Yn ol

Cynhyrchu cymysgiadau sain o berfformiadau byw

URN: SKSS08

Sectorau Busnes (Suites): Cynhyrchu (Ffilm a Theledu)

Datblygwyd gan: ScreenSkills

Cymeradwy ar: 31 Ion 2017

Lawrlwythwch fel PDF

Trosolwg

Mae’r Safon hon yn ymdrin â chynhyrchu cymysgiadau sain o berfformiadau byw. Mae’n ymwneud ag asesu, dethol, lleoli a rheoli ffynonellau sain. Bydd angen i chi gydbwyso sain er mwyn cael yr effeithiau artistig a ddymunir, tra ar yr un pryd yn cynnal y lefel, ansawdd donyddol, delweddau a deallusrwydd stereo ac aml-sianel sy’n angenrheidiol o fewn terfynau technegol.

Bydd y Safon hon yn berthnasol i unrhyw un sy’n ymwneud â chynhyrchu cymysgiadau sain o berfformiadau byw.

Meini prawf perfformiad

Mae'n rhaid eich bod chi'n gallu:

P1 cyfarwyddo aelodau o’r criw i symud meicroffonau ac offer yn unol â gofynion y cynhyrchiad

P2 asesu addasrwydd ffynonellau sain ar gyfer y cymysgiad terfynol yn erbyn gofynion y cynhyrchiad

P3 cynnal asesiad cywir o bob nodwedd o bob ffynhonnell sain

P4 gwirio fod ffynonellau sain yn bodoli mewn acwsteg sy’n addas ar gyfer y sain angenrheidiol

P5 cadarnhau fod gan ffynonellau sain stereo ac aml-sianel gydnawsedd gofynnol

P6 addasu ffynonellau sain er mwyn iddynt fod yn ddigon dealladwy, eu bod yn y lle cywir a bod eu delwedd yn gywir o ran y sain sydd ei angen

P7 lleoli a chydbwyso ffynonellau sain i gael yr effaith artistig a ddymunir

P8 llwyddo i gael trawsnewidiadau rhwng ffynonellau sy’n gywir yn dechnegol ac yn addas yn artistig i’r sain a ddymunir

P9 rheoli lefel y signal cyfansawdd o fewn cyfyngiadau technegol ac o fewn i’r ystod ddeinamig a ddymunir

P10 trafod ffynonellau sain er mwyn cael y lefel, cydbwysedd, ansawdd donyddol, persbectif ac ystod ddeinamig sy’n addas ar gyfer y sain a ddymunir

P11 creu cymysgiadau sain o fewn i gyfyngiadau’r cynhyrchiad

P12 creu cymysgiadau sain sy’n addas i’r cyd-destunau y clywir hwy ynddynt

P13 gwirio fod traciau a chymysgiadau’n cael eu trefnu mewn modd sy’n addas i’w defnyddio’n ddiweddarach gan olygyddion

P14 sicrhau fod unrhyw waith papur yn gywir, yn ddealladwy, yn gyfredol ac yn cydymffurfio â chonfensiynau a ddeellir gan eraill yn y diwydiant

P15 defnyddio gwybodaeth o ffynonellau dibynadwy i adnabod a chywiro unrhyw broblemau o ran creu cymysgiadau, lleihau tarfu ar gyfranwyr a chydweithwyr

P16 dehongli awgrymiadau a cheisiadau creadigol gan y penderfynwyr a phobl annhechnegol eraill yn unol â gweithdrefnau cynhyrchu

P17 awgrymu dewisiadau i’r penderfynwyr a fydd yn bodloni ceisiadau creadigol a gofynion gweithredu’r cynhyrchiad fel ei gilydd

P18 cyfathrebu â chydweithwyr ac eraill am leoli offer a meicroffonau, problemau â ffynonellau sain a phosibiliadau creadigol ar adegau addas

P19 esbonio materion technegol mewn ffyrdd fydd yn galluogi pobl annhechnegol i ddeall eu harwyddocâd

P20 cynnal diogelwch ffeiliau a deunyddiau eraill yn unol â gofynion cynhyrchu

P21 monitro ansawdd pob allbwn a chymysgiad ac addasu yn ôl y galw ar gyfer defnyddwyr gwahanol

Gwybodaeth a Dealltwriaeth

You need to know and understand:

K1 gofynion y cyfrannwr, y cleient neu’r cynhyrchiad

K2 y sain ofynnol a ffiniau artistig, technegol a gweithredol y cynhyrchiad

K3 pwysigrwydd cael deialog hyglyw, yn enwedig wrth ystyried namau ar glyw poblogaeth sy’n heneiddio

K4 strategaethau effeithiol i wella hyglywedd deialog ymddygiad addas wrth weithio o flaen cynulleidfa ac ar y cyd â pherfformwyr â phroffil uchel

K5 defnyddio offer cymysgu a phrosesu sain

K6 offer monitro yn y glust a fydd yn gwarchod y clyw ac yn darparu cyfathrebu hyglyw o systemau meic cyswllt (talkback)

K7 egwyddorion acwsteg perthnasol a sut i’w gweithredu

K8 gofynion ar gyfer ystod ddeinamig a hyglywedd

K9 meini prawf gwerthuso’r sain wrth iddo gael ei greu

K10 cyd-destun clywed y cymysgiad, a sut i ystyried hyn wrth greu’r cymysgiad

K11 ar gyfer beth y defnyddir y cynnyrch terfynol a’r offer y clywir ef drwyddo

K12 y ffyrdd gwahanol y gellir trin neu addasu ‘sain’

K13 nodweddion ansawdd a phersbectif y dôn

K14 sut i gael yr arddull sain a ddymunir

K15 egwyddorion acwstig perthnasol a sut i’w gweithredu

K16 offerynnau cerddorol a’u nodweddion, a sut i ddal eu sain

K17 egwyddorion sylfaenol tonyddiaeth, rhythm, melodi, harmoni ac arwyddion amser

K18 anghenion sain ôl-gynhyrchu a golygu, a sut y defnyddir y sain yn ystod ôl-gynhyrchu

K19 cydnawsedd gwrando ar gyfer gwrandawyr mono sy’n deillio o ffynonellau cymysgiad stereo ac aml-sianel

K20 nodweddion a nodweddion gweithredu offer ategol

K21 sut i adnabod a chyfyngu ar ddiffygion posib yn y system fonitro

K22 defnyddio codyddion a dad-godyddion fformat

K23 sut i ddelio â ffynonellau sain gwallus

K24 sut i adnabod, neu ddatblygu a gwerthuso, posibiliadau creadigol

K25 sut i adnabod, neu ddatblygu a gwerthuso, cymwysiadau newydd o egwyddorion a thechnegau sydd wedi hen sefydlu

K26 sut i gyfathrebu’n effeithiol â chleientiaid, cyfranwyr a chydweithwyr

K27 sut i drafod ac ymateb i ofynion creadigol a thechnegol penderfynwyr

K28 sut i ddehongli ceisiadau ac awgrymiadau o ran genre penodol neu arddull cymysgiadau sain

K29 pam ei bod hi’n bwysig trin cyfranwyr a chydweithwyr yn gwrtais ac â thact a sut i wneud hynny

Cynhyrchu cymysgiadau sain o berfformiadau byw

Trosolwg

Meini prawf perfformiad

Gwybodaeth a Dealltwriaeth

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

Dilysrwydd

Statws

Sefydliad Cychwynnol

URN gwreiddiol

Galwedigaethau Perthnasol

Cod SOC

Geiriau Allweddol