ffynonellau eraill
Sut i storio, adalw, mewngludo ac allgludo ffeiliau cyfryngau digidol gan gynnwys mewn fformatau ffeil eraill
Sut i weld a oes problemau o ran ansawdd mewn delweddau, dilyniannau fideo a sain