Ffurfweddu systemau digidol

Mae'r safon hon yn ymwneud â ffurfweddu system ddigidol trwy ddewis ac ychwanegu dyfeisiau digidol i ffurfio system ddigidol fach sy'n gysylltiedig â rhwydwaith. Mae hyn yn cynnwys cadw meddalwedd yn gyfredol, awtomeiddio gweithdrefnau cadw copïau wrth gefn, a mabwysiadu data cwmwl a gwasanaethau rhaglenni. Mae hefyd yn cynnwys gosod breintiau mynediad ar gyfer meddalwedd sy'n adalw data a delio â diffygion arferol a negeseuon gwall. Mae'r safon hon ar gyfer y rhai sydd angen cyflunio systemau digidol i ddiwallu eu hanghenion eu hunain neu yn rhan o'u dyletswyddau.

1. Diweddaru meddalwedd ar gyfer dyfeisiau i gynnal perfformiad

2. Cysylltu dyfeisiau â llecynnau Wi-Fi i ddarparu cysylltedd ar-lein wrth grwydro

3. Gweithredu arferion awtomataidd i gadw data wrth gefn er mwyn diogelu data

4. Gosod a ffurfweddu meddalwedd o gwmwl neu gyfryngau digidol i fodloni gofynion newydd

5. Rhoi storio data cwmwl ar waith fel bod data yn fwy hygyrch

6. Chwilio am system weithredu a diweddariadau meddalwedd a chlytiau a'u rhoi ar waith i gadw meddalwedd wedi'i diweddaru

7. Gweithredu diweddariadau i gadw gyrwyr meddalwedd cydrannau'n gyfredol

8. Ymateb i negeseuon gwallau i nodi problemau mewn systemau digidol

9. Cymryd camau priodol i ddatrys problemau TG arferol yn unol â chanllawiau sefydliadol

10. Sefydlu cyfrifon a chaniatâd defnyddwyr ar ddyfeisiau digidol a rhaglenni meddalwedd i gynnal preifatrwydd a diogelwch

11. Adalw dyfeisiau digidol i osodiadau ffatri yn unol â gweithdrefnau gwerthwyr

12. Adalw ffeiliau data o ddata wrth gefn sydd wedi'u storio yn unol â gweithdrefnau sefydliadol

1. Sut i chwilio am ddiweddariadau a chymhwyso'r rhain i raglenni meddalwedd

2. Y camau sy'n ymwneud ag awtomeiddio gweithdrefnau cadw data wrth gefn a sut i'w cymhwyso

3. Sut i nodi fersiwn wreiddiol y system weithredu gyfredol a manyleb y ddyfais (prosesydd, cof a chapasiti'r gyriant disg) ar gyfer dyfais ddigidol

4. Sut i osod data yn y cwmwl a gwasanaethau rhaglenni meddalwedd

5. Sut i leoli a gosod a diweddaru gyrwyr dyfeisiau ymylol

6. Sut i wahaniaethu rhwng diffygion anarferol a rhai arferol

7. Sut i roi gwybod am broblemau caledwedd a meddalwedd ac ymateb iddynt

8. Sut i leoli a defnyddio canllawiau datrys problemau systemau

9. Y profion y gellir eu defnyddio i wirio bod systemau digidol yn gweithio'n gywir

10. Pwysigrwydd gwneud copïau wrth gefn o ffeiliau a ffolderi a phryd i wneud hyn

11. Sut i leoli a llwytho data wrth gefn i adalw ffeiliau