Darparu arddangosfeydd
Trosolwg
Ar gyfer pwy mae'r uned hon?
Mae'r uned hon ar gyfer y rhai sy'n sefydlu, cynnal a dadosod arddangosfeydd. Yng nghyd-destun ysgol, bydd yr arddangosfeydd yn cael eu cynllunio fel arfer i gynorthwyo addysgu a dysgu a/neu ddathlu cyflawniad.
Am beth mae'r uned hon?
Mae'r uned hon yn ymwneud â sefydlu arddangosfeydd a’u dadosod. Mae'n cynnwys nodi pwrpas yr arddangosfa, dylunio'r arddangosfa a phenderfynu beth fydd ynddi, a chasglu deunyddiau ar gyfer yr arddangosfa. Mae hefyd yn cynnwys gwneud yn siŵr bod yr arddangosfa'n ddiogel, ei chadw'n daclus a dadosod yr arddangosfa pan nad oes ei hangen mwyach.
Mewn ysgolion, byddai'r athro yn cynghori ar bwrpas, cynnwys a natur arddangosfeydd a bydd gan y disgyblion rôl flaenllaw wrth ddarparu deunyddiau i'w harddangos.
Mae'r uned hon yn cynnwys dwy elfen:
- Gosod arddangosfeydd
- Cynnal a dadosod arddangosfeydd.
Meini prawf perfformiad
Mae'n rhaid eich bod chi'n gallu:
Gosod arddangosfeydd
P1 nodi pwrpas yr arddangosfa yn glir
P2 dyfeisio dyluniad a chynnwys yr arddangosfa i gynnal cydbwysedd priodol rhwng cyflwyniad gweledol effeithiol a diogeledd deunydd
P3 cael gafael ar gyfarpar a deunydd a’i greu ar gyfer yr arddangosfa
P4 gosod yr arddangosfa mewn lle priodol a hygyrch i ddefnyddwyr
P5 arddangos yr holl ddeunydd perthnasol
P6 gwneud yn siŵr bod yr arddangosfa yn sefydlog ac yn ddiogel
P7 penderfynu ar y cyfnod amser gorau ar gyfer yr arddangosfa, drwy gyfeirio at ei thema, ei phwrpas a’r deunyddiau a ddefnyddir
Cynnal a dadosod arddangosfeydd
P8 cadw’r arddangosfa yn daclus, yn lân ac wedi'i gosod yn gywir
P9 monitro'r arddangosfa yn rheolaidd o ran ei sefydlogrwydd a’i diogelwch, a chymryd camau priodol os oes angen
P10 gwerthuso'r arddangosfa yn rheolaidd o ran ei defnyddioldeb a'i hatyniad parhaus
P11 ychwanegu at yr arddangosfa, ei diwygio a’i diweddaru fel sy'n ofynnol gan ei thema a'i defnydd
P12 dadosod yr arddangosfa yn ddiymdroi os nad oes ei hangen mwyach
Gwybodaeth a Dealltwriaeth
You need to know and understand:
K1 sut i ddewis deunyddiau i'w cynnwys yn yr arddangosfa
K2 sut i amddiffyn y deunydd sy'n cael ei arddangos rhag difrod neu ladrad
K3 sut i bennu hyd yr arddangosfa
K4 beth yw pwrpas a thema'r arddangosfa
K5 beth allai'r goblygiadau iechyd a diogelwch fod ar gyfer yr arddangosfa
K6 beth yw polisi'r sefydliad ar gyfer arddangos deunydd gwahanol, e.e. fel adnodd dysgu, creu ymdeimlad o gymuned, creu ymdeimlad o berchnogaeth, ac ati.
K7 lle i gael deunydd a chyfarpar ar gyfer yr arddangosfa
K8 lle i osod arddangosfeydd i gael yr effaith orau bosibl ac o ran hygyrchedd
K9 at bwy mae'r arddangosfa wedi'i hanelu
K10 sut i werthuso'r arddangosfa am ei defnyddioldeb a'i hatyniad
K11 pa gamau i'w cymryd os nad yw'r arddangosfa'n ddiogel
K12 pa ddeunyddiau sydd eu hangen i ailstocio'r arddangosfa ac o ble i'w cael
K13 sut i ddadosod yr arddangosfa yn ddiogel
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Arddangosfeydd
trefnu a chyd-osod deunyddiau (graffig, testun a/neu wrthrychau) gyda’r bwriad penodol i ddenu sylw a diddordeb defnyddwyr, neu roi gwybodaeth, neu addysgu - neu gyfuniad o'r rhain. Gall arddangosfeydd fod wedi'u gosod ar y wal neu’n gwbl ar wahân: gallant fod yn barhaol neu dros dro. Rhaid cael pwrpas penodol mewn golwg wrth ddylunio'r arddangosfa. Nid yw eitemau penodol o wybodaeth sy'n cael eu harddangos yn barhaol yn cael eu hystyried yn arddangosfeydd at ddibenion yr uned hon: er enghraifft, hysbysiadau, rhagofalon tân, cyfarwyddiadau i leoliadau.
Pwrpas yr arddangosfa
beth mae'r arddangosfa yn ceisio ei gyflawni, er enghraifft:
- adnodd dysgu
- dathlu cyflawniad
- dathlu amrywiaeth
- hyrwyddo ymdeimlad o gymuned a pherthyn
- gwella'r amgylchedd
- rhoi gwybodaeth
- ysgogi adborth.
Deunyddiau
graffig, testun a gwrthrychau a ddefnyddir yn yr arddangosfa, er enghraifft:
- deunydd archif neu ffacsimili
- arwyddion ac esboniadau
- taflenni a deunydd atodol
- deunydd hyrwyddo cyffredinol.
Mewn ysgolion, bydd disgyblion yn cymryd rhan mewn gwneud a chaffael deunyddiau i'w harddangos
Dolenni I NOS Eraill
Tarddiad yr uned hon
Daw'r uned hon o'r Safonau Galwedigaethol Cenedlaethol mewn Gwasanaethau Gwybodaeth a Llyfrgelloedd lle mae'n ymddangos fel uned IL3/10.