Cyhoeddi cynnwys digidol ar-lein

Mae'r safon yma'n ymwneud â chyhoeddi cynnwys digidol ar-lein. Mae hyn yn cynnwys anghenion cynllunio a dylunio cynlluniau ar y we i fewnosod cynnwys digidol. Mae'n cynnwys darparu cynnwys testun a chyfryngau digidol a threfnu a mewnosod y rhain yn dudalennau gwe. Mae hefyd yn ymwneud â golygu cynnwys ar-lein ac adolygu'r cynnwys sydd wedi'i lanlwytho o ran ei gywirdeb a'i ymddangosiad gan ddefnyddio meddalwedd porwr safonol cyn cyhoeddi'r cynnwys digidol a'i wneud yn fyw. Mae'r safon hon ar gyfer y rhai sydd angen cyhoeddi cynnwys digidol ar-lein i ddiwallu eu hanghenion eu hunain neu yn rhan o'u dyletswyddau.

1. Cynllunio anghenion cynnwys digidol ar gyfer y we i fodloni gofynion

2. Dylunio cynlluniau tudalennau gwe i gynnal cynnwys fel y nodir

3. Dewis meddalwedd priodol i gyhoeddi cynnwys digidol ar-lein

4. Mewnbynnu, golygu a fformatio cynnwys testun gwe er mwyn bodloni gofynion

5. Dewis a mewnosod ffeiliau asedau cyfryngau digidol penodedig ar dudalennau gwe

6. Cynhyrchu a gosod dogfennau digidol ar dudalennau ar-lein yn unol â gofynion

7. Adolygu cynnwys ar-lein gan ddefnyddio porwr gwe safonol y diwydiant i wirio bod gofynion o ran cynllun, ymddangosiad a hygyrchedd yn cael eu bodloni

8. Prawf-ddarllen cynnwys digidol i nodi unrhyw wallau a'u cywiro

9. Golygu cynnwys ar-lein gan ddefnyddio offer a thechnegau priodol i fodloni gofynion cwsmeriaid

10. Cyhoeddi cynnwys tudalennau gwe wedi'i gwblhau i fod ar gael i gwsmeriaid a defnyddwyr

1. Sut i ddehongli gofynion i gynllunio dyluniadau cynnwys digidol

2. Pwysigrwydd deall y gynulleidfa darged ar gyfer cyhoeddi cynnwys digidol

3. Sut i drefnu dyluniadau cynlluniau gwe er mwyn cynnal cynnwys digidol gofynnol

4. Rhaglenni safonol y diwydiant a ddefnyddir i greu, golygu a chyhoeddi cynnwys digidol ar-lein

5. Sut i ddefnyddio offer meddalwedd cyhoeddi ar y we

6. Sut i adolygu cynnwys digidol ar y we i weld a oes gwallau a gwirio ansawdd cyhoeddi

7. Sut i ymgorffori testun ac optimeiddio delweddau digidol a graffeg ar dudalen ar y we

8. Sut i gywiro gwallau mewn cynnwys digidol

9. Y prif faterion hygyrchedd a defnyddioldeb y mae'n rhaid eu hystyried wrth ddefnyddio graffeg ar wefan

10. Y safonau hygyrchedd a defnyddioldeb a sut i'w cymhwyso at gynnwys digidol

11. Y prif ystyriaethau hawlfraint sy'n gysylltiedig â graffeg ar y we a delweddau digidol

12. Diben deddfwriaeth hawlfraint a sut i'w chymhwyso

13. Fformatau ffeiliau graffeg safonol y diwydiant a ddefnyddir i storio a chyhoeddi cynnwys digidol

14. Sut i ddefnyddio cynnwys ar-lein i'w wneud yn fyw