Darparu sain wedi’i fwyhau

Mae’r Safon hon yn ymdrin â darparu sain wedi’i fwyhau ar gyfer cyfranwyr neu gynulleidfaoedd.

Mae’n ymwneud â darparu signal sain ar gyfer ei chwyddo sy’n rhydd o unrhyw nam ac sy’n cwrdd â gofynion o ran ansawdd, hyglywedd a lefel. Mae’n cynnwys lleoli seinyddion i wneud yn fawr o ‘coverage’, lleihau goferu ar feicroffonau, cydbwyso ffynonellau sain, rheoli ychwanegiad a lleoliad y system a gwneud meicroffonau’n gyfartal er mwyn osgoi sŵn udo uchel pan fydd sain o uchelseinydd yn cael ei fwydo yn ôl i feicroffon (“howl round” neu “feedback” yn y Saesneg).

Bydd y Safon hon yn berthnasol i unrhyw un sy’n ymwneud â darparu sain wedi’i fwyhau ar gyfer cyfranwyr neu gynulleidfaoedd.

P1 cadarnhau fod eitemau offer yn gweithredu’n effeithiol, a’u bod yn cwrdd â gofynion diogelwch

P2 cadarnhau fod signalau sŵn sydd i’w bwydo i gyfranwyr yn addas i’w pwrpas, yn unol â gofynion cynhyrchu

P3 lleoli uwch-seinyddion yn ddigon agos at gyfranwyr i osgoi gorliwio ac oedi o ran amser

P4 lleoli a diogelu offer a llwybrau ceblau er mwyn iddynt fod yn dderbyniol yn weledol ac yn ddiogel i eraill

P5 cadarnhau fod eitemau o offer ar gyfer defnydd personol yn ddiogel, yn lân, yn hylan, yn weledol dderbyniol ac yn addas ar gyfer cyfranwyr

P6 cadarnhau fod signalau sain ar gyfer eu mwyhau yn rhydd o namau ac yn addas i’w pwrpas

P7 darparu sain wedi’i fwyhau ar lefel ac eglurder digonol ar gyfer cyfranwyr a’r gynulleidfa

P8 gwirio fod sain sydd wedi’i fwyhau yn dod o fewn terfynau diogel ac nad yw’n effeithio’n andwyol ar gaffael sain gan eraill

P9 nodi cyfyngiadau meicroffonau wrth gyfranwyr a fydd yn osgoi adborth ac na fydd yn creu gorliwiad sain a fydd yn effeithio ar gaffael sain

P10 lleoli meicroffonau a defnyddio caffaeliad system a chydraddoliad i osgoi sŵn udo (pan fydd sain o uchelseinydd yn cael ei fwydo yn ôl i feicroffon) a goferu sain

P11 addasu offer i leihau effeithiau mathau o ystafell ar sain a atgynhyrchir

P12 adnabod, lleihau a datrys unrhyw ddiffygion a chamweithio mewn systemau ac offer yn ystod perfformiad gan amharu cyn lleied â phosib ar y perfformiad

P13 esbonio materion technegol wrth bobl annhechnegol mewn ffyrdd a fydd yn eu helpu i ddeall eu harwyddocâd

P14 cyfathrebu gyda chyfranwyr, cydweithwyr ac eraill ynghylch lleoli offer, problemau â ffynonellau sain a phosibiliadau creadigol, ar adegau addas

P15 cynhyrchu unrhyw waith papur sydd i’w drosglwyddo mewn fformatau disgwyliedig 

K1 y gofynion cynhyrchu sain gan gynnwys disgwyliadau cyfranwyr, cynulleidfaoedd a chleientiaid neu gynyrchiadau

K2 pwysigrwydd hylgywedd deialog yn enwedig o ystyried namau clyw poblogaeth sy’n heneiddio

K3 strategaethau effeithiol i wella hygylwedd deialog

K4 mathau o gymysgwyr, uwch-seinyddion, seinyddion, clustffonau ac offer monitro yn y glust a’u nodweddion, a sut i wneud yn fawr o’r modd y’u gweithredir i gyfranwyr, ac er mwyn cynhyrchu’r sain angenrheidiol

K5 y safonau rhyng-gysylltu perthnasol a ddefnyddir

K6 egwyddorion acwstig perthnasol, a sut i’w gweithredu yn y cyd-destun presennol

K7 sut i asesu newidiadau mewn acwsteg oherwydd presenoldeb cynulleidfa

K8 gofynion deddfwriaeth a gweithdrefnau diogelwch, a sut y gallent effeithio ar ddarparu sain yn y cyd-destun presennol

K9 y technegau a ddefnyddir gyda systemau aml-seinydd a ffynhonnell pwynt

K10 systemau matrics a chyfeirio

K11 manteision ac anfanteision rhanwyr gweithredol ac anweithredol

K12 oblygiadau defnyddio dyfeisiadau atal sŵn udo (pan fydd sain o uchelseinydd yn cael ei fwydo yn ôl i feicroffon) a chlwydi sŵn

K13 defnyddio prosesi signalau a sut y mae systemau cyfyngu ar lefelau sain yn gweithredu

K14 dangosyddion namau, methiannau, a thoriadau, sut i’w hadnabod a pha weithredu adferol y gellir ei wneud, yn enwedig ar gyfer sŵn udo neu oferu o glustffonau

K15 gofynion hylendid, sut i gynnal a chadw glendid a hylendid eitemau offer personol

K16 unrhyw sensitifrwydd all fod gan gyfranwyr i wisgo clustffonau neu offer yn y glust, a sut i addasu defnydd o’r offer i oresgyn hyn

K17 y fformatau sydd eu hangen ar gyfer dogfennu, a sut i gwblhau dogfennaeth yn glir a chywir

K18 pam ei bod hi’n bwysig cyfathrebu mewn dull clir, cwrtais a darbwyllol â chydweithwyr a chyfranwyr, a sut i wneud hynny