Dylunio gofynion hygyrchedd a'u rhoi ar waith mewn rhyngwynebau defnyddwyr meddalwedd

Mae'r safon hon yn gysylltiedig â chynllunio, dylunio a rhoi gofynion hygyrchedd ar waith wrth ddylunio a datblygu rhyngwyneb defnyddiwr meddalwedd.
Mae hyn yn cynnwys creu fframweithiau sy’n golygu bod modd dylunio gofynion hygyrchedd digidol mewn meddalwedd yn rhan o lifoedd gwaith datblygu fel bod profiadau i ddefnyddwyr terfynol ar gael i bob defnyddiwr. Mae hyn yn cynnwys rhoi hygyrchedd ar waith fel elfen sylfaenol graidd ar gyfer gweithgareddau datblygu platfformau blaen ar y we. Mae hefyd yn cynnwys integreiddio profion gofynion hygyrchedd yn rhan o strategaethau profi unedau, systemau a defnyddioldeb yn ogystal â gwella prosesau'n barhaus.
Mae'r safon hon ar gyfer y rhai sydd angen dylunio a rhoi gofynion hygyrchedd gwefan ar waith wrth ddatblygu meddalwedd yn rhan o'u dyletswyddau.

1. Nodi'r gofynion hygyrchedd sy'n gysylltiedig â'r rhyngwyneb meddalwedd sy'n cael ei ddatblygu
2. Cynllunio gweithgareddau dylunio hygyrchedd yn unol â gweithdrefnau sefydliadol
3. Pennu meini prawf ar gyfer gwerthuso rhyngwynebau defnyddwyr meddalwedd
4. Creu opsiynau dylunio a phrototeipiau sy'n ymgorffori gofynion hygyrchedd 
5. Dewis offer a thechnegau priodol i werthuso gofynion hygyrchedd
6. Gwerthuso opsiynau dylunio a dyluniadau amgen gan ystyried gofynion hygyrchedd
7. Cael adborth defnyddwyr ar hygyrchedd dyluniadau rhyngwyneb defnyddiwr meddalwedd a phrototeipiau
8. Profi hygyrchedd cydrannau meddalwedd a dyluniadau amgen drwy brofi unedau, systemau a defnyddioldeb meddalwedd
9. Cymryd camau adferol i ddatrys unrhyw faterion hygyrchedd sy'n codi
10. Dehongli a chyflwyno canlyniadau gwerthusiadau hygyrchedd ac adrodd ar gamau adferol a gymerwyd
11. Argymell diweddariadau i brosesau datblygu meddalwedd i sicrhau bod meddalwedd yn y dyfodol yn bodloni safonau hygyrchedd gofynnol

1. Safonau hygyrchedd meddalwedd y sefydliad a'r diwydiant a sut i ddehongli'r rhain
2. Y gweithgareddau y mae angen eu cynllunio wrth ddylunio rhyngwynebau defnyddwyr meddalwedd sy'n cydymffurfio â gofynion hygyrchedd
3. Sut i nodi gofynion hygyrchedd defnyddwyr ar gyfer pob darpar ddefnyddiwr
4. Yr angen i ddatblygu metrigau i werthuso cydymffurfiaeth o ran hygyrchedd
5. Sut i ddatblygu meddalwedd sy'n bodloni gofynion hygyrchedd
6. Yr offer a'r technegau a ddefnyddir i werthuso gofynion hygyrchedd rhyngwyneb defnyddiwr
7. Yr angen i adeiladu hygyrchedd a'i roi ar waith fel gofyniad craidd ar gyfer cydrannau meddalwedd
8. Sut i nodi problemau o ran hygyrchedd mewn rhyngwynebau defnyddwyr meddalwedd
9. Pwysigrwydd ymgorffori adborth defnyddwyr mewn gwerthusiadau hygyrchedd
10. Sut i gynllunio a chynnal profion ar hygyrchedd rhyngwynebau defnyddwyr meddalwedd 
11. Sut i frysbennu materion hygyrchedd
12. Yr angen i ymgysylltu â thimau meddalwedd i arwain y gwaith o wella dyluniad rhyngwyneb defnyddiwr
13. Pwysigrwydd dogfennu materion hygyrchedd a nodir mewn meddalwedd
14. Yr angen i gydweithio'n agos ag aelodau'r tîm cynnyrch meddalwedd a dylunio
15. Pwysigrwydd nodi gwelliannau mewn prosesau dylunio o ran gofynion hygyrchedd