Dal sain mewn sefyllfaoedd cynhyrchu nad ydynt yn cael eu rheoli

Mae’r Safon hon yn ymdrin â dal sain y tu allan i sefyllfa gynhyrchu sydd wedi ei reoli. Gallai hyn fod ar gyfer rhaglenni dogfen, materion cyfoes, newyddion, teledu realiti neu rai arddulliau drama.

Mae hyn yn ymwneud â chymhwyso doethineb i ddarparu’r ansawdd sain gorau posib, ar fyr rybudd, heb lawer o wybodaeth, ac amserlen neu ofynion sy’n newid yn annisgwyl. Gall sain gael ei ddarparu i gamcorder – a reolir gan weithredydd camera – neu system ddarparu drosglwyddol. Gellir hefyd recordio sain ar yr un pryd i ddyfais recordio ar wahân sydd wedi ei syncroneiddio i’r camera. Unwaith y bydd saethu’n dechrau, mae’n debygol na fydd gan y recordydd sain unrhyw reolaeth dros sain y camera.

Wrth weithio ar drosglwyddiad efallai y byddwch chi’n darlledu’n fyw a bydd angen i chi sefydlu a chynnal cyfathrebiad â’r brif stiwdio. Ymdrinnir â hyn yn SKSS7 Darparu systemau meic cyswllt (talkback)

Mae'r Safon hon yn berthnasol i unrhyw un sy'n darparu sain mewn sefyllfaoedd cynhyrchu nad ydynt yn cael eu rheoli. 

P1 darparu, neu sicrhau argaeledd, meicroffonau addas ac offer arall addas i’r swydd a’r amgylchedd

P2 lleoli meicroffonau i gael yr ansawdd sain orau bosib, o fewn i gyfyngiadau cynhyrchu a’r amgylchedd

P3 cydlynu defnydd o amledd radio ag unrhyw griwiau sain eraill yn unol â gofynion cynhyrchu

P4 rhoi’r ‘feeds’ sain addas i sianelau camera ac addasu gosodiadau mewnol camerâu i wneud y gorau o ansawdd sain

P5 cyflenwi unrhyw fanylion ysgrifenedig gofynnol mewn fformatau priodol

P6 gweithredu systemau dewislen camerâu i gael sain o’r ansawdd gorau, traciau penodedig a lefelau recordio a monitro

P7 darparu, monitro a gwirio tôn “line-up” ar bob camera, cymysgydd a/neu recordydd yn ôl gofynion

P8 cadarnhau’n rheolaidd fod unrhyw system syncroneiddio’n addas, yn ddigon cywir ac yn gweithredu fel y dylai

P9 cyfathrebu â gweithredwyr camerâu am wybodaeth berthnasol ar adegau addas

P10 gweithredu cymysgwyr sain symudol ar yr un pryd â lleoli meicroffonau ar bolion bŵm

P11 cynhyrchu sain o’r ansawdd orau posib heb ymyrryd â, neu achosi oedi diangen i, gynyrchiadau

P12 gweithredu meicroffon bŵm heb fod yn berygl i chi eich hunan nac eraill ar unrhyw adeg

P13 addasu eich lleoliad yn ystod ffilmio i osgoi taflu cysgod neu adlewyrchiad o ffynonellau goleuni annisgwyl neu arwynebedd sy’n adlewyrchu

P14 recordio sain i beiriannau recordio ar wahân i ffynonellau meicroffon eraill er mwyn darparu traciau sy’n addas i gyd-fynd â lluniau neu gynyrchiadau

P15 gwirio ar gyfleoedd addas fod sain sy’n cael ei recordio’n cwrdd â sain dderbyniol y rhaglen

P16 bod â dillad ac esgidiau diogel neu addas i’r tywydd yn eich meddiant i’ch gwarchod chi eich hunan ac i osgoi peryglu’r cynhyrchiad

P17 bod ag offer cynnal a chadw, tŵls a darnau sbâr yn eich meddiant i drwsio neu newid yn y maes

P18 adnabod namau mewn ceblau a chysylltwyr a’u trwsio’n effeithiol ble bo’n bosib

P19 sicrhau fod system ddibynadwy wrth gefn yn bodoli os bydd meicroffonau’n peidio â gweithio

K1 y mathau gwahanol o feicroffonau a sut i’w gosod yn gynnil

K2 pwysigrwydd hyglywedd y ddeialog, yn enwedig o ystyried namau clyw poblogaeth sy’n heneiddio

K3 strategaethau effeithiol i wella eglurder clywed deialog

K4 bod gweithio y tu allan i gynhyrchiad a reolir yn cynnig amgylchiadau na ellir mo’u rhagweld a bod angen hyblygrwydd, doethineb a disgresiwn wrth geisio caffael sain addas

K5 y mathau cyffredin o gamcorders cynhyrchu a ddefnyddir gan gynnwys modelau domestig a’r modelau darlledu gorau

K6 sut y bydd modelau camcorder yn amrywio o ran recordio sain, addasrwydd dulliau syncroneiddio, monitro sain a chwarae’n ôl

K7 y mathau gwahanol o ryngwynebau y bydd angen i sain fynd iddynt

K8 technegau dosbarthu trosglwyddo

K9 defnyddio a rheoli amledd radio a rheoli amledd, yn enwedig pan fydd criwiau lluosog yn gweithio

K10 sut i ddal a symud polyn mewn ymarweddiad diogel, o fewn i’ch cyfyngiadau corfforol chi, ac mewn modd y mae’n bosib ei gynnal am gyfnodau o amser a allai fod yn hir.

K11 sut i weithredu offer fel bŵm neu bolyn, a chynnal eich iechyd a’ch diogelwch chi ac eraill, yn enwedig yn ystod symudiadau manwl neu anodd

K12 ffiniau technegol a chyfreithiol sy’n berthnasol i amledd radio

K13 y broses “line-up” sydd ei hangen wrth anfon sain o bellter o gymysgydd

K14 y problemau cyffredin sy’n gysylltiedig â sain a all ddigwydd wrth i gamera gael ei ddefnyddio i ffilmio a sut i osgoi neu wirio amdanynt

K15 technegau cyfathrebu gwahanol i’w defnyddio â gweithredwyr camera a hefyd pan mai nhw yw’r cyfarwyddwr

K16 gwybodaeth berthnasol i’w  chyfathrebu i weithredwyr camera, gan gynnwys sut y gall eu gweithredoedd effeithio ar ansawdd sain neu osodiadau’r camera, sut y gallant ddewis yr hyn a gyflenwir, darpar risgiau i’w hiechyd a diogelwch neu gyfleoedd ffilmio yn yr amgylchedd ehangach na allan nhw mo’u gweld

K17 terminoleg ac arferion gweithredu camerâu dogfennol a drama sengl o ran fframio, onglau camera, saethu am y nôl ac arddulliau saethu

K18 goleuo a ffynonellau golau naturiol neu rai nad ydynt o dan reolaeth yn achos ffilmio mewn arddull ddogfennol

K19 sut i ddefnyddio eich doethineb eich hun yn absenoldeb briff neu wybodaeth arall am y gwaith sydd i’w wneud

K20 sut i aros yn hyblyg pan fydd amodau a gofynion sain yn newid yn gyflym ac yn ddireolaeth

K21 cymarebau agwedd camera, fframio ac arferion siot a sut i osgoi tarfu ar ymylon ffrâm neu amharu ar waith camera