Creu delweddau digidol
Trosolwg
Mae'r safon hon yn ymwneud â defnyddio meddalwedd dylunio a delweddu i greu a rheoli delweddau digidol. Mae creu delweddau digidol yn golygu cynhyrchu graffeg a chael gafael ar ddelweddau ffotograffig i gynhyrchu delweddau cyfryngau digidol a'u cadw mewn fformat ffeil priodol i'w defnyddio mewn dogfennau ac ar-lein yn y dyfodol. Mae hefyd yn cynnwys rheoli delweddau gan ddefnyddio offer meddalwedd cyfryngau digidol i drefnu, trin a golygu dyluniadau a delweddau gan gynnwys ffotograffau a graffeg drwy ddefnyddio offer a thechnegau meddalwedd safonol i gynhyrchu cynnwys cyfryngau digidol arferol. Mae'r safon hon ar gyfer y rhai sydd angen creu, golygu a rheoli delweddau digidol i ddiwallu eu hanghenion eu hunain neu yn rhan o'u dyletswyddau.
Meini prawf perfformiad
Mae'n rhaid eich bod chi'n gallu:
Cynllunio'r camau sydd eu hangen i gynhyrchu'r delweddau digidol gofynnol
Creu graffeg newydd drwy ddefnyddio meddalwedd cyfryngau digidol safonol y diwydiant
Tynnu lluniau safonol drwy ddefnyddio gosodiadau diofyn camerâu digidol, ffonau clyfar a gwe-gamerâu yn ôl yr angen
Mewngludo lluniau o gamerâu digidol, ffonau clyfar a gwe-gamerâu
Defnyddio sganiwr i fewngludo graffeg a lluniau
Derbyn, gwirio a storio ffeiliau delweddau drwy ddefnyddio cyfathrebiadau digidol a dyfeisiau storio digidol cludadwy
Llwytho delweddau digidol ar feddalwedd cyfryngau digidol i'w golygu
Cyfuno gwahanol fathau o ddelweddau neu o wahanol ffynonellau i gynhyrchu delweddau digidol integredig
Storio, adalw a rhannu ffeiliau delweddau digidol yn unol â gweithdrefnau sefydliadol
Trosi ffeil delwedd ddigidol yn fformatau gofynnol yn unol â safonau sefydliadol
Gwybodaeth a Dealltwriaeth
You need to know and understand:
Sut i nodi'r delweddau cyfryngau digidol sydd eu hangen
Y gwahanol gyd-destunau ar gyfer defnyddio dyluniadau cyfryngau digidol gan gynnwys arddangos ar sgrîn, cyhoeddi ar wefan, dogfennau digidol, argraffu copi caled a ffeil ddigidol
Yr hawlfraint a'r mathau o ganiatâd sy'n berthnasol i ddefnyddio cyfryngau digidol wedi'u mewngludo neu eu hailddefnyddio
Y ffynonellau a ddefnyddir ar hyn o bryd i gael gafael ar ffeiliau cyfryngau digidol
Y fformatau ffeil cywir i'w defnyddio ar gyfer cadw a chyfnewid delweddau cyfryngau digidol a gynhyrchir
Sut i dynnu lluniau digidol drwy ddefnyddio camera digidol, ffôn clyfar neu ddyfais gwe-gamera
Sut i fewngludo lluniau digidol o gamera digidol, ffôn clyfar neu ddyfais gwe-gamera
Sut i sganio a mewngludo delweddau, graffeg, neu luniadau drwy ddefnyddio sganiwr digidol a meddalwedd
Sut i baratoi delweddau drwy ddefnyddio nodweddion safonol ar gyfer golygu delwedd gan gynnwys maint, tocio, lleoli ac effeithiau goleuo
Sut i gyfuno ffeiliau cyfryngau digidol gan gynnwys cymysgu, lapio, trefnu a grwpio
Y gwahanol fformatau ffeil a ddefnyddir ar gyfer dyluniadau digidol a delweddau ffotograffau
Sut i storio ac adalw ffeiliau cyfryngau digidol, y problemau arferol sy'n gallu codi gyda chyfryngau digidol o ran ansawdd a sut i'w datrys