Adnabod, paratoi a chyfweld ar gyfer cynyrchiadau radio a sain
URN: SKSRAC30
Sectorau Busnes (Cyfresi): Creu Cynnwys Radio a Sain
Datblygwyd gan: ScreenSkills
Cymeradwy ar:
2017
Trosolwg
Mae'r Safon hon yn ymwneud â deall natur a diben amrywiol fathau o gyfweliadau radio neu sain, a'r paratoadau gofynnol cyn i bob cyfweliad ddechrau.
Mae'n ymwneud ag adnabod cyfweleion priodol, gwirio'u manylion a ffeithiau cefndir.
Mae'n cynnwys cynllunio cwestiynau a briffio cyfweleion yn gywir.
Mae'r Safon hon hefyd yn ymwneud â chynnal amrywiol fathau o gyfweliadau o dan wahanol amodau, gan ddefnyddio arddulliau cyfweld addas, ac ymateb yn briodol i ymatebion.
Mae'r Safon hon yn berthnasol i bob un sy'n adnabod, yn paratoi ac yn cyfweld ar gyfer cynyrchiadau radio neu sain.
Meini prawf perfformiad
Mae'n rhaid eich bod chi'n gallu:
- defnyddio gwybodaeth ddibynadwy i adnabod diben a ffocws pob eitem, rhaglen neu gynhyrchiad radio neu sain
- adnabod a lleoli pobl briodol i gyfweld â nhw, gan ystyried yr angen am gydbwysedd a chymysgedd o safbwyntiau lle bo angen
- paratoi eich hun drwy wirio ffeithiau cefndir a manylion personol i gadarnhau perthnasedd ac awdurdod cyfweleion
- paratoi cyfweleion gyda gwybodaeth eglur a chywir ar y trywyddau holi arfaethedig a'r cyfraniad a ddisgwylir ganddynt
- yn ystod y cyfweliad, mabwysiadu arddull cyfweld sy'n swnio'n ddigymell sy'n briodol i'ch amcanion, ac sy'n annog yr ymatebion gofynnol gan bob cyfwelai
- gwrando ar ymatebion cyfweleion a dilyn i fyny ar eu hymatebion gyda chwestiynau perthnasol
- cynnig eglurhad i gynulleidfaoedd ar adegau priodol am wybodaeth a arddelir gan gyfweleion, ac am unrhyw dermau arbenigol neu ymadroddion a ddefnyddir
- terfynu cyfweliadau pan fydd gofyn gydag effaith olygyddol briodol
- hysbysu cynulleidfaoedd pwy yw cyfweleion ar adegau perthnasol yn ystod yr eitem, rhaglen, cynhyrchiad radio neu sain
- sicrhau bod safbwyntiau cyfweleion yn cael eu hadlewyrchu mewn ffordd deg a chywir pan gaiff cyfweliadau eu golygu i'w darlledu
- sicrhau bod unrhyw ffurflenni rhyddhau a chaniatâd yn cael eu llofnodi gan bobl briodol
- sicrhau bod aelodau perthnasol o'r tîm cynhyrchu a thechnegol yn cael eu briffio gyda'r wybodaeth sydd ei hangen arnynt bob amser
- gweithio o fewn cyfyngiadau adnoddau a chyllidebau ar gyfer y cynhyrchiad radio neu sain
Gwybodaeth a Dealltwriaeth
You need to know and understand:
- diben y cyfweliad radio neu sain
- y gwahanol fathau o gyfweliadau a'u gofynion amrywiol: megis rhai byw neu wedi'u recordio, mewn stiwdio neu ar leoliad
- y brîff a gytunir yn glir ar gyfer pob cyfweliad, a'r cynulleidfaoedd targed
- sut i baratoi ar gyfer cyfweliadau a dod o hyd i gyfweleion
- y terfyn amser ar gyfer cyfweliadau wedi'u recordio, a'r slotiau ar yr awyr ar gyfer cyfweliadau sydd wedi'u cwblhau a'u golygu
- enwau a lleoliadau cyfweleion unigol
- y cyllidebau a'r adnoddau sydd ar gael ar gyfer pob cyfweliad
- pryd i ddefnyddio ffurflenni rhyddhau a chaniatâd, pwy y mae eu hangen arnynt, a phryd a pham y dylid gwarchod manylion hunaniaeth cyfwelai
- y gwahaniaethau rhwng cynnal cyfweliadau sydd wedi'u cynllunio a rhai digymell
- yr arddull cyfweld cywir i'w fabwysiadu ar gyfer diben pob cyfweliad, a gwahanol ofynion gorsafoedd, rhaglenni a chynyrchiadau radio neu sain
- sut i baratoi cwestiynau sydd wedi'u bwriadu i roi atebion cydlynol, dadlennol, treiddgar neu ddifyr, a defnyddiau cwestiynau agored a chaeedig fel ei gilydd
- sut i baratoi i gael eich cyfweld, gan gynnwys sut i ragweld cwestiynau a pharatoi atebion ymlaen llaw
- sut i wirio bod cyfweleion yn deall yr hyn a ddisgwylir ganddynt
- pwysigrwydd cynnal cyswllt llygad a defnyddio iaith y corff yn gywir wrth gynnal cyfweliadau wyneb yn wyneb
- pan fydd angen, y codau gwisg perthnasol ar gyfer gwahanol achlysuron a lleoliadau
- sut i derfynu cyfweliadau'n naturiol ac yn daclus
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Fersiwn rhif
Dyddiad Adolygu Dangosol
2020
Dilysrwydd
Ar hyn o bryd
Statws
Gwreiddiol
Sefydliad Cychwynnol
Creative Skillset
URN gwreiddiol
SKSRC30
Galwedigaethau Perthnasol
Cyfryngau a chyfathrebu, Gweithwyr Proffesiynol Cyswllt Cyfryngau
Cod SOC
Geiriau Allweddol
Radio, Sain, Cynnwys, Cyfweliadau, Baratoi, Arddull, Cwestiynau