Cynorthwyo i roi preifatrwydd a diogelu data ar waith

Mae'r safon hon yn ymwneud â chynorthwyo i roi preifatrwydd a diogelu data ar waith.
Mae hyn yn cynnwys rhoi polisïau preifatrwydd a diogelu data’r sefydliad ar waith a chyfrannu at ymateb i geisiadau sy’n ymwneud â data gan ffynonellau mewnol ac allanol. Mae'n cynnwys cynnal y gofrestr ddata a chynorthwyo i gynnal archwiliadau preifatrwydd a diogelu data mewnol. Mae hefyd yn cynnwys cynorthwyo i gynnal y cofnod o weithgareddau prosesu i gefnogi'r polisi cadw data.
Mae'r safon hon ar gyfer y rhai sy'n gorfod cynorthwyo i roi preifatrwydd a diogelu data ar waith yn rhan o'u dyletswyddau.

1. Dod o hyd i bolisïau a safonau sefydliadol a rheoleiddiol a'u hadolygu i nodi gofynion preifatrwydd a diogelu data
2. Cynorthwyo i roi polisïau, cynlluniau a gweithdrefnau’r sefydliad ar waith er mwyn parhau i gydymffurfio â rheoliadau diogelu data
3. Cyfrannu at goladu a chynnal y gofrestr ddata yn unol â gweithdrefnau sefydliadol
4. Cynorthwyo i gynnal archwiliadau preifatrwydd, diogelu data ac adolygiadau cydymffurfio yn ôl yr angen
5. Cyfrannu at breifatrwydd a gweithgareddau adfer diogelu data yn ôl yr angen
6. Ymateb i geisiadau mynediad pwnc (SAR) a chyfrannu at roi'r wybodaeth y gofynnir amdani
7. Cynorthwyo i gadw cofnod o weithgareddau prosesu (ROPA) yn unol â gweithdrefnau sefydliadol
8. Cynnal gweithgareddau mapio data yn unol â gweithdrefnau sefydliadol
9. Cynorthwyo i baratoi a dosbarthu adroddiadau am gydymffurfio â phreifatrwydd a diogelu data

1. Y deddfau, y rheoliadau a'r polisïau perthnasol sy’n ymwneud â phreifatrwydd a rheoliadau diogelu data cyffredinol (GDPR)
2. Ble i ddod o hyd i'r polisïau rheoleiddio a safonau sefydliadol ar gyfer preifatrwydd a diogelu data
3. Pwysigrwydd adolygu cydymffurfiad sefydliadol â GDPR, y Ddeddf Diogelu Data a deddfau a rheoliadau diogelu data perthnasol eraill
4. Y camau a gymerir i roi polisïau, cynlluniau a gweithdrefnau ar waith i sicrhau cydymffurfiaeth â rheoliadau diogelu data
5. Beth yw ystyr cofrestr ddata
6. Sut i gynnal cofrestr ddata sefydliadol
7. Y camau sydd ynghlwm wrth gynnal archwiliadau diogelu data
8. Pwysigrwydd mynd i'r afael i geisiadau diogelu data mewn modd amserol ac sy'n cynnal safon uchel
9. Ystyr ceisiadau mynediad pwnc (SAR) a'r camau i'w cymryd
10. Beth yw ystyr cofnod o weithgareddau prosesu (ROPA)
11. Pwysigrwydd rhoi polisi cadw data ar waith
12. Sut i fapio data
13. Y camau sy'n gysylltiedig â chynnal cydymffurfiaeth diogelu data