Cydlynu gwaith papur cynhyrchu ar gyfer radio a sain

Mae'r Safon hon yn ymwneud â chydlynu gwaith papur cynhyrchu ar gyfer radio neu sain. Mae'n ymwneud â chynhyrchu gwaith papur perthnasol i ategu a chwblhau cynhyrchiad radio a sain. Gallai hyn gynnwys amserlenni, sgriptiau, ceisiadau technegol, rhestrau castiau a chriwiau, taflenni galw a chriwiau, ffurflenni caniatâd a rhyddhau, contractau, cliriadau hawlfraint a gwaith papur cydymffurfiaeth arall.

Mae'n ymwneud â chael gwybodaeth ar bob cam o'r gwaith cynhyrchu o gynllunio i gyflwyno a chwblhau prosiect; cadw cofnodion a chreu'r gwaith papur angenrheidiol; a'i gyhoeddi'n brydlon yn y fformat gofynnol i bob un y mae ei angen arno/arni.

Mae'n cynnwys sicrhau bod yr wybodaeth yn gywir ac yn gyfoes a rhoi gwybod i bobl pan fydd newidiadau. Mae'n ymwneud â chyfathrebu'r amserlen gynhyrchu i gydweithwyr perthnasol, a rhoi unrhyw gyfarwyddiadau angenrheidiol. 

Mae'n mynnu sylw i fanylion, a sgiliau trefnu a chyfathrebu da. 

Mae'r Safon hon yn berthnasol i bob un sy'n cydlynu gwaith papur ar gyfer radio neu sain.

P1 cael hyd i'r wybodaeth angenrheidiol i'w chynnwys mewn gwaith papur ategol o ffynonellau perthnasol

P2 cynnal cofnodion cyfoes o'r holl wybodaeth cynhyrchu radio a sain sy'n ofynnol

P3 cadarnhau bod yr wybodaeth a gasglwyd gennych yn gywir ac yn gyfoes

P4 gwirio bod unrhyw gyfrifiadau yn yr wybodaeth yn gywir

P5 cynhyrchu gwaith papur eglur a chywir sy'n cynnwys yr holl wybodaeth berthnasol yn y fformat gofynnol

P6 dosbarthu'r gwaith papur i bob un o'r bobl hynny y mae ei angen arnynt yn ddi-oed, gan eu hysbysu o unrhyw newidiadau o fersiynau cynt

P7 cyfathrebu gofynion y cynllun cynhyrchu, yr amserlen a'r sgriptiau radio neu sain i aelodau'r tîm cynhyrchu mewn pryd iddynt gymryd camau priodol

P8 cymharu cynnydd yn erbyn cynlluniau ac amserlenni'n rheolaidd

P9 cydlynu gwybodaeth berthnasol ar gyfer taflenni galw os bydd angen

P10 cynnal cyfrinachedd gwybodaeth sensitif yn unol â gofynion sefydliadol

K1 y gofynion cynhyrchu radio a sain, gan gynnwys amserlenni, contractau, trwyddedu, ffurflenni caniatâd a rhyddhau

K2 ffynonellau gwybodaeth berthnasol ar gynnydd a chyflwyno'r cynhyrchiad

K3 ar bwy mae angen yr wybodaeth sydd wedi'i chynnwys yn y gwaith papur ategol

K4 y gwahanol fathau o waith papur ategol sy'n ofynnol ar wahanol gamau cynhyrchiad - gan gynnwys amserlenni cynhyrchu a golygu i gontractau, cliriadau hawlfraint a ffurflenni recordio a chydymffurfiaeth.

K5 fformatau safonol ar gyfer cyflwyno gwybodaeth, a phryd dylid eu defnyddio

K6 y terfynau amser a'r gweithdrefnau ar gyfer dosbarthu neu gyflwyno gwaith papur

K7 ar bwy mae angen yr wybodaeth am y cynllun cynhyrchu a'r amserlen radio a sain, manylion ôl-gynhyrchu a chyflwyno a phryd mae ei hangen  

K8 yr wybodaeth ofynnol ar daflen alw 

K9 sut mae'r Ddeddf Diogelu Data'n rheoleiddio’r gwaith o gasglu, defnyddio a recordio data personol

K10 mathau o wybodaeth gyfrinachol gan gynnwys contractau a manylion cyswllt ar gyfer actorion, cerddorion, cyflwynwyr neu gyfranwyr 

K11 eich cyfrifoldebau o ran cadw cofnodion cynhyrchu

K12 pwysigrwydd talu sylw i fanylion, a sgiliau trefnu a chyfathrebu da