Dewis a briffio cyfranwyr radio a sain

Mae’r safon hon yn ymwneud â dewis a briffio unrhyw un y mae gofyn iddyn nhw gyfrannu tuag at gynhyrchiad radio a sain, gan gynnwys aelodau’r cyhoedd, gwesteion enwog, cyfranwyr arbenigol, gwesteion, actorion neu gerddorion.  

Mae’r safon hon yn arbennig ar gyfer y rheiny sy’n dewis ac yn briffio cyfranwyr radio neu sain.

---

1. defnyddio gwybodaeth i asesu nifer a natur y cyfranwyr sydd eu hangen ar gyfer cynhyrchiad radio neu sain
2. llunio manylebau o’r mathau o gyfranwyr sydd eu hangen ar gyfer cynhyrchiad radio neu sain
3. nodi a manteisio ar ffynonellau gwybodaeth berthnasol a dibynadwy am gyfranwyr arfaethedig
4. nodi cyfranwyr arfaethedig y mae eu nodweddion yn cyfateb i’r fanyleb a chadarnhau eich penderfyniad gyda’ch cydweithwyr
5. rhoi gwybodaeth i gyfranwyr am natur y rôl, ac unrhyw ofynion arbennig
6. asesu cyfranwyr arfaethedig o gymharu â’r meini prawf dethol, gan bennu eu profiad personol neu broffesiynol perthnasol, eu cymhwysedd, cymwysterau ac unrhyw drwydded sydd ei hangen i ymarfer
7. dewis cyfranwyr sy’n cynnig y gallu gorau i fodloni gofynion y cynhyrchiad radio a sain, gan gytuno ar ddewisiadau amgen addas pan fo’n briodol
8. briffio’r cyfranwyr gyda’r wybodaeth sydd ei hangen arnyn nhw am y cyfraniadau a ddisgwylir ganddyn nhw, eu rôl yn y cynhyrchiad radio neu sain a rolau pobl eraill sy’n cymryd rhan
9. cynnig cymorth sensitif a chwrtais i gyfranwyr pan fo’i angen
10. hysbysu’r cyfranwyr o unrhyw arferion stiwdio neu leoliad perthnasol pan maen nhw’n cyrraedd, gan gynnwys trefniadau iechyd a diogelwch lleol
11. sicrhau caiff y cyfranwyr eu tywys o’r stiwdio neu’r lleoliad pan fyddan nhw wedi cwblhau eu perfformiad
12. cwblhau ffurflenni caniatâd yn ôl yr angen

---

1. ffynonellau’r cyfranwyr perthnasol, a sut i fanteisio arnyn nhw
2. y goblygiadau cyfreithiol, cytundebol, moesegol, ac iechyd a diogelwch perthnasol sydd ynghlwm â defnyddio cyfranwyr
3. pwysigrwydd nodi goblygiadau cytundebol a chysylltiedig o ddefnyddio cyfranwyr
4. pam mae hi’n bwysig cadw cofnodion a nodiadau manwl gywir
5. diben a strwythur pob cynhyrchiad, rhaglen neu eitem radio neu sain a beth sy’n ofynnol gan unrhyw gyfranwyr
6. y meini prawf dethol o ran cyfranwyr ar gyfer pob cynhyrchiad radio neu sain a sut i bennu os caiff y meini prawf hyn eu bodloni 
7. graddau gwybodaeth a phrofiad cyfranwyr unigol o gymryd rhan mewn cynyrchiadau radio a sain, ac o arferion cynhyrchu
8. y gwahanol broblemau sy’n codi pan fo cyfranwyr mewn lleoliad anghysbell yn hytrach nag yn bresennol mewn stiwdio, wyneb yn wyneb gyda chyflwynydd neu gyfranwyr eraill
9. sut i gynnig cymorth i a diogelu cyfranwyr
10. y gweithdrefnau iechyd a diogelwch sy’n berthnasol i’r lleoliad

---

---

---

---

---

---

---

---

---

---

3

---

2027

---

Ar hyn o bryd

---

Gwreiddiol

---

ScreenSkills

---

SKSRAC18

---

Cydlynydd Cynhyrchu, Rheolwyr Stiwdio, Rheolwr Gorsaf, Cyflwynydd Radio, Cynhyrchydd Technegol, Cynorthwyydd Darlledu, Cynhyrchydd Cynorthwyol, Cynhyrchydd, Cynhyrchydd Gweithredol, Cynhyrchydd Drama, Cynhyrchydd Comedi, Cynhyrchydd Rhaglenni Dogfen, Cynhyrchydd Podlediadau, Cynhyrchydd Sain

---

---

radio; sain; cyfranwyr; stiwdio; lleoliad; gwesteion enwog; cyfranwyr arbenigol; gwesteion; actorion; cerddorion;

---